Ўзбекистон Республикаси Вазирлар Маҳкамасининг 15.01.2013 й. 10-сон "Ўзбек Лизинг интернейшнл А.Ж." қўшма лизинг компанияси фаолияти масалалари тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

15.01.2013 й.

N 10

"ЎЗБЕК ЛИЗИНГ ИНТЕРНЕЙШНЛ А.Ж."

ҚЎШМА ЛИЗИНГ КОМПАНИЯСИ ФАОЛИЯТИ

МАСАЛАЛАРИ ТЎҒРИСИДА

"Ўзбек Лизинг интернейшнл А.Ж." қўшма лизинг компаниясининг тадбиркорлик субъектларини модернизациялаш, техник ва технологик жиҳатдан қайта жиҳозлаш лойиҳаларини молиялаштиришдаги иштирокини янада кенгайтириш мақсадида Вазирлар Маҳкамаси ҚАРОР ҚИЛАДИ:

1. Қуйидагилар:

Европа тикланиш ва тараққиёт банки ҳамда Халқаро молия корпорацияси томонидан "Ўзбек Лизинг интернейшнл А.Ж." қўшма лизинг компаниясининг устав жамғармасидаги улушининг "Ўзбек-Оман инвестиция компанияси" масъулияти чекланган жамияти фойдасига берилганлиги;

акциядорларнинг умумий йиғилиши қарорига кўра "Ўзбек Лизинг интернейшнл А.Ж." қўшма лизинг компаниясининг устав жамғармаси миқдори 3 млн. АҚШ доллари миқдорида тақсимланмаган даромад ҳисобига 9 млн. АҚШ долларигача оширилганлиги маълумот учун қабул қилинсин.

2. "Ўзбек Лизинг интернейшнл А.Ж." қўшма лизинг компанияси муассисларининг улушларни қуйидаги миқдорларда тақсимлаш тўғрисидаги таклифига розилик берилсин:

Ўзбекистон Республикаси Ташқи иқтисодий фаолият миллий банки - 3,15 млн. АҚШ доллари (35 фоиз);

"Мейбанк" (Малайзия) - 3,15 млн. АҚШ доллари (35 фоиз);

"Ўзбек-Оман инвестиция компанияси" масъулияти чекланган жамияти - 2,70 млн. АҚШ доллари (30 фоиз).

4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

Ўзбекистон Республикасининг Бош вазири                                Ш. Мирзиёев

"Ўзбекистон Республикаси қонун ҳужжатлари тўплами",

2013 йил 21 январь, 3-сон, 31-модда