Ўзбекистон Республикаси Вазирлар Маҳкамасининг 20.10.1998 й. 448-сон "Ўзбекистон Республикаси Вазирлар Маҳкамасининг 1994 йил 3 ноябрдаги 533-сон қарорига ўзгартиришлар киритиш тўғрисида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
20.10.1998 й.
N 448
ЎЗБЕКИСТОН РЕСПУБЛИКАСИ ВАЗИРЛАР
МАҲКАМАСИНИНГ 1994 ЙИЛ 3 НОЯБРДАГИ
533-СОН ҚАРОРИГА ЎЗГАРТИРИШЛАР
КИРИТИШ ТЎҒРИСИДА
Ўзбекистон Республикасининг Оила кодекси қабул қилиниши муносабати билан Вазирлар Маҳкамаси ҚАРОР ҚИЛАДИ:
Вазирлар Маҳкамасининг "Давлат божи ставкалари ҳақида" 1994 йил 3 ноябрдаги 533-сон қарори билан тасдиқланган давлат божи ставкаларига (Ўзбекистон Республикаси ҚТ, 1994 йил, 11-сон, 49-модда) қуйидаги ўзгартиришлар киритилсин:
4-банд қуйидаги тахрирда баён қилинган ҳолда "ж", "з" ва "и" кичик бандлар билан тўлдирилсин:
ж) |
Никоҳ шартномасини тасдиқлаганлик, унга ўзгартиришлар киритганлик ёки унинг амал қилишини тўхтатганлик учун |
энг кам ойлик иш ҳақининг 50 фоизи миқдорида |
з) |
вояга етмаган болаларга ота-оналар томонидан алимент тўланиши ҳақидаги келишувни тасдиқлаганлик, унга ўзгартиришлар киритганлик ёки унинг амал қилишини тўхтатганлик учун |
энг кам ойлик иш ҳақининг 25 фоизи миқдорида |
и) |
ота-оналар томонидан вояга етган меҳнатга лаёқатсиз болаларига, меҳнатга лаёқатли вояга етган болалар томонидан меҳнатга лаёқатсиз ёрдамга муҳтож ота-оналарига алимент тўлаш, эр-хотинлар (собиқ эр-хотинлар), қариндошлар ва бошқа шахсларнинг бир-бирига таъминот бериш ҳақидаги келишувини тасдиқлаганлик, шунингдек унга ўзгартиришлар киритганлик ёки унинг амал қилишини тўхтатганлик учун |
энг кам ойлик иш ҳақининг 20 фоизи миқдорида |
"ж"-"х" кичик бандлар тегишли равишда "к"-"ш" кичик бандлар деб ҳисоблансин.
биринчи хат боши қуйидаги тахрирда баён қилинсин: "Фуқаролик ҳолати далолатномаларини рўйхатдан ўтказганлик, фуқароларга фуқаролик ҳолати далолатномалари рўйхатдан ўтказилганлиги тўғрисида такрорий гувоҳномалар берганлик, фуқаролик ҳолати далолатномаларига ўзгартиришлар, тузатишлар ва қўшимчалар киритганлик, фуқаролик ҳолати далолатномалари ёзувларини тиклаганлик, фамилия, исм ва ота исмини ўзгартирганлик учун";
"б" кичик бандида:
иккинчи хат боши "энг кам иш ҳақининг 150 фоизи миқдорида" сўзларидан олдин "эр-хотинларнинг биридан ёки иккаласидан" сўзлари қўшилсин;
бешинчи хат боши чиқариб ташлансин;
"в" кичик банд қуйидаги тахрирда баён қилинсин:
в) 16 ёшдан 18 ёшгача бўлган фуқаролар томонидан фамилия, исм, ота исми ўзгартирилганлиги учун |
энг кам ойлик иш ҳақининг 50 фоизи миқдорида |
18 ёшдан катта фуқаролар томонидан фамилия, исм, ота исми ўзгартирилганлиги учун |
энг кам ойлик иш ҳақининг 100 фоизи миқдорида"; |
"д" кичик бандида "20" рақами "15" рақами билан алмаштирилсин.
Вазирлар Маҳкамасининг Раиси И. Каримов
"Ўзбекистон Республикаси Ҳукумати қарорлари тўплами", 1998 й., N 10, 38-модда.
Бизнинг Facebook
Телеграм канали @uz_buxgalter
