"Ўзбеккино" миллий агентлиги бош директорининг 24.03.2008 й. 42а-сон "Киновидеофаолият билан шуғулланиш ҳуқуқини берадиган махсус рухсатнома (лицензия) бериш ва рўйхатга олиш тартибини ўз кучини йўқотган деб ҳисоблаш ҳақида"ги Буйруғи (АВ томонидан 04.04.2008 й. 371-1-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

04.04.2008 й.

N 371-1

"ЎЗБЕККИНО" МИЛЛИЙ АГЕНТЛИГИ

БОШ ДИРЕКТОРИНИНГ

24.03.2008 й.

N 42а

БУЙРУҒИ

Киновидеофаолият билан шуғулланиш ҳуқуқини

берадиган махсус рухсатнома (лицензия) бериш

ва рўйхатга олиш тартибини ўз кучини

йўқотган деб ҳисоблаш ҳақида

(2008 йил 14 апрелдан кучга киради)

"Фаолиятнинг айрим турларини лицензиялаш тўғрисида"ги Ўзбекистон Республикаси Қонунига асосан 2004 йил 22 мартда Ўзбекистон Республикаси Вазирлар Маҳкамаси томонидан "Киновидеомаҳсулотларини ишлаб чиқариш, кўпайтириш, дубляж қилиш, сотиш ва уларнинг прокати бўйича фаолият турларини лицензиялаш тўғрисида низомни тасдиқлаш ҳақида"ги 135-сонли қарори қабул қилинганлиги муносабати билан меъёрий ҳужжатларни тартибга келтириш мақсадида БУЮРАМАН:

1. Ўзбекистон Республикаси Адлия вазирлигида 1997 йил 15 октябрда 371-сон билан рўйхатга олинган "Ўзбеккино" давлат-акциядорлик компанияси томонидан тасдиқланган "Киновидеофаолият билан шуғулланиш ҳуқуқини берадиган махсус рухсатнома (лицензия) бериш ва рўйхатга олиш тартиби" ўз кучини йўқотган деб ҳисоблансин.

2. "Ўзбеккино" давлат-акциядорлик компанияси томонидан тасдиқланган "Киновидеофаолият билан шуғулланиш ҳуқуқини берадиган махсус рухсатнома (лицензия) бериш ва рўйхатга олиш тартиби" ўз кучини йўқотганлиги ҳақида Ўзбекистон Республикаси Адлия вазирлигига ахборот берилсин.

3. Ушбу буйруқнинг бажарилишини назорат этиш Бош директор ўринбосари Ж. Қосимов зиммасига юклатилсин.

"Ўзбеккино" миллий агентлиги Бош директори в.б.                 А. Исҳоқов

"Ўзбекистон Республикаси қонун ҳужжатлари тўплами", 2008 йил, 14-15-сон, 108-модда.