Бюджет ва давлат мақсадли жамғармаларига тўловлар бўйича қарзларни тўлаш муддатини кечиктириш ва (ёки) бўлиб-бўлиб тўлаш имконини бериш, пеня ҳисоблашни тўхтатиш, шунингдек пеня ва жарима санкцияларини ҳисобдан чиқариш тартиби тўғрисида Низом (АВ томонидан 14.01.2005 й. 1442-сон билан рўйхатга олинган ДКБТРК 10.12.2004 й. 60-сон қарори билан тасдиқланган)

Ўзбекистон Республикаси

Адлия вазирлигида

2005 йил 14 январда 1442-сон

билан рўйхатга олинган

Муддати ўтказиб юборилган

дебиторлик ва кредиторлик

қарзларини қисқартириш ва

бюджетга тўловлар интизомини

мустаҳкамлаш бўйича

Республика комиссиясининг

2004 йил 10 декабрдаги

60-сон қарори билан

ТАСДИҚЛАНГАН

Мазкур Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Бюджет ва давлат мақсадли жамғармаларига

тўловлар бўйича қарзларни тўлаш муддатини

кечиктириш ва (ёки) бўлиб-бўлиб тўлаш имконини

бериш, пеня ҳисоблашни тўхтатиш, шунингдек

пеня ва жарима санкцияларини ҳисобдан

чиқариш тартиби тўғрисида

НИЗОМ

Мазкур Низом Ўзбекистон Республикаси Вазирлар Маҳкамасининг 2004 йил 9 февралдаги “Муддати ўтказиб юборилган дебиторлик ва кредиторлик қарзларини қисқартириш ва бюджетга тўловлар интизомини мустаҳкамлаш бўйича Республика комиссиясини ташкил этиш тўғрисида” 61-сон (Ўзбекистон Республикаси қонун ҳужжатлари тўплами, 2004 йил 6-cон, 72-модда) ва 2004 йил 14 апрелдаги “Муддати ўтказиб юборилган дебиторлик ва кредиторлик қарзларини қисқартириш ва бюджетга тўловлар итизомини мустаҳкамлаш бўйича Республика комиссияси фаолиятини ташкил этиш тўғрисида” 182-сон (Ўзбекистон Республикаси қонун ҳужжатлари тўплами, 2004 йил 15-сон, 178-модда) қарорларига мувофиқ ишлаб чиқилган ҳамда бюджет ва давлат мақсадли жамғармаларига тўловлар бўйича қарзларни (асосий сумма, пеня, жарима санкцияларини) тўлаш муддатини кечиктириш ва (ёки) бўлиб-бўлиб тўлаш имконини бериш, пеня ҳисоблашни тўхтатиш, шунингдек пеня ва жарима санкцияларини ҳисобдан чиқариш тартибини белгилайди.

I. УМУМИЙ ҚОИДАЛАР

1. Бюджет ва давлат мақсадли жамғармаларига тўловлар бўйича қарзларни тўлаш муддатини кечиктириш (бўлиб-бўлиб тўлаш) имконини бериш, пеня ҳисоблашни тўхтатиш, пеня ва жарима санкцияларини ҳисобдан чиқаришни Муддати ўтказиб юборилган дебиторлик ва кредиторлик қарзларини қисқартириш ва бюджетга тўловлар интизомини мустаҳкамлаш бўйича Республика комиссияси (бундан кейин Республика комиссияси) вақтинча молиявий қийинчиликни бошидан кечираётган корхона ва ташкилотларнинг тўлов қобилиятини тиклашга давлат ёрдамини кўрсатиш мақсадида амалга оширади.