Ўзбекистон Республикаси Вазирлар Маҳкамасининг 08.06.2000 й. 221-сон "Вазирлар Маҳкамасининг "Давлат ҳокимияти ва бошқаруви органлари, суд органлари ва нотариал идоралар ходимлари меҳнатига ҳақ тўлашнинг тариф сеткасини жорий этиш тўғрисида" 1996 йил 12 апрелдаги 147-сон қарорига қисман ўзгартиришлар киритиш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

08.06.2000 й.

N 221

ВАЗИРЛАР МАҲКАМАСИНИНГ

"ДАВЛАТ ҲОКИМИЯТИ ВА БОШҚАРУВИ

ОРГАНЛАРИ, СУД ОРГАНЛАРИ ВА НОТАРИАЛ

ИДОРАЛАР ХОДИМЛАРИ МЕҲНАТИГА ҲАҚ

ТЎЛАШНИНГ ТАРИФ СЕТКАСИНИ ЖОРИЙ

ЭТИШ ТЎҒРИСИДА" 1996 ЙИЛ 12 АПРЕЛДАГИ

147-СОН ҚАРОРИГА ҚИСМАН ЎЗГАРТИРИШЛАР

КИРИТИШ ҲАҚИДА

Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг "Давлат ҳокимияти ва бошқаруви органлари, суд органлари ва нотариал идоралар ходимлари меҳнатига ҳақ тўлашнинг тариф сеткасини жорий этиш тўғрисида" 1996 йил 12 апрелдаги 147-сон қарорига 25, 25-а, 25-б-иловалардаги "катта инспектор" ва "инспектор" сўзлари "I тоифали иш юритувчи котиба" ва "II тоифали "иш юритувчи котиба" сўзлари билан алмаштирилсин.

2. Ўзбекистон Республикаси Вазирлар Маҳкамаси, вазирликлар, идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, туман ва шаҳар ҳокимликлари, ўз тузилмаларида юқорида кўрсатиб ўтилган лавозимлар бўлган давлат ҳокимияти ва бошқарувининг бошқа органлари ўзларининг штат жадвалларини мазкур қарорга мувофиқлаштирсинлар.

3. Ўзбекистон Республикаси Меҳнат вазирлиги, вазирликлар ва идоралар, давлат ҳокимияти ва бошқарувининг бошқа органлари лавозимларнинг умумтармоқ ва тармоқ малака маълумотномаларини ишлаб чиқишда мазкур қарор билан киритилган ўзгартиришларни ҳисобга олсинлар.

4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Б.С. Ҳамидов ва вазирликлар, идоралар, ҳокимликлар ҳамда давлат ҳокимияти ва бошқарувининг бошқа органлари раҳбарлари зиммасига юклансин.

Вазирлар Маҳкамасининг Раиси                                            И. Каримов