Ўзбекистон Республикаси Вазирлар Маҳкамасининг 21.11.2016 й. 389-сон "Техник воситаларнинг электромагнит мослиги тўғрисидаги умумий техник регламентни тасдиқлаш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

21.11.2016 й.

N 389

ТЕХНИК ВОСИТАЛАРНИНГ ЭЛЕКТРОМАГНИТ

МОСЛИГИ ТЎҒРИСИДАГИ УМУМИЙ ТЕХНИК

РЕГЛАМЕНТНИ ТАСДИҚЛАШ ҲАҚИДА

"Техник жиҳатдан тартибга солиш тўғрисида"ги Ўзбекистон Республикаси Қонунига мувофиқ, Техник воситаларнинг электромагнит мослигига ягона талабларни белгилаш мақсадида Вазирлар Маҳкамаси ҚАРОР ҚИЛАДИ:

1. Техник воситаларнинг электромагнит мослиги тўғрисидаги умумий техник регламент иловага* мувофиқ тасдиқлансин ва расмий эълон қилинган кунидан бошлаб олти ой ўтгач амалга киритилсин.

2. "Техник жиҳатдан тартибга солиш тўғрисида"ги Ўзбекистон Республикаси Қонуни талабларига мувофиқ техник регламентларнинг амалга киритилиши муносабати билан, стандартлаштириш бўйича илгари қабул қилинган норматив ҳужжатлар кўрсатилган маҳсулотлар, ишлар ва хизматлар учун мажбурийлик хусусиятини йўқотиши ва белгиланган тартибда қўлланилишида ихтиёрийлик тусини олиши маълумот учун қабул қилинсин.

3. "Ўзстандарт" агентлиги ваколатли органлар билан биргаликда, ушбу қарор билан қабул қилинган Умумий техник регламент белгиланган тартибда амалга киритилган кундан бошлаб, техник воситаларнинг электромагнит мослигига нисбатан мажбурий талабларнинг мажбурийлигини бекор қилиш ва стандартлаштириш бўйича норматив ҳужжатларнинг қўлланилишида ихтиёрийликни таъминлаш чора-тадбирларини кўрсин.

4. Ўзбекистон Республикаси Ахборот технологиялари ва коммуникацияларини ривожлантириш вазирлиги, "Ўзстандарт" агентлиги Ўзбекистон миллий телерадиокомпанияси билан биргаликда аҳоли, давлат ва хўжалик бошқаруви органлари, тадбиркорлик фаолияти субъектларининг тасдиқланган Умумий техник регламентнинг мақсади, мазмуни ва уни қўллаш тартиби тўғрисида кенг хабардор қилинишини таъминласинлар.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари У.У. Розуқулов зиммасига юклансин.

Ўзбекистон Республикасининг Бош вазири                    Ш. Мирзиёев

*) Илова рус тилидаги матнда берилган.

"Ўзбекистон Республикаси қонун ҳужжатлари тўплами",

2016 йил 28 ноябрь, 47-сон, 540-модда