Ўзбекистон Республикаси Президентининг 10.05.2001 й. ПФ-2840-сон "Ўзбекистон Республикасининг Кон-металлургия саноати ходимлари кунини белгилаш тўғрисида"ги Фармони

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

10.05.2001 й.

N ПФ-2840

ЎЗБЕКИСТОН РЕСПУБЛИКАСИНИНГ

КОН-МЕТАЛЛУРГИЯ САНОАТИ ХОДИМЛАРИ

КУНИНИ БЕЛГИЛАШ ТЎҒРИСИДА

Мамлакатнинг иқтисодий салоҳиятини ривожлантириш ва мустаҳкамлашда кон-металлургия саноатининг аҳамияти муҳимлигини эътиборга олиб, Навоий кон-металлургия комбинати, "Олмалиқ кон-металлургия комбинати", "Ўзметкомбинат" Акциядорлик ишлаб чиқариш бирлашмаси, "Ўзолмосолтин" уюшмаси, "Махсусқотишма" республика ташкилоти, фойдали қазилмаларни қазиб чиқарувчи ва қайта ишловчи бошқа корхоналар кўп минг кишилик жамоаларининг кон-металлургия саноатини ривожлантириш ҳамда кадрлар тайёрлашга қўшган ҳиссаларини қайд этган ҳолда:

1. Май ойининг учинчи якшанбаси "Ўзбекистон Республикасининг Кон-металлургия саноати ходимлари куни" этиб белгилансин.

2. Ўзбекистон Республикаси Конституциясининг 82-моддасига мувофиқ ушбу масала Ўзбекистон Республикасининг Олий Мажлисига киритилсин.

Ўзбекистон Республикаси Президенти                                         И. Каримов

"Ўзбекистон Республикаси қонунлари тўплами", 2001 й. 9-сон