Ўзбекистон Республикаси Олий Кенгаши Раёсатининг 09.11.1992 й. 704-XII-сон "Фуқаролардан олинадиган даромад солиғи ставкалари тўғрисида"ги Қарори
ЎЗБЕКИСТОН РЕСПУБЛИКАСИ
ОЛИЙ КЕНГАШИ РАЁСАТИНИНГ
ҚАРОРИ
09.11.1992 й.
N 704-XII
ФУҚАРОЛАРДАН ОЛИНАДИГАН ДАРОМАД
СОЛИҒИ СТАВКАЛАРИ ТЎҒРИСИДА
Ўзбекистон Республикаси Президенти "1992 йил 1 октябрдан нафақалар, стипендиялар ҳамда бюджет ҳисобидаги ташкилотлар ходимларининг иш ҳақи миқдорларини ошириш тўғрисида" 1992 йил 8 октябрда чиқарган Фармонига мувофиқ иш ҳақининг солиқ олинмайдиган энг кам миқдори оширилиши муносабати билан Ўзбекистон Республикаси Олий Кенгаши Раёсати ҚАРОР ҚИЛАДИ:
1. Ўзбекистон Республикаси Президенти ҳузуридаги Вазирлар Маҳкамасининг 1992 йил 1 октябрдан бошлаб "Ўзбекистон Республикаси фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон Республикаси Қонунига тузатишлар киритилгунга қадар фуқаролардан олинадиган даромад солиғи ставкаларини қуйидаги миқдорларда жорий этиш ҳақидаги таклифи қабул қилинсин:
Солиқ солинадиган йиллик даромад миқдори (солиқ олинмайдиган энг кам миқдор - 24000 сўм чегирилган ҳолда) |
Солиқ солинадиган ойлик миқдори (солиқ олинмайдиган энг кам миқдор - 2000 сўм чегирилган ҳолда) |
Солиқ миқдори |
|
Йиллик даромад миқдорига кўра |
Ойлик даромад миқдорига кўра |
||
72000 сўмгача |
6000 сўмгача |
Даромад миқдорининг 12 фоизи |
|
72001 сўмдан 96000 сўмгача |
6001 сўмдан 8000 сўмгача |
8640 сўм + 72000 сўмдан ортиқ пулнинг 15 фоизи
|
720 сўм + 6000 сўмдан ортиқ пулнинг 15 фоизи |
96001 сўмдан 120000 сўмгача |
8001 сўмдан 10000 сўмгача |
12240 сўм + 96000 сўмдан ортиқ пулнинг 20 фоизи
|
1020 сўм + 8000 сўмдан ортиқ пулнинг 20 фоизи |
120001 сўмдан 180000 сўмгача |
10001 сўмдан 15000 сўмгача |
17040 сўм + 120000 сўмдан ортиқ пулнинг 30 фоизи
|
1420 сўм + 10000 сўмдан ортиқ пулнинг 30 фоизи |
180001 сўмдан 240000 сўмгача |
15001 сўмдан 20000 сўмгача |
35040 сўм + 180000 сўмдан ортиқ пулнинг 40 фоизи
|
2920 сўм + 15000 сўмдан ортиқ пулнинг 40 фоизи |
240001 сўм ва ундан ортиқ |
20001 сўм ва ундан ортиқ |
59040 сўм + 240000 сўмдан ортиқ пулнинг 50 фоизи
|
4920 сўм + 20000 сўмдан ортиқ пулнинг 50 фоизи |
2. Ўзбекистон Республикаси Президенти ҳузуридаги Вазирлар Маҳкамаси ўн кунлик муддат ичида Ўзбекистон Республикаси Олий Кенгашига "Ўзбекистон Республикаси фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон Республикаси Қонунига ўзгартиришлар киритиш ҳақидаги Қонун лойиҳасини тақдим этсин.
Ўзбекистон Республикаси
Олий Кенгашининг Раиси Ш. Йўлдошев
"Ўзбекистон Республикаси Олий Кенгаши Ахборотномаси", 1993 й., N 2, 103-модда