Сув ресурсларидан фойдаланганлик учун солиқни ҳисоблаш ва тўлаш тартиби тўғрисида Йўриқнома (АВ томонидан 30.12.1997 й. 384-сон билан рўйхатга олинган 28.11.1997 й. МВ 38-сон, ДСҚ 97-100-сон билан тасдиқланган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

30.12.1997 й.

N 384

ТАСДИҚЛАНГАН

05.12.1997 й.

Мазкур Йўриқнома рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Сув ресурсларидан фойдаланганлик учун солиқни

ҳисоблаш ва тўлаш тартиби тўғрисида

ЙЎРИҚНОМА

1998 йил 1 январдан амалга киритилган

1. УМУМИЙ ҚОИДАЛАР

1.1. Ушбу Йўриқнома Ўзбекистон Республикаси Солиқ кодексининг Х бўлими, Ўзбекистон Республикасининг "Сув ва сувдан фойдаланиш тўғрисида"ги Қонунига мувофиқ ишлаб чиқилган ва сув ресурсларидан фойдаланганлик учун солиқни ҳисоблаш ва бюджетга тўлаш тартибини белгилайди.

1.2. Мазкур йўриқнома кичик тадбиркорлик субъектлари сифатида рўйхатдан ўтган, ягона солиқни тўлайдиган юридик шахсларга тегишли бўлмайди.

2. СУВ РЕСУРСЛАРИДАН ФОЙДАЛАНГАНЛИК

УЧУН СОЛИҚ ТЎЛОВЧИЛАР

2.1. Ўз фаолиятида сувдан фойдаланувчи юридик шахслар сув ресурсларидан фойдаланганлик учун солиқни тўловчилар ҳисобланади.

2.2. Сув ресурсларидан фойдаланганлик учун солиқ, сув манбаларининг жойлашган жойидан қатъи назар, сувдан фойдаланувчилар томонидан ўзларининг давлат солиқ хизмати органларида рўйхатдан ўтган жойларида тўланади.

2.3. Аҳоли пунктларини сув билан таъминлаш учун сувни етказиб берувчи корхоналар фақат ўз фаолиятида фойдаланадиган сув учун солиқ тўловчилар ҳисобланади.

3. СУВ РЕСУРСЛАРИДАН ФОЙДАЛАНГАНЛИК

УЧУН СОЛИҚ ТЎЛАШ ОБЪЕКТИ

3.1. Ишлаб чиқариш ва техника эҳтиёжлари учун ер усти ва ер ости манбаларидан фойдаланилган сув ресурсларининг ҳажми, яъни юридик шахслар фойдаланган сув ресурсларининг бутун ҳажми сув ресурсларидан фойдаланганлик учун солиқ солиш объекти ҳисобланади.

Ер усти манбаларига: дарёлар, кўллар, сув омборлари, ер устидаги бошқа сув