Ўзбекистон Республикаси Вазирлар Маҳкамасининг 23.12.2003 й. 560-сон "Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

23.12.2003 й.

N 560

ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА

ЎЗГАРТИРИШ ВА ҚЎШИМЧАЛАР

КИРИТИШ ТЎҒРИСИДА

Ўзбекистон Республикаси Вазирлар Маҳкамасининг "Ўзбекистон Республикаси фуқароларининг чет эллардаги меҳнат фаолиятини ташкил этишни такомиллаштириш чора-тадбирлари тўғрисида" 2003 йил 12 ноябрдаги 505-сон қарорининг 8-бандини бажариш юзасидан Вазирлар Маҳкамаси ҚАРОР ҚИЛАДИ:

Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

Вазирлар Маҳкамасининг Раиси                                                       И.Каримов

Вазирлар Маҳкамасининг

2003 йил 23 декабрдаги

560-сон қарорига

ИЛОВА

Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Ўзбекистон Республикаси Вазирлар Маҳкамасининг "Ўзбекистон Республикаси фуқароларининг чет элдаги ҳамда хорижий фуқароларнинг республикадаги касб фаолияти тўғрисида" 1995 йил 19 октябрдаги 408-сон қарори (Ўзбекистон Республикаси ҚТ, 1995 й., 10-сон, 41-модда) 1-бандининг иккинчи хат боши ва ушбу қарорга 1-илова ўз кучини йўқотган деб ҳисоблансин.

2. Ўзбекистон Республикаси Вазирлар Маҳкамасининг "Ўзбекистон Республикаси Меҳнат ва аҳолини ижтимоий муҳофаза қилиш вазирлиги фаолиятини ташкил этиш тўғрисида" 2001 йил 13 февралдаги 75-сон қарорига (Ўзбекистон Республикаси ҚТ, 2001 й., 2-сон, 11-модда) 1-иловада "Ташқи меҳнат миграцияси масалалари агентлиги" графасидан кейин "Фуқароларни чет элларда ишга жойлаштириш бўйича хўжалик ҳисобидаги минтақавий бюролар" графаси қўшилсин.

3. Ўзбекистон Республикаси Вазирлар Маҳкамасининг "Ўзбекистон Республикаси Меҳнат ва аҳолини ижтимоий муҳофаза қилиш вазирлиги ҳамда Ташқи меҳнат миграцияси масалалари агентлиги тўғрисидаги низомларни тасдиқлаш ҳақида" 2001 йил 6 апрелдаги 162-сон қарорида (Ўзбекистон Республикаси ҚТ, 2001 й., 4-сон, 21-модда):

1) Ўзбекистон Республикаси Меҳнат ва аҳолини ижтимоий муҳофаза қилиш вазирлиги тўғрисида Низомнинг (қарорга 1-илова) 14-бандига :

а) қуйидаги мазмундаги учинчи хат боши қўшилсин:

"Фуқароларни чет элларда ишга жойлаштириш бўйича хўжалик ҳисобидаги минтақавий бюролар";

б) учинчи - ўн биринчи хат боши тегишли равишда тўртинчи - ўн иккинчи хат боши ҳисоблансин;

2) қарорга 3-илованинг 13-бандидаги 3-кичик банд чиқариб ташлансин.

4. Ўзбекистон Республикаси Вазирлар Маҳкамасининг "Ўзбекистон Республикаси фуқароларининг чет эллардаги меҳнат фаолиятини ташкил этишни такомиллаштириш чора-тадбирлари тўғрисида" 2003 йил 12 ноябрдаги 505-сон қарорига 7-илованинг 1.1-бандидаги "а" кичик банддан "ва 1-банднинг иккинчи хат бошидаги" сўзлари чиқариб ташлансин.

"Ўзбекистон Республикаси Ҳукумати қарорлари тўплами", 2003 й., 12-сон, 130-модда