Ўзбекистон Республикаси Олий Кенгашининг 15.02.1991 й. 228-XII-сон "Ўзбекистон ССР фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон ССР Қонунини кучга киритиш тартиби ҳақида"ги Қарори

ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

15.02.1991 й.

N 228-XII

"ЎЗБЕКИСТОН ССР ФУҚАРОЛАРИДАН,

АЖНАБИЙ ФУҚАРОЛАРДАН ВА ФУҚАРОЛИГИ

БЎЛМАГАН ШАХСЛАРДАН ОЛИНАДИГАН ДАРОМАД

СОЛИҒИ ТЎҒРИСИДА"ГИ ЎЗБЕКИСТОН ССР ҚОНУНИНИ

КУЧГА КИРИТИШ ТАРТИБИ ҲАҚИДА

Ўзбекистон Совет Социалистик Республикаси Олий Кенгаши ҚАРОР ҚИЛАДИ:

1. "Ўзбекистон ССР фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон ССР Қонуни 1991 йил 1 апрелдан бошлаб кучга киритилсин.

2. Корхоналар, муассасалар ва ташкилотлар 1991 йил 1 апрелгача бажарилган ишлар ва амалга оширилган бошқа фаолият учун Қонун кучга киритилганидан кейин тўлайдиган иш ҳақи ва бошқа тўловларга Қонун қабул қилинишидан олдин амал қилган тартибда ва миқдорларда даромад солиғи солинади.

Фуқароларнинг бошқа барча даромадларига даромад олинган вақтидан қатъи назар Қонунда белгилаб қўйилган тартибда ва миқдорларда солиқ солиниши керак.

3. Ўзбекиетон ССР Президенти ҳузуридаги Вазирлар Кабинети:

- 1991 йил 1 апрелигача Ўзбекистон ССР Олий Кенгашига Ўзбекистон ССРнинг қонун ҳужжатларини "Ўзбекистон ССР фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон ССР Қонунига мувофиқлаштириш ҳақидаги таклифларни киритсин;

- 1993 йил 1 январигача фуқаролардан олинадиган даромад солиғини ислоҳ қилишнинг иккинчи босқичини амалга ошириш ҳақидаги таклифларни ишлаб чиқсин ва Ўзбекистон ССР Олий Кенгаши муҳокамасига киритсин, бу таклифларда фуқаролар шахсий даромадларига жами йиллик даромад суммасини, болаларни, қарамоқдаги шахсларни боқишга қилинадиган харажатларни ва бошқа ижтимоий жиҳатдан асосли харажатларни тўла ҳисобга олган ҳолда солиқ солишнинг ягона принципларига ўтишни назарда тутсин;

- Ўзбекистон ССР Ҳукуматининг қарорларини "Ўзбекистон ССР фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон ССР Қонунига мувофиқлаштирсин.

Ўзбекистон ССР Олий Кенгашининг Раиси                 М. Иброҳимов