Ўзбекистон Республикаси Вазирлар Маҳкамасининг 06.05.1999 й. 225-сон "Ўзбекистон Республикаси Вазирлар Маҳкамасининг 1995 йил 6 июлдаги 258-сон қарори иловасига ўзгартиришлар киритиш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

06.05.1999 й.

N 225

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ 1995 ЙИЛ

6 ИЮЛДАГИ 258-СОН ҚАРОРИ ИЛОВАСИГА

ЎЗГАРТИРИШЛАР КИРИТИШ ТЎҒРИСИДА

Ўзбекистон Республикаси Вазирлар Маҳкамасининг "Ўзбекистон Республикасида янги меҳнат дафтарчаларини жорий қилиш тўғрисида" 1995 йил 6 июлдаги 258-сон қарори иловасини "Таълим тўғрисида"ги Қонун ва Меҳнат кодекси талабларига мувофиқлаштириш мақсадида Вазирлар Маҳкамаси ҚАРОР ҚИЛАДИ:

Вазирлар Маҳкамасининг 1995 йил 6 июлдаги 258-сон қарори иловасига қуйидаги ўзгартиришлар киритилсин:

"Маълумоти" сўзидан кейинги "(тўлиқсиз ўрта, ўрта, тўлиқсиз олий, олий)" сўзлари "(тугалланмаган умумий ўрта, умумий ўрта, тугалланмаган ҳунар-техника, ҳунар-техника, тугалланмаган ўрта махсус (касб-ҳунар), ўрта махсус (касб-ҳунар), тугалланмаган олий, олий, таянч олий (бакалавр), олий (магистр))" сўзларига алмаштирилсин;

"Иши тўғрисидаги маълумотлар"нинг учинчи устунидан "(сабаблари, меҳнат қонунлари кодексининг моддаси банди кўрсатилади)" сўзлари чиқариб ташлансин.

Ўзбекистон Республикасининг Бош вазири                         Ў. Султонов