Ўзбекистон Республикаси Вазирлар Маҳкамасининг 31.12.1994 й. 634-сон "Хусусийлаштириш соҳасидаги техник ёрдамни мувофиқлаштириш кенгашини ташкил этиш тўғрисида"ги Қарори
ВАЗИРЛАР МАҲКАМАСИНИНГ
ТЕХНИК ЁРДАМНИ МУВОФИҚЛАШТИРИШ
КЕНГАШИНИ ТАШКИЛ ЭТИШ ТЎҒРИСИДА
Халқаро ташкилотлар томонидан хусусийлаштириш ва иқтисодиётнинг нодавлат соҳасини ривожлантириш соҳасида кўрсатилаётган техник ва бошқа ёрдамини мувофиқлаштириш мақсадида Вазирлар Маҳкамаси ҚАРОР ҚИЛАДИ:
1. Давлат мулки қўмитасининг Ўзбекистон Республикаси Вазирлар Маҳкамаси ҳузурида иловага* мувофиқ таркибида Хусусийлаштириш соҳасидаги техник ёрдамни мувофиқлаштириш кенгашини тузиш ҳақидаги таклифи қабул қилинсин.
2. Кенгашнинг асосий вазифалари этиб қуйидагилар белгилансин:
хусусийлаштириш соҳасидаги техник ёрдамнинг устувор йўналишларини танлаш;
кўрсатиб ўтилган масалалар бўйича халқаро лойиҳалар ишлаб чиқилиши ва амалга оширилишини мувофиқлаштиришни таъминлаш;
халқаро ташкилотларнинг техник ёрдам кўрсатиш лойиҳаларини амалга оширишда маслаҳатлар бериш ва тавсияномалар тайёрлаш.
3. Кенгаш ишини ташкил этишга оид сарф-харажатлар Давлат мулки қўмитаси маблағлари ҳисобидан амалга оширилиши маълумот учун қабул қилинсин.
4. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари В.А. Чжен зиммасига юклансин.
Вазирлар Маҳкамасининг Раиси И. Каримов
*) Илова рус тилидаги матнда берилган.