Тошкент вилояти ҳокимининг 11.02.2008 й. 32-сон "Вилоят ҳудудида қўлланиладиган ижара ҳақининг ягона ставкалари тўғрисида"ги Қарори

ТОШКЕНТ ВИЛОЯТИ ҲОКИМИНИНГ

ҚАРОРИ

11.02.2008 й.

N 32

ВИЛОЯТ ҲУДУДИДА ҚЎЛЛАНИЛАДИГАН

ИЖАРА ҲАҚИНИНГ ЯГОНА СТАВКАЛАРИ

ТЎҒРИСИДА

Ўзбекистон Республикаси “Ижара тўғрисида”ги Қонуни, Фуқаролик кодекси талаблари асосида, шунингдек кейинги вақтда вилоятдаги бино-иншоотларга бўлган эҳтиёжнинг ва нарх-навонинг ошишини инобатга олган ҳолда, вилоятдаги бўш турган бино ва иншоотларни тартибга солиш, кутилаётган ҳаражатлар билан корхона ва ташкилотларнинг ижара ҳақидан тушадиган даромадларни тартибга солиш ва улардан оқилона фойдаланиш мақсадида

ҚАРОР ҚИЛАМАН:

1. Вилоятда ижара ҳақининг ягона энг кам миқдордаги ставкалари 1-иловага, корхона ва ташкилотларга нисбатан қўлланиладиган имтиёзли ижара ҳақи ставкалари 2-иловага ҳамда ҳудудий зоналар рўйхати 3-иловага мувофиқ тасдиқлансин.

2. Вилоят ҳудудида қўлланиладиган ягона энг кам миқдордага ижара ҳақи ставкалари 2008 йил 1 февралидан кучга киритилсин.

3. Давлат мулкини бошқармаси қошидаги “MULK-XISOB-IJARA” Давлат унитар корхонаси (Л.Тўраев) вилоятда ҳозирги кунда ишлатилмай бўш турган бино ва иншоотларни, асбоб-ускуналарни аниқлаб, тадбиркорлик субъектларига белгиланган тартибда ижарага бериш, вилоятда қўшимча ишчи ўринларини яратиш мақсадида ҳар ойда қилинган ишлар юзасидан вилоят ҳокимлигига ҳисобот бериб бориш вазифаси юклатилсин.

4. Белгилаб қўйилсинки, ижара ҳақидан тўланадиган тўловларни ўз вақтида ўтказилиши бўйича бино эгалари Ўзбекистон Республикаси Президентининг 1998 йил 4 февралдаги ПФ-1938-сон Фармонига асосан шахсан масъулдир.

5. Мазкур қарор қабул қилиниши билан вилоят ҳокимининг 2006 йил 7 ноябрдаги 272-сон қарори ўз кучини йўқотган деб ҳисоблансин.

6. Ушбу қарорнинг бажарилишини назорат қилиш вилоят ҳокимининг ўринбосари С.Абдуллаев зиммасига юклатилсин.

Вилоят ҳокими в.б.                                                                    З. Ниязов

Тошкент вилояти ҳокимининг

2008 йил 11 февралдаги

32-сон қарорига

1-ИЛОВА

Тошкент вилоятидаги қўлланиладиган ижара ҳақининг

ЯГОНА ЭНГ КАМ МИҚДОРДАГИ СТАВКАЛАРИ

(сўмда)

Ижара ҳақи ставкаларига қўлланиладиган оширувчи коэффициент:

Маъмурий бинонинг ҳолати ва қурилиш турига қўлланиладиган коэффициентлар:

1-Ҳудудий зоналар коэффициенти (Зк):

Биринчи, иккинчи ва учинчи гуруҳлардаги шаҳар, туманларда 1.2 дан 2.5 гача, тўртинчи гуруҳда 1.2 дан 1.5 гача оширувчи коэффициентлар мавжуд (вилоят ҳудуди зоналари рўйхати илова қилинади).

1-Бинонинг қурилишига кўра тури (Кк)

- алоҳида турган бино - 1,5

- бинога тақаб қурилган - 1,0

- бинонинг устки қисми, чердак, мансарда - 0,7

- ярим ертўла, ертўла - 0,5

2-Ёндош ҳудудидан фойдаланиш коэффициенти (Кх):

- ер майдони мавжуд бўлганда - 0,7

3-Тижорат йўлида фойдаланишда қулайлиги (Кт):

- асосий қатнов йўлларида жойлашгани - 0,5

- иккинчи даражали транспорт қатнови йўлларига чиқиш жойи - 0,4

Бинонинг ҳолати ва қурилиш турига кўра қўлланиладиган коэффициентлар қўшилади.

Ижара ҳақини ҳисоблашда ижара ҳақининг таянч ставкаси қуйидагича аниқланади:

Тс=Эс х Зк х (Кк+Кх+Кт)

бунда:

Тс - бир йилда 1 кв.м. учун ижара ҳақининг таянч ставкаси:

Эс - 1-иловага мувофиқ корхонанинг фаолият турига кўра бир йилга 1 кв.м. учун энг кам ставкаси.

Тошкент вилояти ҳокимининг

2008 йил 11 февралдаги

32-сон қарорига

2-ИЛОВА

Ташкилот, муассаса ва корхоналарга

қўлланиладиган имтиёзли ижара ҳақи

СТАВКАЛАРИ

Изоҳ:

1. Бошқа Давлат мулкининг турлари бўйича, Давлат бюджет ташкилотлар томонидан бериладиган, йиллик ижара хақи миқдори қуйидагича аниқланади:

а) 1995 йилгача асосий воситалар таркибига киритилган мулк баланс қийматидан ижара ҳақининг энг камида 30% миқдорида белгиланади.

б) 1995 йилдан кейин асосий воситалар таркибига киритилган мулкдан энг кам ижара ҳақи миқдори мулк баланс қийматидан 20% миқдорида ҳисобланади.

2. Фойдаланиш ҳаражатлари ҳамда коммунал хизмат ҳаражатларини қоплаш (шу жумладан, ижара ҳақидан озод қилинганлардан ҳам) ижара ҳақидан ташқари:

а) Коммунал хизмат ҳаражатларини қоплаш, бинонинг тасарруф эгаси томонидан ижарачилардан алоҳида йиғилади;

б) Тошкент вилояти шаҳар ва туман ҳокимларининг структура бўлинмалари ҳисобланган ижарачиларга, маҳалла қўмиталари, Давлат бюджетидан тўла таъминланадиган ташкилотлар, корхоналар ва муассасалар, уларнинг қошида очилган хўжалик ҳисобидаги ташкилотларга оширувчи коэффициентлар қўлланилмайди;

в) Кўрсатилган ижара ҳақи ставкаларига қўшилган қиймат солиғи ва ер солиғи киритилмаган бўлиб, Ўзбекистон Республикаси амалдаги қонунларига асосан маълум даражадаги ижарачилар томонидан тўланади;

г) Уй-жой муҳандислик-коммунал қурилмаларини қайта тиклаш зарур бўлган ертўла, бино ва иншоотларини таъмирлаш, қайта тиклаш, уй-жой режасини қайта бажариши ишлари ижарачи ҳисобидан бажарилган тақдирда, бажарилган ишлар учун ажратилган маблағ миқдорига қараб, 4 (тўрт) мартагача камайтириш коэффициенти қўлланиши мумкин;

д) Марказлаштирилган тартибда (нарх-навонинг ўзгаришини ҳисобга олган ҳолда) ижара ҳақи ва коммунал тўловларига индексация коэффициентлари жорий қилинган пайтда ижарачига ижарага берувчи (Бинонинг тасарруф эгаси) томонидан ёзма равишда хабар қилади. “MULK-XISOB-IJARA” Давлат унитар корхонасининг томонидан ижара ҳақига ўзгартиришлар киритилади ва ижарачи шартномада кўрсатилган муддатларга асосан керакли тўловларни бажаради.

Тошкент вилояти ҳокимининг

2008 йил 11 февралдаги

32-сон қарорига

3-ИЛОВА

Ҳудудий зоналар