ЎзССР Президентининг 29.08.1991 й. ПФ-239-сон "КПССнинг Ўзбекистон ССР ҳудудидаги мулки тўғрисида"ги Фармони
ЎЗБЕКИСТОН СОВЕТ
СОЦИАЛИСТИК РЕСПУБЛИКАСИ
ПРЕЗИДЕНТИНИНГ
ФАРМОНИ
29.08.1991 й.
N ПФ-239
КПССНИНГ ЎЗБЕКИСТОН ССР
ҲУДУДИДАГИ МУЛКИ ТЎҒРИСИДА
Республика меҳнаткашларининг кўпдан-кўп истак ва талабларини, жамиятда содир бўлаётган янада демократиялаш жараёнларини эътиборга олиб, Ўзбекистон ССРнинг Давлат мустақиллиги тўғрисидаги Декларациясига ва СССР Президентининг "Совет Иттифоқи Коммунистик партиясининг мулки тўғрисида" 1991 йил 24 августдаги Фармонига амал қилиб:
1. Совет Иттифоқи Коммунистик партиясининг Ўзбекистон ССР ҳудудидаги бутун мулкини республика мулки, яъни умумхалқ мулки деб эълон қиламан.
2. Ўзбекистон ССР Президенти ҳузуридаги Вазирлар Маҳкамаси ва жойлардаги халқ депутатлари Советлари ушбу Фармонни рўёбга чиқариш борасида зарур ишларни амалга ошириб, республика мулки деб эълон қилинган қонунларга мувофиқ фойдаланишни таъминласинлар.
Мазкур Фармон имзоланган пайтдан бошлаб кучга киради.
Ўзбекистон Совет Социалистик
Республикасининг Президенти И. Каримов
"Ўзбекистон Республикаси Олий Кенгашининг Ахборотномаси", 1991 й., 10-сон, 220-модда