Ўзбекистон Республикаси Вазирлар Маҳкамасинииг 13.08.2004 й. 392-сон "Фарғона нефтни қайта ишлаш заводи ишлаб чиқариш қувватларини ишга қўшишга доир қўшимча чора-тадбирлар тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИИГ

ҚАРОРИ

13.08.2004 й.

N 392

ФАРҒОНА НЕФТНИ ҚАЙТА ИШЛАШ

ЗАВОДИ ИШЛАБ ЧИҚАРИШ ҚУВВАТЛАРИНИ

ИШГА ҚЎШИШГА ДОИР ҚЎШИМЧА

ЧОРА-ТАДБИРЛАР ТЎҒРИСИДА

Фарғона нефтни қайта ишлаш заводининг фаолият кўрсатиб турган ишлаб чиқариш қувватларини ишга қўшишни таъминлаш, ички бозорни нефть маҳсулотлари билан тўлдириш ва нефть маҳсулотларини сотишда биржа савдоларида рақобат муҳитини яратиш мақсадида Вазирлар Маҳкамаси ҚАРОР ҚИЛАДИ:

1. "Ўзбекнефтгаз" миллий холдинг комнаниясининг "ZЕROMAX LLC" (АҚШ) компанияси ва Фарғона нефтни қайта ишлаш заводи ўртасида 2004 йилда ва 2005 йилнинг биринчи чорагида 400 минг тонна нефтни улушли хом ашё тарзида қайта ишлаш юзасидан контракт тузиш тўғрисидаги таклифига розилик берилсин.

"ZЕROMAX LLC" (АҚШ) компанияси Фарғона нефтни қайта ишлаш заводига 1 тонна нефтни қайта ишлаш бўйича кўрсатиладиган хизматлар учун камида 15 АҚШ доллари миқдорида, лекин қарор топган харажатлардан кам бўлмаган миқдорда ҳақ тўлаши маълумот учун қабул қилинсин.

2. "Ўзбекнефтгаз" миллий холдинг компанияси (Азизов) "Ўздавнефтгазинспекция", "Ўзстандарт" агентлиги ва Ўзбекистон Республикаси Давлат божхона қўмитаси билан биргаликда:

икки ҳафта муддатда "ZЕROMAX LLC" АҚШ компанияси томонидан келтириладиган нефтдан нефть маҳсулотлари айрим турлари чиқиши нормаларини тасдиқласин;

қайта ишланаётган нефтдан нефть маҳсулотлари чиқиши амалдаги кўрсаткичларининг тасдиқланган нормаларга мувофиқлиги устидан қатьий назоратни таъминласин.

3. Белгилаб қўйилсинки, Фарғона нефтни қайта ишлаш заводида улушли хом ашё тарзида қайта ишланган нефтдан олинган автомобиль бензини ва ёқилғи мазути "ZЕROMAX LLC" АҚШ компаниясининг "Ўзгазойл" (Ўзбекистон) шўъба корхонаси томонидан сотиб олинади ҳамда тегишли солиқлар ва мажбурий тўловлар тўлиқ ҳажмда тўлангаи ҳолда республика ичида қонун ҳужжатларида белгиланган тартибда:

автомобиль бензини - улгуржи истеъмолчиларга цистерналарда тўғридан тўғри етказиб берилган ҳолда, шунингдек ўзининг ёки ижарага олинган автоёқилғи қуйиш шохобчалари орқали аҳолига (белгиланган нархларга риоя қилган ҳолда);

ёқилги мазути - Республика товар-хом ашё биржаси орқали сотилади.

4. Қуйидагилар:

Фарғона нефтни қайта ишлаш заводи - ушбу қарорнинг 1-бандига мувофиқ улушли хом ашёдан ишлаб чиқарилган товарлар учун акциз солиғи тўлашдан;

"ZЕROMAX LLC" (АҚШ) компаниясининг "Ўзгазойл" (Ўзбекистон) шўъба корхонаси - автомобиль бензини ва ёқилғи мазути учун божхона божи ва акциз солиғи, шунингдек ушбу қарорнинг 3-бандига мувофиқ эркин муомалага чиқариш режимида божхонада расмийлаштиришда ёқилғи мазути учун қўшилган қиймат солиғи тўлашдан озод қилинсин.

5. Ўзбекистон Республикаси Ташқи иқтисодий алоқалар агентлиги Фарғона нефтни қайта ишлаш заводи ва "ZЕROMAX LLC" (АҚШ) компанияси ўртасидаги контракт бўйича улушли хом ашё тарзидаги нефтни қайта ишлаш жараёнининг техник-иқтисодий асослари белгиланган тартибда келишиб олинишини, шунингдек мазкур контрактнинг рўйхатдан ўтказилишини таъминласин.

6. Ўзбекистон Республикаси Давлат божхона қўмитаси белгиланган тартибда:

Фарғона нефтни қайта ишлаш заводи ва "ZЕROMAX LLC" (АҚШ) компанияси ўртасида улушли хом ашё тарзидаги нефтни қайта ишлаш юзасидан тузилган контрактнинг ҳисобга қўйилишини;

республикага келтирилаётган нефть ва унинг ташқарисига чиқарилаётган нефть маҳсулотларининг тўғри ташилиши устидан тегишли назоратни таъминласин.

7. Ўзбекистон Республикаси Давлат солиқ қўмитаси Фарғона нефтни қайта ишлаш заводи ва "ZЕROMAX LLC" (АҚШ) компаниясининг "Ўзгазойл" (Ўзбекистон) шўъба корхонаси томонидан ушбу қарорга мувофиқ нефть ва нефть маҳсулотлари билан операцияларни амалга оширишда қонун ҳужжатларига риоя қилиниши устидан назоратни таъминласин.

8. "Ўздавнефтгазинспекция" нефтни қайта ишлашда ҳамда ушбу қарорга мувофиқ нефть маҳсулотларини сотишда қонун ҳужжатларида белгиланган технологик ва бошқа нормаларга риоя қилиниши устидан назоратни таъминласин.

9. "Ўзбекистон темир йўллари" давлат-акциядорлик компанияси "ZЕROMAX LLC" (АҚШ) компаниясининг "ZЕROMAX Logisitics Inc" шўъба компаниясига 2004 йилда ва 2005 йилнинг биринчи чорагида улушли хом ашё шартларида Фарғона нефтни қайта ишлаш заводида қайта ишлаш учун Сариагач-Бекобод, Конибодом-Охунбобоев йўналиши бўйича 400 минг тонна нефтни ташиш учун (ЕТ МДҲ 201005 позицияси) Ўзбекистон Республикаси темир йўллари халқаро йўлларда юк ташиш бўйича тариф сиёсати ставкаларига 30 фоиз миқдорида чегирма берсин.

10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ў.Т. Султонов зиммасига юклансин.

Ўзбекистон Республикасининг Бош вазири                                Ш. Мирзиёев