Ўзбекистон Республикаси Вазирлар Маҳкамасининг 17.10.2016 й. 347-сон "Мурувват" ногиронлиги бўлган болалар учун интернат уйлар ҳамда бошқа тиббий-ижтимоий муассасалар фаолиятини такомиллаштириш чора-тадбирлари тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

17.10.2016 й.

N 347

"МУРУВВАТ" НОГИРОНЛИГИ БЎЛГАН БОЛАЛАР

УЧУН ИНТЕРНАТ УЙЛАР ҲАМДА БОШҚА

ТИББИЙ-ИЖТИМОИЙ МУАССАСАЛАР

ФАОЛИЯТИНИ ТАКОМИЛЛАШТИРИШ

ЧОРА-ТАДБИРЛАРИ ТЎҒРИСИДА

Ўзбекистон Республикаси Президентининг "Соғлом она ва бола йили" Давлат дастури тўғрисида" 2016 йил 9 февралдаги ПҚ-2487-сон ҳамда "Аҳолининг ҳожатманд қатламларига тиббий-ижтимоий ёрдам кўрсатиш тизимини такомиллаштириш бўйича ташкилий чора-тадбирлар тўғрисида" 2016 йил 24 февралдаги ПҚ-2499-сон қарорларини бажариш юзасидан, шунингдек ногиронлиги бўлган болаларнинг оилаларда ва оила шароитларида тўлиқ ривожланиши, уларга комплекс тиббий-ижтимоий ёрдам кўрсатиш учун қулай шарт-шароитлар яратиш мақсадида Вазирлар Маҳкамаси ҚАРОР ҚИЛАДИ:

1. "Мурувват" ногиронлиги бўлган болалар учун интернат уйлар ҳузурида тасдиқланган койка фонди доирасидаги бўш ўринлар ҳисобига руҳий бузилиши намоён ёки сезиларли намоён бўлган ногиронлиги бўлган болалар учун кундузги парваришлаш гуруҳлари ташкил этилсин.

2. Оилаларда яшайдиган, руҳий бузилиши намоён ёки сезиларли намоён бўлган ногиронлиги бўлган болаларга комплекс тиббий-ижтимоий ёрдам кўрсатиш ва улар учун ўқув-тарбия жараёнини ташкил этиш "Мурувват" ногиронлиги бўлган болалар учун интернат уйлар ҳузуридаги ногиронлиги бўлган болалар учун кундузги парваришлаш гуруҳларининг асосий вазифалари этиб белгилансин.

4. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.

Ўзбекистон Республикасининг Бош вазири                                        Ш. Мирзиёев

"Ўзбекистон Республикаси қонун ҳужжатлари тўплами",

2016 йил 17 октябрь, 42-сон, 486-модда

"Ўзбекистон Республикаси Ҳукуматининг қарорлари тўплами",

2016 йил, 10-сон, 92-модда