Марказий банк Бошқарувининг 23.09.2017 й. 26/2-сон "Ўзбекистон Республикаси банкларида касса амалларининг бухгалтерия ҳисобини юритиш қоидаларига ўзгартириш ва қўшимчалар киритиш ҳақида"ги Қарори (АВ томонидан 23.10.2017 й. 1602-2-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

23.10.2017 й.

N 1602-2

ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИНИНГ

23.09.2017 й.

N 26/2

ҚАРОРИ

Ўзбекистон Республикаси банкларида касса

амалларининг бухгалтерия ҳисобини юритиш

қоидаларига ўзгартириш ва қўшимчалар

киритиш ҳақида

Ўзбекистон Республикасининг "Ўзбекистон Республикасининг Марказий банки тўғрисида"ги ва "Банклар ва банк фаолияти тўғрисида"ги қонунларига мувофиқ Ўзбекистон Республикаси Марказий банки Бошқаруви ҚАРОР ҚИЛАДИ:

1. Ўзбекистон Республикаси Марказий банки Бошқарувининг 2006 йил 15 июндаги 13/6-сон қарори (рўйхат рақами 1602, 2006 йил 24 июль) (Ўзбекистон Республикаси қонун ҳужжатлари тўплами, 2006 й., 30-сон, 299-модда) билан тасдиқланган Ўзбекистон Республикаси банкларида касса амалларининг бухгалтерия ҳисобини юритиш қоидаларига иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

Марказий банк Раиси                                         М. Нурмуратов

Қарорга

ИЛОВА

Ўзбекистон Республикаси банкларида касса

амалларининг бухгалтерия ҳисобини юритиш

қоидаларига киритилаётган ўзгартириш

ва қўшимчалар

1. 1-бандда:

қуйидаги мазмундаги ўттиз учинчи хатбоши билан тўлдирилсин:

"29896 - Бошқа мажбуриятлар";

ўттиз учинчи хатбоши ўттиз тўртинчи хатбоши деб ҳисоблансин.

2. 6-банд қуйидаги мазмундаги "в" кичик банд билан тўлдирилсин:

"в) инкассаторлар орқали йиғиб келинган инкассаторлик қопларидаги нақд пул бошқа ҳудудда жойлашган тижорат банки (филиали)нинг шу ҳудуддаги банк биносидан ташқарида жойлашган операцион кассасига тегишли бўлса:

Дебет 19903 - "Инкассо қилинган пул тушумлари ва чеклар"

Кредит 29896 - "Бошқа мажбуриятлар".

3. 10-банд қуйидаги мазмундаги хатбошилар билан тўлдирилсин:

"Агар банкнинг қайта санаш кассасида аниқланган ортиқча нақд пул маблағлари шу ҳудудда бош банки ёки филиали бўлмаган банк биносидан ташқарида жойлашган операцион кассасига тегишли бўлса, унда қуйидаги бухгалтерия ўтказмаси амалга оширилади:

Дебет 29816 - "Қайта санаш вақтида аниқланган ортиқча нақд пуллар"

Кредит 29896 - "Бошқа мажбуриятлар".

4. 13-банд қуйидаги мазмундаги хатбошилар билан тўлдирилсин:

"Агар банкнинг қайта санаш кассасида аниқланган камомад суммаси шу ҳудудда бош банки ёки филиали бўлмаган банк биносидан ташқарида жойлашган операцион кассасига тегишли бўлса ва у шартномада келишилган шартларга биноан ундириб олинганда, қуйидаги бухгалтерия ўтказмаси амалга оширилади:

Дебет 29896 - "Бошқа мажбуриятлар"

Кредит 19935 - "Қайта санаш вақтида аниқланган нақд пул бўйича камомадлар".

5. 14-банд қуйидаги мазмундаги хатбошилар билан тўлдирилсин:

"шу ҳудудда бош банки ёки филиали бўлмаган банк биносидан ташқарида жойлашган операцион кассасига тегишли бўлган нақд пул бўйича маблағлар қайта санаш кассасида санаб бўлингандан кейин, электрон мемориал ордер шакллантирилиб, вакиллик ҳисобварағидан шу куннинг ўзида электрон тўлов тизими орқали ўтказиб берилади ва қуйидаги бухгалтерия ўтказмаси амалга оширилади:

Дебет 29896 - "Бошқа мажбуриятлар"- нақд пулни қабул қилган тижорат банки (филиали)

Кредит 29896 - "Бошқа мажбуриятлар"- бошқа ҳудудда жойлашган тижорат банки (филиали)".

6. 15-банд қуйидаги мазмундаги хатбошилар билан тўлдирилсин:

"Бошқа ҳудудда жойлашган тижорат банки (филиали)га электрон тўлов тизими орқали маблағ келиб тушганда, дастурий йўл билан қуйидаги бухгалтерия ўтказмаси орқали кирим қилинади:

Дебет 29896 - "Бошқа мажбуриятлар" (16103 - "Бош банк/филиаллардан филиаллар ва банклараро ҳисоб-китоблар бўйича олинадиган маблағлар" ҳисобварағи орқали) - нақд пулни қабул қилган тижорат банки (филиали)

Кредит 29896 - "Бошқа мажбуриятлар"- бошқа ҳудудда жойлашган тижорат банки (филиали)".

7. IV боб қуйидаги мазмундаги 28-1-банд билан тўлдирилсин:

"28-1. Тижорат банкларига жисмоний шахслардан нақд чет эл валютасини сотиб олиш учун Марказий банк томонидан мадад пуллари беришда Тижорат банкларига жисмоний шахслардан нақд чет эл валютасини сотиб олиш учун Марказий банк томонидан мадад пуллари бериш тартиби тўғрисидаги низомда (рўйхат рақами 2912, 2017 йил 16 август) белгиланган бухгалтерия ўтказмалари амалга оширилади.".

8. 33-банд қуйидаги таҳрирда баён этилсин:

"33. Пул алмаштириш шохобчаси сотиб олинган хорижий валютанинг "09009" маълумотномасида кўрсатилган алоҳида ҳар бир хорижий валютадаги умумий суммасига:

Дебет 10103VVV - "Пул алмаштириш шохобчаларидаги нақд пуллар"

Кредит 17101VVV - "Валюта позицияси ҳисобварақлари".

9. 48-банд қуйидаги таҳрирда баён этилсин:

"48. 10109 - "Йўлдаги нақд пуллар ва бошқа тўлов ҳужжатлари" ҳисобварағи қолдиғи беркитилганда, қуйидаги бухгалтерия ўтказмаси амалга оширилади:

Дебет 10101 - "Айланма кассадаги нақд пуллар" ёки 29896 - "Бошқа мажбуриятлар"

Кредит 10109 - "Йўлдаги нақд пуллар ва бошқа тўлов ҳужжатлари".

Қонун ҳужжатлари маълумотлари миллий базаси (www.lex.uz),

2017 йил 23 октябрь

"Ўзбекистон Республикаси қонун ҳужжатлари тўплами",

2017 йил 30 октябрь, 43-сон, 1098-модда