Давлат бюджетининг пул маблағларини режалаштириш ва бошқариш тартиби тўғрисида Низом (АВ томонидан 17.06.2010 й. 2112-сон билан рўйхатга олинган Молия вазирининг 06.05.2010 й. 39-сон бўйруғи билан тасдиқланган)

Ўзбекистон Республикаси

Адлия вазирлигида

2010 йил 17 июнда 2112-сон

билан рўйхатга олинган

Ўзбекистон Республикаси

молия вазирининг

2010 йил 6 майдаги

39-сон буйруғига

ИЛОВА

Давлат бюджетининг пул маблағларини

режалаштириш ва бошқариш тартиби тўғрисида

НИЗОМ

Мазкур Низом Ўзбекистон Республикасининг "Бюджет тизими тўғрисида"ги (Ўзбекистон Республикаси Олий Мажлисининг Ахборотномаси, 2001 й., 1-2 сон, 6-модда) ва "Давлат бюджетининг ғазна ижроси тўғрисида"ги (Ўзбекистон Республикаси Олий Мажлисининг Ахборотномаси, 2004 й., 9-сон, 164-модда) қонунлари асосида, шунингдек Ўзбекистон Республикаси Президентининг 2007 йил 28 февралдаги ПҚ-594-сон "Давлат бюджетининг ғазна ижроси тизимини янада ривожлантириш чора-тадбирлари тўғрисида"ги қарорига (Ўзбекистон Республикаси қонун ҳужжатлари тўплами, 2007 й., 9-10-сон, 82-модда) мувофиқ Давлат бюджетининг пул маблағларини режалаштириш ва бошқариш тартибини белгилайди.

I. УМУМИЙ ҚОИДАЛАР

1. Мазкур тартибда қуйидаги атама ва тушунчалар қўлланилади:

Давлат бюджетининг пул маблағларини бошқариш - бюджетдан маблағ олувчиларнинг харажатларини ўз вақтида амалга ошириш мақсадида республика ва ҳудудий ғазна ҳисобварақларидаги (ягона ғазна ҳисобварағидаги) ҳамда Молия вазирлиги Ғазначилиги валюта ҳисобварақларидаги (миллий ва хорижий валютадаги) пул маблағларини бошқариш;

республика ва ҳудудий ғазна ҳисобварақлари (бундан кейинги ўринларда - РҒҲ ва ҲҒҲ деб юритилади) - тегишли бюджетлар учун очилган, Молия вазирлиги Ғазначилиги ва унинг ҳудудий бўлинмалари томонидан бошқариладиган махсус банк ҳисобварақлари бўлиб, бу ҳисобварақларга Давлат бюджети маблағлари ҳамда бюджет ташкилотларининг бюджетдан ташқари маблағлари киритилади. Давлат бюджетининг ғазна ижросига тўлиқ ўтилганидан ҳамда РҒҲ ва ҲҒҲ бирлаштирилганидан сўнг барча операциялар ягона ғазна ҳисобварағи орқали амалга оширилади;

ягона ғазна ҳисобварағи (кейинги ўринларда - ЯҒҲ) - Молия вазирлиги Ғазначилиги томонидан бошқариладиган махсус банк ҳисобварағи бўлиб, бу ҳисобвараққа Давлат бюджети маблағлари ҳамда бюджет ташкилотларининг бюджетдан ташқари маблағлари киритилади;

кассали режалаштириш - тушумларнинг ҳажми ва манбалари, шунингдек тўловларнинг йўналиши ва мақсадлари бўйича республика ва маҳаллий бюджетлар касса режаларини тузиш йўли билан амалга ошириладиган РҒҲ ва ҲҒҲ (ЯҒҲ) орқали ўтадиган (миллий ва хорижий валютадаги) пул маблағларининг айланмасини режалаштириш ва бошқариш;

харажатлар тўлови рухсатномаси (тайинлаш сертификати) - харажатлар тўлови рухсатномасида (бундан кейинги ўринларда ХТР деб юритилади) кўрсатилган вақт давридан бошлаб, унинг доирасида бюджетдан маблағ олувчи юридик мажбуриятни қабул қилиши мумкин бўлган ғазначилик бўлинмаси томонидан бюджетдан маблағ олувчига бериладиган бюджетдан ажратилган маблағлар суммасини акс эттирадиган ҳужжат. Ажратилган ХТР суммаси молия йилининг охиригача ҳақиқий ҳисобланади;

ғазначилик бўлинмалари - Ўзбекистон Республикаси Молия вазирлиги Ғазначилиги амалиёт бошқармаси, Ўзбекистон Республикаси Молия вазирлиги Ғазначилиги методология, молиявий ресурсларни ва ҳисобларни бошқариш бошқармаси, Қорақалпоғистон Республикаси, вилоятлар ва Тошкент шаҳри бўйича Ғазначилик бошқармалари ҳамда туманлар (шаҳарлар) Ғазначилик бўлимлари.

II. ЙИЛЛИК ВА ЖОРИЙ КАССАЛИ РЕЖАЛАШТИРИШ

2. Давлат бюджетининг даромадлар ва харажатлар пул оқимини режалаштириш мақсадида кассали режалаштириш йиллик ва жорий (оператив)га фарқланади.

3. Республика ва маҳаллий бюджетларнинг йиллик кассали режалаштирилиши тегишли бюджетларнинг ойлик даромадлар ва харажатлар ёйилмасига асосан мазкур Низомнинг 1а ва 1б-иловаларидаги шаклга мувофиқ амалга оширилади. Республика ва маҳаллий бюджетларнинг тасдиқланган даромад ва харажатлар ёйилмаси асосида Давлат бюджетининг даромад ва харажатлари ёйилмаси тузилади ва тасдиқланади (Ойлар кесимидаги даромадлар ва харажатлар ёйилмасини тақдим этишни назарда тутувчи қоида тегишли бюджетнинг даромадлари ва харажатлари ғазначилик ижроси билан тўлиқ қамраб олинганидан сўнг кучга киритилади).

4. Республика ва маҳаллий бюджетларнинг жорий кассали режалаштирилиши тегишли молия йили учун маълум муддатга (ой, ойнинг биринчи ва иккинчи ярми), мос равишда, Ғазначилик ва унинг ҳудудий бўлинмалари томонидан бюджетларнинг тегишли йиллик касса режалари, шунингдек республика ва маҳаллий бюджетларнинг ойлик даромад прогнозига асосан амалга оширилади. Давлат бюджети бўйича жорий кассали режалаштирилиш республика ва маҳаллий бюджетларнинг жорий кассали режалаштирилиши натижаси бўйича амалга оширилади.

5. Даромадларнинг прогнози:

республика бюджети бўйича - ҳар ойда Ўзбекистон Республикаси Молия вазирлиги томонидан ўрнатилган тартибда тасдиқланган республика бюджетининг чорак ҳажми доирасида мазкур Низомнинг 2а-иловасидаги шаклга мувофиқ, унда мавжуд маълумот (ахборот)лар асосида ҳамда туман (шаҳар) Ғазначилик бўлинмалари орқали олинган жойлардаги тегишли давлат солиқ хизмати органларидан олинган, мазкур Низомнинг 2б-иловасидаги шаклга мувофиқ ва Ўзбекистон Республикаси Давлат божхона қўмитаси томонидан мазкур Низомнинг 2в-иловасидаги шаклга мувофиқ тақдим қилинган, кутилаётган даромадлар тушуми тўғрисидаги тезкор маълумотларга асосан;

туман (шаҳар) маҳаллий бюджетлари бўйича - ҳудудий молия органлари томонидан ўрнатилган тартибда тасдиқланган тегишли бюджетларнинг чорак ҳажмлари доирасида Ўзбекистон Республикаси Молия вазирлиги Ғазначилигининг туман (шаҳар) бўлинмалари билан биргаликда мазкур Низомнинг 3а-иловасидаги шаклга мувофиқ, уларда мавжуд маълумот (ахборот)лар асосида ҳамда жойлардаги тегишли давлат солиқ хизмати органлари томонидан мазкур Низомнинг 3б-иловасидаги шаклга мувофиқ тақдим қилинган кутилаётган даромадлар тушуми тўғрисидаги тезкор маълумотларга асосан тузилади.

Қорақалпоғистон Республикаси бюджети, вилоятлар ва Тошкент шаҳар бюджетлари бўйича даромадлар прогнози Қорақалпоғистон Республикаси Молия вазирлиги, вилоятлар ва Тошкент шаҳар молия бошқармалари томонидан Қорақалпоғистон Республикаси, вилоятлар ва Тошкент шаҳар бўйича Ғазначилик бошқармалари билан биргаликда мазкур Низомнинг 3а-иловасидаги шаклга мувофиқ, уларда мавжуд маълумот (ахборот)лар асосида ҳамда туман ва шаҳар Ғазначилик бўлинмалари орқали жойлардаги тегишли давлат солиқ хизмати органларидан олинган, мазкур Низомнинг 3б-иловасидаги шаклга мувофиқ кутилаётган даромадлар тушуми тўғрисидаги тезкор маълумотларга асосан тузилади.

Бюджетга кутилаётган тушумларнинг прогноз ойи учун умумий суммаларининг ҳисоб-китобида туман (шаҳар) солиқ инспекцияси ва тегишли Ғазначилик бўлинмалари прогноз даврида тушмай қолиши мумкин бўлган бир марталик (доимий бўлмаган) тушумларни эътиборга олишга мажбурдирлар.

Бундай тушумларга қуйидагилар киради:

фермер хўжаликларига Давлат эҳтиёжлари учун харид қилинадиган қишлоқ хўжалик маҳсулотларининг ҳисоб-китоб Жамғармаси тизими бўйича йўналтириладиган мақсадли транш маблағлар;

Ўзбекистон Республикаси Ташқи иқтисодий алоқалар, инвестициялар ва савдо вазирлигининг ташқи савдо компанияларидан "Ўзпахтасаноат" уюшмаси корхоналарига тушадиган маблағлар;

"Ўзбекнефтегаз" миллий холдинг компанияси корхоналари валюта тушумининг қисман сотувидан тушадиган маблағлар;

бюджет ташкилотларининг товар (иш, хизмат)лар етказиб берувчилар олдидаги кредитор қарздорликни тўлаш учун тушадиган марказлашган маблағлар;

бир марталик тусга эга бошқа турдаги тушумлар.

Туман (шаҳар) солиқ инспекцияси кутилаётган тушумларда инобатга олинмаган, бир марталик тусга эга тушумлар тушганда, туман (шаҳар) Ғазначилик бўлинмаларига илгари тақдим қилинган, кутилаётган тушумлар тўғрисидаги маълумотларга ўзгартириш киритишга ҳақлидир.

6. Устувор йўналишларни (бюджетдан маблағ олувчилар ва харажатлар турларининг устувор йўналишларини) аниқлаш тегишли Ғазначилик бўлинмалари ва молия органлари томонидан амалга оширилади. Ўрнатилган устуворликлар, шунингдек ойлик даромадлар тушуми прогнози ва тасдиқланган ойлик харажатлар ёйилмаси асосида Ғазначилик бўлинмалари бюджетдан маблағ олувчиларга ХТРлар беради.

7. Бюджетдан маблағ олувчилар фақат ойлар кесимида берилган ХТР суммалари доирасида юридик ва молиявий мажбуриятлар олади ҳамда харажатлар тўловини амалга оширади.

III. ДАВЛАТ БЮДЖЕТИНИНГ ПУЛ

МАБЛАҒЛАРИНИ БОШҚАРИШ

8. Давлат бюджети (миллий ва хорижий валютадаги) пул маблағларини бошқаришнинг мақсадлари:

бюджетларнинг даромадлар ва харажатлари ўртасидаги вақтинчалик касса узилишларини оператив бартараф этиш;

бюджетдан маблағ олувчиларнинг харажатлар тўловини ўз вақтида амалга ошириш;

РҒҲ ва ҲҒҲ (ЯҒҲ)даги ҳамда Молия вазирлиги Ғазначилиги валюта ҳисобварақларидаги пул маблағларидан самарали фойдаланиш.

9. Бюджетдан маблағ олувчиларнинг харажатлар тўловини ўз вақтида амалга ошириш ва бюджетларнинг даромадлар ва харажатлари ўртасидаги вақтинчалик касса узилишларини бартараф этиш учун Ғазначилик бўлинмалари:

ғазна ҳисобварақларидаги айланма касса маблағларини белгиланган тартибда ишлатиши;

тегишли бюджетлар томонидан бюджет ссудалари олиниши ташаббуси билан чиқиши;

маблағларни жалб қилишда қонун ҳужжатларида кўрсатилган бошқа манбалардан (республика бюджети бўйича) фойдаланиши мумкин.

10. Даромадлар ва харажатлар ўртасидаги касса узилишларини бартараф этиш мақсадида ХТР фақат тегишли даврда РҒҲ ва ҲҒҲ (ЯҒҲ)га тушиши кутилаётган суммалар доирасида берилади.

11. Ўз вақтида тушмаган даромадлар натижасида вужудга келган вақтинчалик касса узилишлари ҳолатида Ғазначилик бўлинмалари "Қорақалпоғистон Республикаси бюджетига, маҳаллий бюджетларга бюджет ссудаларини бериш ва олинган бюджет ссудаларини қайтариш тартиби тўғрисида"ги низомда (рўйхат рақами 1052, 2001 йил 19 июль) (Ўзбекистон Республикаси вазирликлари, давлат қўмиталари ва идораларининг меъёрий ҳужжатлари ахборотномаси, 2001 йил, 3-4-сон) кўзда тутилган тартибга кўра тегишли бюджетлар учун режадан ташқари бюджет ссудаларини жалб қилиш ташаббуси билан чиқиши мумкин. Бунинг учун Ғазначилик бўлинмалари тегишли молия органларига асос бўлувчи керакли ҳисоб-китобларни илова қилган ҳолда бюджет ссудасига бўлган талаб тўғрисидаги хатни юборади.

IV. ХАРАЖАТЛАР ТЎЛОВИ РУХСАТНОМАСИНИ БЕРИШ

12. ХТР Ғазначилик бўлинмалари томонидан ҳар бир бюджетдан маблағ олувчига бюджет маблағлари бўйича харажатлар база сметаси суммаси доирасида мазкур Низомнинг 4а ва 4б-иловаларидаги шаклга мувофиқ берилади.

13. Республика бюджетидан (мазкур Низомнинг 4а-иловасига мувофиқ) ва маҳаллий бюджетлардан (мазкур Низомнинг 4б-иловасига мувофиқ) молиялаштириладиган бюджетдан маблағ олувчилар учун ХТРларни бериш қоида тариқасида ойда бир марта амалга оширилади.

14. ХТР мазкур Низомнинг 5-иловасида кўрсатилган иш ҳақи ва унга тенглаштирилган тўловлар, иш ҳақидан ажратмалар, капитал қўйилмалар харажатлари, коммунал хизматлар ва бошқа харажатлар, бир йилга тузиладиган шартномалар бўйича харажатлар учун бутун молиявий йилга берилади. Йиллик шартномалар тузилмайдиган бошқа харажатлар учун ХТР бир ой муддатга берилади.

15. ХТРлар республика бюджетидан молиялаштирилувчи бюджетдан маблағ олувчиларга мазкур Низомнинг 6-иловасидаги, маҳаллий бюджетлардан молиялаштирилувчи бюджетдан маблағ олувчиларга эса мазкур Низомнинг 7-иловасидаги шакл бўйича жорий касса режаларига асосан шакллантирилиши мумкин.

Бунда, агарда даромадлар тушуми тегишли ойнинг охирида кутилса, ХТРлар даромадларнинг ҳақиқий тушумига қараб берилади.

16. ХТР суммаларини ҳисоблашда харажатларни молиялаштиришнинг қуйидаги саналарини инобатга олиш лозим:

иш ҳақи ва унга тенглаштирилган тўловлар - ҳар ойнинг 1 - 5 саналарида 60% миқдорида, ҳар ойнинг 15 - 20 саналарида 40% миқдорида, қонун ҳужжатларида белгиланган ҳолатлар бундан мустасно;

ягона ижтимоий тўлов - ҳар ойнинг 1 - 5 саналарида;

ижтимоий нафақалар (вояга етмаган болалари бўлган оилаларга нафақа ва кам таъминланган оилаларга моддий ёрдам, стипендиялар ва бошқалар) - ҳар ойнинг 1 - 15 саналарида.

17. ХТР берилган, бироқ ҳали юридик ва молиявий мажбуриятлар олинмаган, шунингдек касса харажатлари амалга оширилмаган бюджетдан маблағ олувчиларга ажратилган бюджет маблағларининг суммасини камайтириш зарурияти пайдо бўлса, Ғазначилик бўлинмалари томонидан илгари берилган ХТР суммаларини камайтириш мақсадида минус ишораси билан ХТР берилади. Бундан сўнг тегишли молия органлари томонидан Ғазначилик бўлинмалари билан биргаликда бюджетдан ажратилган маблағлар суммаларини аниқлаштириш чоралари амалга оширилади.

V. ЖАВОБГАРЛИК

18. Тасдиқланган бюджетлар доирасида ХТРларни бериш учун жавобгарлик тегишли Ғазначилик бўлинмаларига юклатилади.

19. Даромадлар ва харажатлар ўртасидаги режадан ташқари касса узилишлари ҳолатларида бюджет ссудаларини жалб қилиш ёки бюджетдан ажратилган маблағларга тегишли аниқликлар киритиш бўйича ўз вақтида чора-тадбирлар амалга ошириши учун молия органлари жавобгар бўлади.

20. Бюджетдан маблағ олувчиларнинг раҳбарлари ва бош ҳисобчилари қонун ҳужжатларига мувофиқ юридик ва молиявий мажбуриятларни қабул қилиш ҳамда берилган ХТР суммалари доирасида касса харажатларини амалга оширишга жавобгардир.

VI. ЯКУНИЙ ҚОИДА

21. Мазкур Низом Ўзбекистон Республикаси Давлат солиқ қўмитаси ва Давлат божхона қўмитаси билан келишилган.

Низомга

1а-ИЛОВА

20___ йил учун даромадларнинг йиллик режаси

____________ *

минг сўмда

  

             

*) Давлат бюджети, республика бюджети, ҚР, вилоятлар ва Тошкент шаҳар, туман (шаҳар) бюджети.

Низомга

1б-ИЛОВА

20___ йил учун харажатларнинг йиллик режаси

____________ *

минг сўмда

         

             

*) Давлат бюджети, республика бюджети, ҚР, вилоятлар ва Тошкент шаҳар, туман (шаҳар) бюджети.

Низомга

2а-ИЛОВА

Республика бюджетига 20___ йил __________

ойи учун даромадлар тушуми

ПРОГНОЗИ

минг сўмда

*) Даромадлар номи бюджет таснифига мувофиқ.

           

Низомга

2б-ИЛОВА

20___ йил ___________ ойи учун туман (шаҳар)

бўйича Давлат бюджетига кутилаётган

даромадлар тушуми тўғрисидаги

ТЕЗКОР МАЪЛУМОТ*

минг сўмда

*) Ҳисобот ойининг 3-санасига тақдим қилинади.

**) Даромадлар номи бюджет таснифига мувофиқ.

          

Низомга

2в-ИЛОВА

20___ йил _________ ойи учун республика бюджетига

кутилаётган даромадлар тушуми тўғрисидаги

ТЕЗКОР МАЪЛУМОТ*

минг сўмда

*) Ҳисобот ойининг 3-санасига тақдим қилинади.

**) Даромадлар номи бюджет таснифига мувофиқ.

     

Низомга

3а-ИЛОВА

_________________ вилояти (тумани (шаҳри))

бюджетига 20___ йил _________ ойи

учун даромадлар тушуми

ПРОГНОЗИ

минг сўмда

*) Даромадлар номи бюджет таснифига мувофиқ.

       

Низомга

3б-ИЛОВА

20___ йил __________ ойи учун туман (шаҳар)

бўйича Давлат бюджетига кутилаётган

даромадлар тушуми тўғрисидаги

ТЕЗКОР МАЪЛУМОТ*

минг сўмда

*) Ҳисобот ойининг 3-санасига тақдим қилинади.

**) Даромадлар номи бюджет таснифига мувофиқ.

          

Низомга

4а-ИЛОВА

_______-сонли ХАРАЖАТЛАР

ТЎЛОВИ РУХСАТНОМАСИ (ХТР)

(Тайинлаш сертификати)

          

Низомга

4б-ИЛОВА

_______-сонли ХАРАЖАТЛАР

ТЎЛОВИ РУХСАТНОМАСИ (ХТР)

(Тайинлаш сертификати)

    

           

*) Агар ХТР туман (шаҳар) Ғазначилик бўлинмаларида берилган бўлса, уни туман (шаҳар) Ғазначилик бўлинмаси молиявий мажбуриятларни рўйхатдан ўтказиш ва тўловларни амалга ошириш гуруҳи мутахассиси имзолайди.

   

Низомга

5-ИЛОВА

Молия йилига ХТР берилиши

мумкин бўлган харажатлар

РЎЙХАТИ*

   

       

*) Моддалар рўйхати Ўзбекистон Республикаси молия вазирининг буйруғига асосан аниқлаштирилиши мумкин.

Низомга

6-ИЛОВА

20___ йил ________________ ойининг

ЖОРИЙ КАССА РЕЖАСИ

млн. сўмда

      

*) 26-сатр суммаси 6-сатр суммасидан кам ёки тенг бўлиши керак.

           

Низомга

7-ИЛОВА

20___ йил ________________ ойининг

ЖОРИЙ КАССА РЕЖАСИ

млн. сўмда

*) Бюджет субвенцияси, дотацияси, ссудаси, бюджетлараро ўзаро ҳисоб-китоблар вилоят бюджети учун, агар вилоят бюджети туман (шаҳар) бюджетига маблағлар берган ҳолларда, харажат ҳисобланади.

**) Бюджет субвенцияси, дотацияси, ссудаси, бюджетлараро ўзаро ҳисоб-китоблар туман бюджети учун, агар туман (шаҳар) бюджети вилоят бюджетидан маблағлар олган ҳолларда, даромад ҳисобланади.

***) 34-сатр суммаси 6-сатр суммасидан кам ёки тенг бўлиши керак.

  

  

"Ўзбекистон Республикаси қонун ҳужжатлари тўплами", 2010 йил, 24-25-сон, 203-модда.