Ўзбекистон Республикаси Вазирлар Маҳкамасининг 29.06.1995 й. 243-сон "Кўнгилли ўт ўчирувчилар дружиналари, ёш ўт ўчирувчилар дружиналари, ўт ўчириш-техника комиссиялари тўғрисидаги низомларни иасдиқлаш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

29.06.1995 й.

N 243

КЎНГИЛЛИ ЎТ ЎЧИРУВЧИЛАР ДРУЖИНАЛАРИ,

ЁШ ЎТ ЎЧИРУВЧИЛАР ДРУЖИНАЛАРИ, ЎТ

ЎЧИРИШ-ТЕХНИКА КОМИССИЯЛАРИ

ТЎҒРИСИДАГИ НИЗОМЛАРНИ

ТАСДИҚЛАШ ҲАҚИДА

Муҳандис-техник ходимлар, ишчилар, хизматчилар, ўқувчиларни ёнғинларнинг олдини олиш, ёнғин-профилактика чора-тадбирларини ўтказиш ишига кенг жалб этиш мақсадида Вазирлар Маҳкамаси ҚАРОР ҚИЛАДИ;

1. Қуйидагилар тасдиқлансин:

Кўнгилли ўт ўчирувчилар дружиналари тўғрисидаги Низом (1-илова);

Ёш ўт ўчирувчилар дружиналари тўғрисидаги Низом (2-илова);

Ўт ўчириш-техника комиссиялари тўғрисидаги Низом (3-илова).

2. Қуйидагилар ўз кучини йўқотган деб ҳисоблансин:

ЎзССР Министрлар Советининг "ЎзССР вазирликлари ва идоралари саноат корхоналарида ўт ўчириш-ишлаб чиқариш командалари ташкил этиш тўғрисида" 1953 йил 27 октябрдаги 1775-сон қарори;

ЎзССР Министрлар Советининг "Ўзбекистон ССР вазирликлари ва идоралари саноат корхоналари ва бошқа объектларида кўнгилли ўт ўчирувчилар дружиналари ташкил этиш тўғрисида" 1954 йил 25 мартдаги 354-сон қарори.

Ўзбекистон Республикасининг Бош вазири                                        А. Муталов