Ўзбекистон алоқа ва ахборотлаштириш агентлигининг 10-8/125-сон, Маданият ва спорт ишлари вазирлигининг 1-ҚҚ-сон "Почта тўловининг давлат белгилари давлат коллекцияси тўғрисидаги низомни тасдиқлаш ҳақида"ги 13.01.2010 й. Қарори (АВ томонидан 04.02.2010 й. 2077-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

04.02.2010 й.

N 2077

ҚАРОРИ

Почта тўловининг давлат белгилари давлат

коллекцияси тўғрисидаги низомни

тасдиқлаш ҳақида

(2010 йил 14 февралдан кучга киради)

Ўзбекистон Республикасининг "Почта алоқаси тўғрисида"ги Қонунига (Ўзбекистон Республикаси қонун ҳужжатлари тўплами, 2009 йил, 17-сон, 209-модда) мувофиқ Ўзбекистон алоқа ва ахборотлаштириш агентлиги ҳамда Ўзбекистон Республикаси Маданият ва спорт ишлари вазирлиги ҚАРОР ҚИЛАДИЛАР:

1. Почта тўловининг давлат белгилари давлат коллекцияси тўғрисидаги низом иловага мувофиқ тасдиқлансин.

2. Ушбу қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Ўзбекистон алоқа ва ахборотлаштириш

агентлиги Бош директори                                                   Х. Муҳитдинов

Маданият ва спорт ишлари вазири                                    А. Жабборов

"Ўзбекистон Республикаси қонун ҳужжатлари тўплами", 2010 йил, 5-сон, 49-модда.