Ўзбекистон Республикаси Вазирлар Маҳкамасининг 18.10.2017 й. 846-сон "Собиқ Ўзбекистон Қишлоқ хўжалиги фанлари академиясининг ҳақиқий аъзолари ва мухбир аъзоларини қўллаб-қувватлашни янада кучайтириш чора-тадбирлари тўғрисида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
18.10.2017 й.
N 846
СОБИҚ ЎЗБЕКИСТОН ҚИШЛОҚ
ХЎЖАЛИГИ ФАНЛАРИ АКАДЕМИЯСИНИНГ
ҲАҚИҚИЙ АЪЗОЛАРИ ВА МУХБИР АЪЗОЛАРИНИ
ҚЎЛЛАБ-ҚУВВАТЛАШНИ ЯНАДА КУЧАЙТИРИШ
ЧОРА-ТАДБИРЛАРИ ТЎҒРИСИДА
Ўзбекистон Республикаси Президентининг "Собиқ Ўзбекистон Қишлоқ хўжалиги фанлари академиясининг ҳақиқий аъзолари ва мухбир аъзоларини рағбатлантириш чора-тадбирлари тўғрисида" 2017 йил 10 августдаги ПФ-5146-сон Фармонига мувофиқ, собиқ Ўзбекистон Қишлоқ хўжалиги фанлари академиясининг ҳақиқий аъзолари ва мухбир аъзоларининг саломатлигини мустаҳкамлаш ва уларни ижтимоий қўллаб-қувватлашни янада кучайтириш мақсадида Вазирлар Маҳкамаси ҚАРОР ҚИЛАДИ:
1. Собиқ Ўзбекистон Қишлоқ хўжалиги фанлари академиясининг ҳақиқий аъзолари ва мухбир аъзоларининг саломатлигини санаторий-соғломлаштириш ҳамда курорт-соғломлаштириш муассасаларида мустаҳкамлаш тартиби тўғрисидаги низом 1-иловага мувофиқ тасдиқлансин.
2. Вазирлар Маҳкамасининг "Ўзбекистон Республикаси фанлар академиялари аъзоларининг гонорарлари, докторантлар ва аспирантларнинг стипендиялари миқдорини ошириш тўғрисида" 1994 йил 1 декабрдаги 578-сон қарорига 2-иловага мувофиқ ўзгартириш киритилсин.
3. Ўзбекистон Республикаси Қишлоқ ва сув хўжалиги вазирлиги, манфаатдор вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
4. Мазкур қарорнинг бажарилишини назорат қилиш Вазирлар Маҳкамасининг Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари масалалари, Таълим, илм-фан ва ёшлар сиёсати масалалари ҳамда Соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари ахборот таҳлил департаментларига юклансин.
Ўзбекистон Республикасининг Бош вазири А. Арипов
2017 йил 18 октябрдаги
846-сон қарорига
2-ИЛОВА
Вазирлар Маҳкамасининг "Ўзбекистон
Республикаси фанлар академиялари аъзоларининг
гонорарлари, докторантлар ва аспирантларнинг
стипендиялари миқдорини ошириш тўғрисида"
1994 йил 1 декабрдаги 578-сон қарорига
киритилаётган ўзгартириш
1. Илованинг матни қуйидаги таҳрирда баён этилсин:
"Ўзбекистон Республикаси Фанлар академиясининг
ҳақиқий аъзолари, собиқ Ўзбекистон Қишлоқ хўжалиги
фанлари академияси ҳақиқий аъзолари ва мухбир
аъзоларининг гонорарлари миқдори
Номи |
Бир ойлик гонорар миқдори |
|
1. Фанлар академиясининг ҳақиқий аъзоси (академик) |
Республикада белгиланган энг кам иш ҳақининг 10 баравари миқдорида |
|
2. Собиқ Ўзбекистон Қишлоқ хўжалиги фанлари академиясининг ҳақиқий аъзоси |
Республикада белгиланган энг кам иш ҳақининг 10 баравари миқдорида |
|
3. Собиқ Ўзбекистон Қишлоқ хўжалиги фанлари академиясининг мухбир аъзоси |
Республикада белгиланган энг кам иш ҳақининг 7 баравари миқдорида". |
Қонун ҳужжатлари маълумотлари миллий базаси (www.lex.uz),
2017 йил 19 октябрь
Бизнинг Facebook
Телеграм канали @uz_buxgalter
