Марказий банк Бошқарувининг 13/14-сон, Молия вазирлигининг 60-сон "Уй-жойларни Ўзбекистон давлат акциядорлик уй-жой жамғарма банки "Ўзуйжойжамғармабанк" муассасалари орқали сотиб олиш тартиби тўғрисидаги Низом ва унга киритилган ўзгартириш ва қўшимчаларни ўз кучини йўқотган деб ҳисоблаш ҳақида"ги 11.06.2005 й. Қарори

ҚАРОРИ

Уй-жойларни Ўзбекистон давлат акциядорлик

уй-жой жамғарма банки "Ўзуйжойжамғармабанк"

муассасалари орқали сотиб олиш тартиби тўғрисидаги

Низом ва унга киритилган ўзгартириш ва қўшимчаларни

ўз кучини йўқотган деб ҳисоблаш ҳақида

(2005 йил 6 июлда 101-мҳ-сон билан давлат реестридан чиқарилди)

Ўзбекистон Республикаси Вазирлар Маҳкамасининг 2005 йил 31 майдаги 138-сонли "Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида"ги қарорига мувофиқ Ўзбекистон Республикаси Вазирлар Маҳкамасининг 1997 йил 22 июлдаги 366-сонли "Уй-жой қурилиши давлат томонидан қўллаб-қувватлашнинг қўшимча чора-тадбирлари тўғрисида"ги қарори ўз кучини йўқотганлиги муносабати билан ҚАРОР ҚИЛАМИЗ:

1. Қуйидагилар ўз кучини йўқотган деб ҳисоблансин:

Ўзбекистон Республикаси Марказий банки Бошқаруви, Молия вазирлиги ва "Ўзуйжойжамғармабанк" Бошқаруви томонидан 1998 йил 1 июлда 77-В-сон, 1998 йил 11 июнда 34-сон ва 1998 йил 20 февралда 16/1-сон билан тасдиқланган "Уй-жойларни Ўзбекистон давлат акциядорлик уй-жой жамғарма банки "Ўзуйжойжамғармабанк" муассасалари орқали сотиб олиш тартиби тўғрисида"ги низом (1998 йил 23 сентябрь, рўйхат рақами 492).

Ўзбекистон Республикаси Марказий банки Бошқаруви ва Молия вазирлигининг "Уй-жойларни Ўзбекистон давлат акциядорлик уй-жой жамғарма банки "Ўзуйжойжамғармабанк" муассасалари орқали сотиб олиш тартиби тўғрисидаги низомга ўзгартириш ва қўшимчалар киритиш тўғрисида"ги 2002 йил 22 ноябрдаги 77-В, 135-сонли қарори (2002 йил 2 декабрь, рўйхат рақами 492-1).

2. Ушбу қарор Ўзбекистон Республикаси Адлия вазирлигига "Уй-жойларни Ўзбекистон давлат акциядорлик уй-жой жамғарма банки "Ўзуйжойжамғармабанк" муассасалари орқали сотиб олиш тартиби тўғрисида"ги низомни (1998 йил 23 сентябрь, рўйхат рақами 492) ва унга киритилган ўзгартириш ва қўшимчаларни (2002 йил 2 декабрь, рўйхат рақами 492-1) Давлат реестридан чиқариш учун тақдим этилсин.

Марказий банк Бошқаруви раиси                     Ф. Муллажонов

Молия вазири                                                     С. Раҳимов

"Ўзбекистон Республикаси қонун ҳужжатлари тўплами", 2005 йил, 27-сон, 198-модда.