Ўзбекистон Республикаси Вазирлар Маҳкамасининг 23.12.2003 й. 562-сон "Ўзбекистон Республикаси Вазирлар Маҳкамаси ҳузуридаги Атамашунослик қўмитасининг фаолиятини тугатиш тўғрисида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
23.12.2003 й.
N 562
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИ ҲУЗУРИДАГИ
АТАМАШУНОСЛИК ҚЎМИТАСИНИНГ
ФАОЛИЯТИНИ ТУГАТИШ ТЎҒРИСИДА
Ўзбекистон Республикаси Президентининг "Республика давлат бошқаруви органлари тизимини такомиллаштириш тўғрисида" 2003 йил 9 декабрдаги ПФ-3358-сон Фармонига мувофиқ Вазирлар Маҳкамаси ҚАРОР ҚИЛАДИ:
1. Ўзбекистон Республикаси Вазирлар Маҳкамаси ҳузуридаги Атамашунослик қўмитаси белгиланган тартибда тугатилсин.
2. Атамашуносликка оид ишларни тартибга солишни мувофиқлаштириш ва илмий-амалий тавсиялар ишлаб чиқиш вазифаси "Давлат тили ҳақида"ги Қонунни жорий этиш комиссияси зиммасига юклансин.
3. Атамашунослик қўмитасининг фаолиятини тугатиш комиссияси таркиби иловага мувофиқ тасдиқлансин.
Комиссияга бир ой муддатда Атамашунослик қўмитасининг тугатилиши билан боғлиқ масалаларни қонун ҳужжатларида белгиланган тартибда кўриб чиқиш ва ҳал этиш вазифаси топширилсин.
4. Ўзбекистон Республикаси Молия вазирлиги Атамашунослик қўмитасини тугатиш комиссияси фаолияти якунига қадар қўмитани тугатиш билан боғлиқ қонунда белгиланган харажатларни молиялаштиришни таъминласин.
5. Ўзбекистон Республикаси Меҳнат ва аҳолини ижтимоий муҳофаза қилиш вазирлиги Ўзбекистон Республикаси Вазирлар Маҳкамаси ҳузуридаги Атамашунослик қўмитасининг тугатилаётганлиги муносабати билан бўшаётган ходимларни белгиланган тартибда иш жойи билан таъминлаш чора-тадбирларини кўрсин.
6. Ўзбекистон ССР Министрлар Советининг 1989 йил 26 декабрдаги 405-р-сон фармойиши, Ўзбекистон Республикаси Вазирлар Маҳкамасининг 1992 йил 30 мартдаги 119-ф-сон ва 1994 йил 26 августдаги 334-ф-сон фармойишлари ўз кучини йўқотган деб ҳисоблансин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А. Азизхўжаев зиммасига юклансин.
Ўзбекистон Республикасининг Бош вазири Ш. Мирзиёев
2003 йил 23 декабрдаги
562-сон қарорига
ИЛОВА
Ўзбекистон Республикаси Вазирлар Маҳкамаси
ҳузуридаги Атамашунослик қўмитасининг
фаолиятини тугатиш бўйича комиссия
ТАРКИБИ
1. |
Ворисов А.К. |
- |
Вазирлар Маҳкамасининг Ижтимоий комплекси котибияти мудири - комиссия раҳбари |
2. |
Ёқубов О.Э. |
- |
Вазирлар Маҳкамаси ҳузуридаги Атамашунослик қўмитаси раиси |
3. |
Ибрагимов Ш.Г. |
- |
Иқтисодиёт вазирининг ўринбосари |
4. |
Содиқов Ҳ.М. |
- |
Адлия вазирининг ўринбосари |
5. |
Абдураҳмонов М.С. |
- |
Молия вазирининг ўринбосари |
6. |
Алимуҳамедов Б.Б. |
- |
Меҳнат ва аҳолини ижтимоий муҳофаза қилиш вазирининг ўринбосари |
7. |
Яковлев И.Г. |
- |
Давлат мулки қўмитаси раисининг биринчи ўринбосари |
8. |
Гадоев Э.Ф. |
- |
Давлат солиқ қўмитаси раисининг биринчи ўринбосари |
9. |
Қўчқоров Р.Ў. |
- |
Вазирлар Маҳкамаси Ижтимоий комплекси котибиятининг етакчи мутахассиси |
Бизнинг Facebook
Телеграм канали @uz_buxgalter
