Молия вазирлигининг 7-сон, Давлат солиқ қўмитасининг 2004-07-сон "Экология солиғи ҳисоблаб чиқариш ва тўлаш тартиби тўғрисидаги йўриқномага ўзгартиришлар киритиш тўғрисида"ги 06.01.2004 й. Қарори (АВ томонидан 16.02.2004 й. 1219-1-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

16.02.2004 й.

N 1219-1

ҚАРОРИ

Экология солиғи ҳисоблаб чиқариш ва

тўлаш тартиби тўғрисидаги йўриқномага

ўзгартиришлар киритиш тўғрисида

Ўзбекистон Республикасининг Солиқ кодекси, Ўзбекистон Республикасининг "Давлат солиқ хизмати тўғрисида"ги Қонуни 7-моддаси ва Ўзбекистон Республикаси Вазирлар Маҳкамасининг 2003 йил 25 декабрдаги "Ўзбекистон Республикасининг 2004 йилга Давлат бюджети параметрлари тўғрисида"ги 567-сон қарорига мувофиқ ҚАРОР ҚИЛАМИЗ:

1. Ўзбекистон Республикаси Молия вазирлиги ва Давлат солиқ қўмитасининг 2003 йил 14 январда 7 ва 2002-03-сонли қарори билан тасдиқланган Экология солиғини ҳисоблаб чиқариш ва тўлаш тартиби тўғрисидаги Йўриқномага (рўйхат рақами 1219, 18.02.2003 йил, "Ўзбекистон Республикаси вазирликлари, давлат қўмиталари ва идораларининг меъёрий ҳужжатлари ахборотномаси", 2003 йил, 4-сон) иловага мувофиқ ўзгартиришлар киритилсин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган пайтдан бошлаб ўн кун ўтгач кучга киради.

Молия вазири                                                   М.Б.Нурмуратов

Давлат солиқ қўмитаси раиси                           Ж. Б. Сайфиддинов

Қарорга

ИЛОВА

Экология солиғини ҳисоблаб чиқиш ва тўлаш тартиби

тўғрисидаги йўриқномага киритилаётган ўзгартишлар

1. 6-банддаги "б" кичик банди чиқариб ташлансин.

2. 7-банд қуйидаги таҳрирда баён этилсин:

"7. Экология солиғи солиқ тўловчи томонидан солиқ солиш объекти ва белгиланган ставкадан келиб чиқиб ҳисобланади. Экология солиғи бўйича ҳисоб-китоблар ҳар чоракда ўсиб борувчи якун билан, мазкур йўриқноманинг иловасидаги шакл бўйича, хисобот чорагидан кейинги ойнинг 25-санасидан кечиктирмай, йил якунлари бўйича - йиллик молиявий ҳисоботларни тақдим этиш муддатида, рўйхатдан ўтган жойи бўйича давлат солиқ органларига тақдим этилади".

"Ўзбекистон Республикаси қонун ҳужжатлари тўплами", 2004 йил, 7-сон, 86-модда.