Ўзбекистон Республикаси Вазирлар Маҳкамасининг 02.02.2004 й. 48-сон "Кейс-Нью Холланд" корпорацияси иштирокидаги қўшма корхоналарни қўллаб-қувватлаш чора-тадбирлари тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

02.02.2004 й.

N 48

"КЕЙС-НЬЮ ХОЛЛАНД" КОРПОРАЦИЯСИ

ИШТИРОКИДАГИ ҚЎШМА КОРХОНАЛАРНИ

ҚЎЛЛАБ-ҚУВВАТЛАШ ЧОРА-ТАДБИРЛАРИ

ТЎҒРИСИДА

Юқори унумли техникани республикамизнинг ўзида ишлаб чиқаришни ва уларга хизмат кўрсатишни ривожлантиришни таъминлаш, қишлоқ хўжалигининг уларга бўлган эҳтиёжини янада тўлиқ қондириш, юқори унумли қишлоқ хўжалиги техникасини қишлоқ хўжалиги товар ишлаб чиқарувчиларга сотишда техника қийматининг ва уларга сервис хизмати кўрсатиш бўйича хизматлар қийматининг қимматлашувига йўл қўймаслик мақсадида Вазирлар Маҳкамаси ҚАРОР ҚИЛАДИ:

1. "Кейс-Нью Холланд" корпорацияси иштирокидаги қўшма корхоналар ("ЎзКейсмаш", "ЎзКейсТрактор", "ЎзКейссервис" ва "ЎзКейсагролизинг") томонидан қишлоқ хўжалигидаги асосий агротехника тадбирларини амалга оширувчи юқори унумли қишлоқ хўжалиги техникасини ишлаб чиқариш, етказиб бериш ва уларга сервис хизмати кўрсатиш таъминланаётганлиги маълумот учун қабул қилинсин.

2. "ЎзКейсмаш", "ЎзКейсТрактор", "ЎзКейссервис" ва "ЎзКейсагролизинг" қўшма корхоналари 2003 йил 4 декабрдан 2006 йил 1 январгача бўлган даврда:

техникани ишлаб чиқариш ҳамда лизинг ва сериис хизматлари кўрсатиш учун импорт қилинадиган асбоб-ускуналар, бутловчи ва эҳтиёт қисмларга ҳамда бошқа моддий-техника ресурслари учун божхона тўловларидан (божхонада расмийлаштириш йиғимларидан ташқари);

ишлаб чиқариладиган техника ҳамда Ўзбекистои Республикаси ҳудудида кўрсатиладиган лизинг ва сервис хизматлари учун қўшилган қиймат солиғидан;

Ўзбекистон Республикаси фуқаролари бўлмаган ходимлар учун Пенсия жамғармасига, Иш билан таъминлашга кўмаклашиш жамғармасига ва Касаба уюшмалари Федерацияси Кенгашига бадаллардан;

Республика йўл жамғармасига ажратмалардан ва экология солиғидан озод қилинсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ў.Т. Султонов зиммасига юклансин.

Вазирлар Маҳкамасининг Раиси                                         И. Каримов