Ташкилотни қайта тикланадиган манбалардан энергия ишлаб чиқариш қурилмалари тайёрлашга ихтисослашаётган ташкилот сифатида идентификациялаш механизми тўғрисида Низом (ЎзР ВМ 13.11.2017 й. 908-сон қарорига илова)

Вазирлар Маҳкамасининг

2017 йил 13 ноябрдаги

908-сон қарорига

ИЛОВА

Ташкилотни қайта тикланадиган

манбалардан энергия ишлаб чиқариш қурилмалари

тайёрлашга ихтисослашаётган ташкилот сифатида

идентификациялаш механизми тўғрисида

НИЗОМ

1-БОБ. УМУМИЙ ҚОИДАЛАР

1. Ушбу Низом ташкилотни қайта тикланадиган манбалардан энергия ишлаб чиқариш қурилмалари тайёрлашга ихтисослашаётган ташкилот сифатида идентификациялаш механизмини белгилайди.

2. Ушбу Низомда қуйидаги асосий тушунчалардан фойдаланилади:

қайта тикланадиган манбалардан энергия ишлаб чиқариш қурилмаси - қайта тикланадиган манбалардан электр, иссиқлик энергияси ёки биогаз ишлаб чиқариш учун мўлжалланган технологик ускуналар тўплами;

қайта тикланадиган энергия манбалари - ўз-ўзидан содир бўладиган табиий жараёнлар ҳисобидан узлуксиз қайта тикланадиган ва қуйидагиларни ўз ичига оладиган энергия манбалари: қуёш нури энергияси, шамол энергияси, сувнинг гидродинамик энергияси, геотермал энергия - тупроқ, ерости сувлари, дарёлар, сув ҳавзалари иссиқлиги, шунингдек, бирламчи энергия ресурсларининг антропоген манбалари - биомасса, биогаз ҳамда электр ва (ёки) иссиқлик энергияси ишлаб чиқариш учун фойдаланиладиган органик чиқиндилардан бошқа ёқилғи;

қайта тикланадиган манбалардан энергия ишлаб чиқариш қурилмалари тайёрлашга ихтисослашган ташкилот - қайта тикланадиган манбалардан энергия ишлаб чиқариш қурилмалари тайёрлайдиган ва бундай қурилмаларни сотишдан оладиган соф даромади улуши сотишдан тушадиган соф даромаднинг умумий ҳажмида ҳисобот солиқ даври якунлари бўйича камида 50 фоизни ташкил қиладиган юридик шахс;

ташкилотни қайта тикланадиган манбалардан энергия ишлаб чиқариш қурилмалари тайёрлашга ихтисослашган ташкилот сифатида идентификациялаш - ташкилотлар учун қонунчиликка мувофиқ назарда тутилган солиқ имтиёзларини қўллаш мақсадида давлат солиқ хизмати органи томонидан ташкилотни унинг йил якунлари бўйича солиқ ҳисоботи билан бирга тақдим этадиган маълумотнома-ҳисоб-китоб асосида аниқлаш.

2-БОБ. ИДЕНТИФИКАЦИЯЛАШ

УЧУН ЗАРУР ҲУЖЖАТЛАР

3. Имтиёзлардан фойдаланадиган ташкилот қайта тикланадиган манбалардан энергия ишлаб чиқариш қурилмалари тайёрлашга ихтисослашганини тасдиқлаш учун йил якунлари бўйича давлат солиқ хизмати органларига солиқ ҳисоботи билан бирга қайта тикланадиган манбалардан энергия ишлаб чиқариш қурилмалари тайёрлаш тўғрисида ушбу Низомга 1-иловага мувофиқ шаклда маълумотнома-ҳисоб-китоб ҳам тақдим этади.

4. Қайта тикланадиган манбалардан энергия ишлаб чиқариш қурилмалари тайёрлашга ихтисослашган ташкилотларга солиқ имтиёзлари давлат солиқ хизмати органлари томонидан идентификациялаш асосида берилади. Бунда ташкилотлар ушбу Низомга 2-иловага мувофиқ маълумотнома-ҳисоб-китобда қайта тикланадиган манбалардан энергия ишлаб чиқариш қурилмалари рўйхатини кўрсатади.

5. Агар ташкилот, ҳисобот йили якунлари бўйича тақдим этилган маълумотнома-ҳисоб-китобдан келиб чиққан ҳолда, солиқ имтиёзлари бериш учун белгиланган мезонларга мос келмаса (қайта тикланадиган манбалардан энергия ишлаб чиқариш қурилмалари тайёрлаш бўйича солиқ имтиёзлари берилган ихтисослаштирилган ташкилот ҳисобланмаса), солиқ имтиёзлари бекор қилинади ва унга нисбатан ушбу имтиёзларни Ўзбекистон Республикаси Давлат бюджетига тўлаш мажбуриятлари тикланади ҳамда белгиланган тартибда пеня ҳисобланади.

3-БОБ. СОЛИҚ ИМТИЁЗЛАРИНИ ҚЎЛЛАШ

6. Қайта тикланадиган манбалардан энергия ишлаб чиқариш қурилмалари тайёрлашга ихтисослашган ташкилот сифатида идентификацияланган ташкилотларга ушбу Низомга мувофиқ Ўзбекистон Республикасининг "Қайта тикланувчи энергия манбаларидан фойдаланиш тўғрисида"ги Қонунининг 14-моддасида назарда тутилган солиқ имтиёзлари берилади.

4-БОБ. ЯКУНЛОВЧИ ҚОИДАЛАР

7. Томонлар ўртасида ташкилотни қайта тикланадиган манбалардан энергия ишлаб чиқариш қурилмалари тайёрлашга ихтисослашган ташкилот сифатида идентификациялаш жараёнида пайдо бўладиган низолар қонун ҳужжатларида белгиланган тартибда ҳал этилади.

Давлат солиқ хизмати органлари низоларни ҳал этиш жараёнига ушбу соҳанинг тегишли мутахассислари ва экспертларини жалб қилиш ҳуқуқига эга.

8. Солиқ имтиёзларининг тўғри қўлланишини давлат солиқ хизмати органлари назорат қилади.

9. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Низомга

1-ИЛОВА

Йиллик солиқ ҳисоботи билан

бирга тақдим этилади

тақдим этилади.

____________ йилда қайта тикланадиган манбалардан энергия

ишлаб чиқариш қурилмалари тайёрлаш тўғрисида

МАЪЛУМОТНОМА-ҲИСОБ-КИТОБ

           

минг сўм

           

Низомга

2-ИЛОВА

Қайта тикланадиган манбалардан энергия

ишлаб чиқариш қурилмалари

РЎЙХАТИ

       

Қонун ҳужжатлари маълумотлари миллий базаси (www.lex.uz),

2017 йил 14 ноябрь