Ўзбекистон Республикаси Президентининг 14.08.1995 й. ПФ-1212-сон "Ташқи иқтисодий алоқалар вазирлигининг хўжалик ҳисобидаги бўлинмаларини давлат ҳиссадорлик компанияларига айлантириш тўғрисида"ги Фармони

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

14.08.1995 й.

N ПФ-1212

ТАШҚИ ИҚТИСОДИЙ АЛОҚАЛАР

ВАЗИРЛИГИНИНГ ХЎЖАЛИК ҲИСОБИДАГИ

БЎЛИНМАЛАРИНИ   ДАВЛАТ   ҲИССАДОРЛИК

КОМПАНИЯЛАРИГА АЙЛАНТИРИШ ТЎҒРИСИДА

Бозор механизмларини ташқи иқтисодий алоқалар тизимига жорий этишни жадаллалтириш ваташқи савдони эркинлаштириш жараёнини янада ривсжлантириш максадида:

1. "Ўзмарказимпекс", "Ўзсаноатмашимпекс", "Инновация", "Ўзташқитранс хўжали ҳисобидаги давлат ташқи савдо бирлашмалари, "Марказсаноатзкспорт" хўжалик ҳисобидаги республика ташқи савдо фирмаси ва Ўзбекистон Республикаси Ташқи иқтисодий алоқалар вазирлигига қарашли "Ўрта Осиё Транс" хўжалик ҳисобидаги республика ташқи иқтисодий транспорт-экспедиторлик компанияси айни ўша номлар билан очиқ турдаги ҳиссадорлик жамиятлари шаклидаги давлат ҳиссадорлик компанияларига айлантирилсин.

Янги ташкил этилаётган ҳиссадорлик компанияларининг акциялари қуйидаги тартибда тақсимланиши кузда тутилсин:

ўз қиймати бўйича акцияларнянг 51 фоиз - уларни давлат номидан бошқариш ҳуқуқи билан Ўзбекистон Республикаси Ташқи иқтисодий алоқалар вазирлигига:

ўз қиймати бўйича акцияларцинг 25 фоизи - ташқи савдо компанияларининг жамоаларига;

бозор қиймати бўйича акцияларнинг 24 фоиз - фонд бозорида очиқ сотилиши лозим.

2. Белгилаб қўйилсинки, "Ўзмарказимпекс", "Ўзсаноатмашимпекс", "Инновация", "Марказсаноатэкспорт" давлат ҳиссадорлик ташқи савдо компаниялари, "Ўрта Осиё Транс" халқаро автотранспорт юк ташиш давлат ҳиссадорлик компанияси, "Ўзташқитранс" давлат ҳиссадорлик транспорт-экспедиторлик компанияси Ташқи иқтисодий алоқалар вазирлигига қарашли айни шу ном билан аталувчи ҳўжалик ҳисобидаги бўлинмаларинииг барча мулкий ҳуқуқ ва мажбуриятлари бўйича ҳуқуқий ворислари ҳисобланади ва белгиланган тартибда қуйидагиларни амалга оширади:

Ўзбекистон Республикасида экспорт маҳсулотини ишлаб чиқарувчилар билан тузиладиган шартномалар асосида экспорт, шу жумладан марказлаштирилган тарзда экспорт қилиш;

Ўзбекистон Республикасидаги буюртмачиларнинг топшириқлари бўйича давлат эҳтиёжлари учун товарлар харид қилиш;

ташқи савдо операцияларини бажаришга оид хизматларни кўрсатиш, экспорт-импорт юкларини жўнатиш ва транслорт хизмати кўрсатиш.

3. Шу нарса белгилаб қўйилсинки, юқорида кўрсатиб ўтилган давлат ҳиссадорлик компаниялари уставларига мувофиқ ўзини ўзи пул билан тўла таъминлаш ва ўзини ўзи бошқариш принциплари асосида иш юритадилар.

4. Ўзбекистон Республикасининг Адлия вазирлиги "Ўзмарказимпекс", "Ўзсаноатмашимпекс", "Инновация", "Марказсаноатэкспорт" давлат ҳиссадорлик ташқи савдо компанияларининг, "Ўрта Осиё Транс" халқаро автотранспорт юк ташиш давлат ҳиссадорлик компанияси ҳамда "Ўзташқитранс" давлат ҳиссадорлик транспорт-экспедиторлик компаниясининг уставларини белгиланган тартибда рўйхатдан ўтказсин.

5. Ўзбекистон Республикасининг Вазирлар Маҳкамаси икки ҳафта муддат ичида мазкур Фармонни бажариш юзасидан тегишли қарор қабул қилсин.

Ўзбекистон Республикасининг Президенти                               И. Каримов