ЎзР Қонунлари

Ўзбекистон Республикаси Вазирлар Маҳкамасининг 28.08.2018 й. 692-сон "Фарғона вилоятининг Қўштепа туманида саноат, хизматлар соҳаси ва қишлоқ хўжалигини ривожлантириш орқали аҳоли бандлигини таъминлашга доир қўшимча чора-тадбирлар тўғрисида"ги Қарори

Ҳужжатнинг тўлиқ матни nrm.uz сайтида пуллик тариф фойдаланувчилари учун мавжуд. Саволлар бўйича 1172 қисқа рақамига қўнғироқ қилинг.

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

28.08.2018 й.

N 692

ФАРҒОНА ВИЛОЯТИНИНГ ҚЎШТЕПА

ТУМАНИДА САНОАТ, ХИЗМАТЛАР СОҲАСИ

ВА ҚИШЛОҚ ХЎЖАЛИГИНИ РИВОЖЛАНТИРИШ

ОРҚАЛИ АҲОЛИ БАНДЛИГИНИ ТАЪМИНЛАШГА

ДОИР ҚЎШИМЧА ЧОРА-ТАДБИРЛАР ТЎҒРИСИДА

Фарғона вилоятининг Қўштепа туманида ижтимоий-иқтисодий ислоҳотларни амалга ошириш, минтақани комплекс ривожлантиришни таъминлаш, аҳоли фаровонлигини ошириш, янги иш ўринлари ташкил этиш мақсадида Вазирлар Маҳкамаси ҚАРОР ҚИЛАДИ:

1. Қуйидагилар:

республика ишчи гуруҳи томонидан маҳаллаларни уйма-уй айланиб чиқиш, ижтимоий соҳа объектларига ва ишлаб чиқариш объектларига ташриф буюриш орқали Фарғона вилоятининг Қўштепа туманида ижтимоий-иқтисодий ислоҳотларни амалга ошириш комплекс ўрганиб чиқилгани;

Фарғона вилоятининг Қўштепа туманида амалга оширилаётган ижтимоий-иқтисодий ислоҳотларни ўрганиш якунлари бўйича маҳалла, туман ва вилоят даражаларида ҳал қилиниши талаб этиладиган тизимли муаммолар ва камчиликларни бартараф этишга йўналтирилган "йўл хариталари" ишлаб чиқилгани ва тасдиқлангани маълумот учун қабул қилинсин.

2. 2018-2020 йилларда Фарғона вилоятининг Қўштепа туманида кафолатли иш ўринлари ташкил этиш ҳамда саноат, хизматлар соҳаси ва қишлоқ хўжалигини ривожлантириш лойиҳаларининг манзилли рўйхати иловага мувофиқ тасдиқлансин.

3. Фарғона вилояти ҳокимлиги:

манфаатдор давлат ва хўжалик бошқаруви органлари, тижорат банклари, лойиҳаларнинг ташаббускорлари билан биргаликда тасдиқланган манзилли рўйхат параметрлари сўзсиз бажарилишини таъминласин ва бу борада инвестиция лойиҳаларининг ўз вақтида ва сифатли амалга оширилишини, ишлаб чиқаришнинг мўлжалланган ҳажмлари ўзлаштирилишини ва янги иш ўринлари ташкил этилишини назарда тутсин;

муаммоли масалаларни мунтазам равишда кўриб чиқиб, уларни ҳал этиш юзасидан тезкор ва амалий зарур чора-тадбирларни амалга оширган ҳолда, лойиҳалар бажарилиши юзасидан тизимли мониторинг олиб борсин.

4. Фарғона вилояти ҳокимлигига Ўзбекистон Республикаси Инвестициялар бўйича давлат қўмитаси ва хизмат кўрсатувчи тижорат банклари билан келишган ҳолда, лойиҳанинг қийматини ва иш ўринлари сонини сақлаб қолиш шарти билан лойиҳаларнинг тасдиқланган манзилли рўйхатига, заруратга кўра, ўзгартиришлар киритиш ҳуқуқи берилсин.

5. Фарғона вилояти ҳокимлиги, Ўзбекистон Республикаси Инвестициялар бўйича давлат қўмитаси, Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг "Сармазор Эшонгузар" массиви ҳудудида совутиш камералари, консигнация омборлари, қишлоқ хўжалиги маҳсулотларини қайта ишлаш, ўраб-жойлаштириш, уларни саралаш, сақлаш, техник хизмат кўрсатиш станцияси, меҳмонхона ва бошқа зарур инфратузилмани ўз ичига оладиган, умумий майдони 3,4 гектар бўлган автомобилларда юк ташиш учун логистика маркази ташкил этиш тўғрисидаги таклифи маъқуллансин.

6. Фарғона вилояти ҳокимлиги Ўзбекистон Республикаси Инвестициялар бўйича давлат қўмитаси билан биргаликда логистика маркази ташкил этиш бўйича лойиҳани 2019 йилнинг якунига қадар амалга ошириш учун салоҳиятли инвесторларни жалб этиш чора-тадбирларини кўрсин.

7. Ўзбекистон Республикаси Бандлик ва меҳнат муносабатлари вазирлиги Фарғона вилояти ҳокимлиги билан биргаликда Қўштепа туманида тажриба сифатида қуйидагиларни назарда тутувчи "500 нафар ишсизнинг бандлигини таъминлаш учун - 100 гектар" концепциясини амалга ошириш бўйича бир ой муддатда таклиф тайёрласин. Концепцияда:

суғорилмайдиган ер участкаларида тегишли инфратузилма, ирригация тизимлари яратилиши ва уларнинг, биринчи навбатда, чет элдан қайтиб келган меҳнат мигрантларига, олий ва ўрта махсус таълим муассасалари битирувчиларига, кам таъминланган оилаларнинг меҳнатга лаёқатли аъзоларига берилиши;

ушбу ер участкаларидан фойдаланувчилар Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасининг маблағлари ҳисобига моддий ресурслар ва қишлоқ хўжалиги техникаси билан таъминланган ҳолда ягона аграр-технологик сиёсат асосида қишлоқ хўжалиги ишлаб чиқариши ташкил этилиши назарда тутилсин.

8. Фарғона вилояти ҳокимлиги, тегишли секторларнинг раҳбарлари Фарғона вилоятининг Қўштепа туманида амалга оширилаётган ижтимоий-иқтисодий ислоҳотларни комплекс ўрганиш якунлари бўйича тасдиқланган "йўл хариталари"нинг сўзсиз бажарилиши юзасидан амалий назоратни таъминласинлар.

9. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари - "Ўзбекистон темир йўллари" АЖ бошқаруви раиси А.Ж. Раматов, Ўзбекистон Республикаси Бош вазирининг ўринбосари - молия вазири Ж.А. Қўчқоров ва Фарғона вилояти ҳокими Ш.М. Ғаниев зиммасига юклансин.

Ўзбекистон Республикасининг Бош вазири А. Арипов

Вазирлар Маҳкамасининг

2018 йил 28 августдаги

692-сон қарорига

ИЛОВА

2018-2019 йилларда Фарғона вилоятининг

Қўштепа туманида кафолатли иш ўринлари ташкил

этиш ҳамда саноат, хизматлар соҳаси ва қишлоқ

хўжалигини ривожлантириш лойиҳаларининг

МАНЗИЛЛИ РЎЙХАТИ

Т/р	Лойиҳанинг ташаббускори	Лойиҳанинг номи	Йиллик ишлаб чиқариш қуввати			Лойи- ҳанинг умумий қиймати, млн.сўм	шу жумладан:		Хизмат кўрсатувчи банк	Ишга тушириш муддати	Янги иш ўрни
Т/р	Лойиҳанинг ташаббускори	Лойиҳанинг номи	ўлчов бир- лиги	натурал қий- матда	млн. сўм	Лойи- ҳанинг умумий қиймати, млн.сўм	ўз маблағ- лари	тижорат банклари кредит- лари	Хизмат кўрсатувчи банк	Ишга тушириш муддати	Янги иш ўрни
Жами - 69 та лойиҳа					150 212	104 688	45 524	59 164			1 010
1.	Саноат лойиҳалари (жами - 20 та лойиҳа )				53 924	30 995	22 929	8 066			538
2.	Хизмат кўрсатиш лойиҳалари (жами - 25 та лойиҳа)				39 425	31 200	8 225	22 975			198
3.	Қишлоқ хўжалиги лойиҳалари (жами - 24 та лойиҳа)				56 863	42 493	14 370	28 123			274
I. САНОАТ ЛОЙИҲАЛАРИ
1.	"Crystall Fuyin Industries" МЧЖ	Музлатгичли совитиш камераларини ўз ичига олган логистика марказини ташкил этиш	тонна	500	5000	8 000	8 000		"Ўзмиллийбанк"	01.03.2019	75
2.	"Олимжон Фарм Медикал" МЧЖ	Замонавий технологиялар асосида спирт ишлаб чиқаришни ташкил этиш	минг дона	480	3800	1 660	1 660		"Халқ банки" АТБ	01.12.2018	32
3.	"Сардоба кўза пласт" ХК	Замонавий технологиялар асосида пластмасса маҳсулотлари ишлаб чиқаришни ташкил этиш	минг дона	500	1000	4 500	4 500		"Қишлоқ қурилиш банк" АТБ	01.12.2018	30
4.	"Униформ Плус" МЧЖ	Энерготежамкор технологиялар ёрдамида махсус кийимлар тайёрлашни ташкил этиш	минг дона	45	225	500	150	350	"Халқ банки" АТБ	01.10.2018	30
5.	"Зар Карбит Сервис" МЧЖ	Энерготежамкор технологиялар асосида ойнани қайта ишлашни ҳамда совитиш камераларини ташкил қилиш	тонна	400	1000	6 800	1 600	5 200	"Ўзмиллийбанк"	30.12.2018	25
6.	"Асадулло Аслиддин универсал сервис" ХК	"Шлакоблок" қурилиш материалини ишлаб чиқаришни ташкил этиш	минг дона	33	450	150	64	86	"Савдогарбанк" АТБ	01.10.2018	5
7.	"Дўрмонлик Чеварлар" Х/К	Тикувчилик маҳсулотлари ишлаб чиқаришни ташкил этиш	дона	700	750	800	300	500	"Агробанк" АТБ	01.10.2018	4
8.	"Шохона Нонн Азиз" Х/К	Нон ва нон маҳсулотлари ишлаб чиқаришни ташкил этиш	дона	1000	300	250	100	150	"Агробанк" АТБ	01.10.2018	6
9.	"Бунёдкорлик Файз Ривожи" ҚК МЧЖ	Эшик ва дераза ишлаб чиқаришни ташкил этиш	дона	800	500	300	100	200	"Агробанк" АТБ	01.10.2018	4
10.	"Курчиева Сожидахон Салимжоновна" ХК	Ҳунармандчилик маҳсулотлари ишлаб чиқаришни ташкил этиш	млн.сўм		500	80	55	25	"Халқ банки" АТБ	01.10.2018	3
11.	"Қодиров Рустамжон Саидкамолович" ХК	Ҳунармандчилик маҳсулотлари ишлаб чиқаришни ривожлантириш	млн.сўм		450	75	50	25	"Халқ банки" АТБ	01.10.2018	3
12.	"Мамадалиев Хожакбар Абдурахим уғли" ХК	Қандолат маҳсулотлари ишлаб чиқаришни ташкил этиш	тонна	10	230	280	150	130	"Халқ банки" АТБ	01.11.2018	5
13.	"Хуршидбек Савдо Файз" ХК	Қандолат ва нон маҳсулотлари ишлаб чиқаришни ташкил этиш	минг дона	20	800	1 100	600	500	"Асака банк" АТБ	01.05.2019	17
14.	'Юлдашев Толибжон" ХК	Эркаклар кийимлари ишлаб чиқаришни ташкил этиш	дона	500	600	150	50	100	"Асака банк" АТБ	01.12.2018	3
15.	"Уста Қаюм Қодиров" МЧЖ	Махсус кийимлар ишлаб чиқаришни ташкил этиш	минг дона	10	750	500	500		"Асака банк" АТБ	30.12.2018	15
16.	"Водий Наслли қуйнлари" МЧЖ	Пишган ғишт маҳсулотлари ишлаб чиқариш фаолиятини ташкил этиш	минг дона	1000	700	1 450	1 450		"Агробанк" АТБ	01.06.2019	50
17.	"Кимсанов Фаррух" ХК	Эшик ва дераза ишлаб чиқаришни ташкил этиш	дона	700	800	400	100	300	"Агробанк" АТБ	01.10.2018	3
18.	"Чимкент Султон Гиламлари" ХК	Гиламчилик саноатини кенгайтириш	дона	200	2000	2 500	2 000	500	"Саноатқурилишбанк" АТБ	10.12.2018	200
19.	"Водий Синатекс Лидер" ҚК МЧЖ	Пойабзал маҳсулотлари ишлаб чиқаришни ташкил этиш	минг дона	40	200	500	500		Хизмат кўрсатувчи Банк	01.12.2018	8
20.	"Амир Олимхон Орифбой" ХК	Колбаса ишлаб чиқариш	тонна	30	1000	1 000	1 000		Хизмат кўрсатувчи Банк	30.11.2018	20
Саноат соҳаси - 20 та лойиҳа					21 055	30 995	22 929	8 066			538
II. ХИЗМАТ КЎРСАТИШ ЛОЙИҲАЛАРИ
21.	"Шахноза Нурли Орзу" ХК	Нодавлат мактабгача таълим муассасасини ташкил этиш	дона	100	240	800	200	600	"Ўзмиллийбанк"	28.02.2019	15
22.	ЯТТ "Саидов Мансурхон"	Автомобилларга сервис хизмати ташкил этиш				120	70	50	"Агробанк" АТБ	01.09.2019	3
23.	"Келажагимиз болажонлари" МЧЖ	Нодавлат мактабгача таълим муассасасини ташкил этиш	дона	250	500	3 500	850	2 650	"Ўзмиллийбанк"	15.04.2019	17
24.	"Гофуров Комил Каримович" ХК	Савдо хизмати кўрсатишни ташкил этиш	млн.сўм	150	500	100	70	30	"Халқ банки" АТБ	01.10.2018	2
25.	"Хайдаров Тохиржон Хомидович" ХК	Савдо хизмати кўрсатишни ташкил этиш	млн.сўм	150	500	100	70	30	"Халқ банки" АТБ	01.10.2018	2
26.	"Dilraboxon вахт saodati" МЧЖ	Савдо хизмати кўрсатишни ташкил этиш	млн.сўм	150	500	350	150	200	"Халқ банки" АТБ	01.10.2018	4
27.	"Аббос ишонч қурилиш" ХК	Савдо хизмати кўрсатишни ташкил этиш	млн.сўм		1000	200	200		"Халқ банки" АТБ	01.12.2018	3
28.	"Fayz salqin savdo" МЧЖ	Савдо хизмати кўрсатишни ташкил этиш	млн.сўм		1	330	130	200	"Халқ банки" АТБ	01.10.2018	3
29.	ЯТТ "Қосимов Дилшод Файзуллаевич"	Савдо хизмати кўрсатишни ташкил этиш	млн.сўм			100	100		"Халқ банки" АТБ	01.12.2018	5
30.	ЯТТ "Хошимов Файзулло"	Савдо хизмати кўрсатишни ташкил этиш	млн.сўм			200	100	100	"Агробанк" АТБ	01.09.2019	3
31.	"Xosljonov Kamol1ddinjon №osir ogli" МЧЖ	Савдо хизмати кўрсатишни ташкил этиш	млн.сўм		560	90	60	30	"Халқ банки" АТБ	01.10.2018	3
32.	"New line production" МЧЖ	Савдо хизмати кўрсатишни ташкил этиш	млн.сўм			1 200	1 200		"Халқ банки" АТБ	01.03.2019	10
33.	"Ёқубов Ёрқинжон Мусаевич" ХК	Савдо хизмати кўрсатишни ташкил этиш	млн.сўм		500	100	75	25	"Халқ банки" АТБ	01.10.2018	3
34.	ЯТТ "Кимсанов Абдулатифхон Исоқхўжа ўғли"	Савдо хизмати кўрсатишни ташкил этиш	млн.сўм			250	150	10	"Агробанк" АТБ	01.09.2019	5
35.	ЯТТ "Қурбонов Отабек"	Автомобилларга сервис хизмати ташкил этиш	млн.сўм			200	100	100	"Агробанк" АТБ	01.09.2019	3
36.	"Гиштмон агротех" МЧЖ	Савдо хизмати кўрсатишни ташкил этиш	млн.сўм		320	350	150	200	"Халқ банки" АТБ	01.11.2018	7
37.	Фуқаро Юсупова Хавасхон	Хусусий мактабгача таълим муассасаси ташкил этиш				2 500	500	2 000	"Ўзмиллийбанк"	01.11.2018	12
38.	Фуқаро Рахматов Ойбек	Хусусий мактабгача таълим муассасаси ташкил этиш				2 500	500	2 000	"Ўзмиллийбанк"	01.10.2018	12
39.	Фуқаро Абдусатторова Дилфуза	Хусусий мактабгача таълим муассасаси ташкил этиш				1 800	300	1 500	"Ўзмиллийбанк"	01.10.2018	9
40.	Фуқаро Исмоилов Собиржон	Хусусий мактабгача таълим муассасаси ташкил этиш				3 000	500	2 500	"Ўзмиллийбанк"	01.10.2018	12
41.	Фуқаро Маманаазаров Фазлидин	Хусусий мактабгача таълим муассасаси ташкил этиш				2 500	500	2 000	"Ўзмиллийбанк"	01.10.2018	17
42.	Фуқаро Ғаниев Мухаммаджон	Хусусий мактабгача таълим муассасаси ташкил этиш				2 500	500	2 000	"Ўзмиллийбанк"	01.10.2018	12
43.	Фуқаро Хасанов Нодирбек	Хусусий мактабгача таълим муассасаси ташкил этиш				2 500	500	2 000	"Ўзмиллийбанк"	01.10.2018	12
44.	Фуқаро Рахмонов Дилшотбек	Хусусий мактабгача таълим муассасаси ташкил этиш				2 500	500	2 000	"Ўзмиллийбанк"	01.10.2018	12
45.	Фуқаро Мирзаалиев Абдусамаджон	Хусусий мактабгача таълим муассасаси ташкил этиш				3 500	750	2 750	"Ўзмиллийбанк"	01.10.2018	12
Хизматлар соҳаси жами - 25 та лойиҳа						31 290	8 225	22 975			198
III. ҚИШЛОҚ ХЎЖАЛИГИ ЛОЙИҲАЛАРИ
46.	"Фарғона наслли парранда" МЧЖ	Мавжуд паррандачилик комплексини кенгайтириш (Инкубатор)	минг бош	200	42500	24 000	5 000	16 000	"Саноатқурилишбанк" АТБ	30.06.2019	90
47.	"Шукуржон насл чорвалари" ДХ	Мавжуд чорвачилик комплексини кенгайтириш	бош	25	280	400	400		"Ўзмиллийбанк"	01.12.2018	2
48.	"Умид" МЧЖ	Замонавий паррандачилик комплексини ташкил этиш	минг бош	50	1400	2 000	500	1 500	"Саноатқурилишбанк" АТБ	01.12.2018	10
49.	"Quvonch baror savdo" МЧЖ	Экспортбоп қишлоқ ҳўжалиги маҳсулотларини етиштиришга мослаштирилган иссиқхона ташкил этиш	гектар	0,4	160	500	200	300	"Агробанк" АТБ	01.12.2018	3
50.	"Зироат Бахт" ФХ	Замонавий энергия тежамкор совитиш камераларини ташкил этиш	тонна	500	150	400	200	200	"Агробанк" АТБ	01.12.2018	2
51.	"Замин нурли ёғду" ФХ	Замонавий энерготежамкор совитиш камераларини ташкил этиш	тонна	520	500	150	50	100	"Агробанк" АТБ	01.09.2018	5
52.	"Al-Murtazo Mumtoz" ХК	Юқори унумли қишлоқ хўжалиги техникаси ташкил этиш	дона	1	1000	950	300	650	"Агробанк" АТБ	01.10.2018	5
53.	"Ферузбек нурли замин" ФХ	Қишлоқ хўжалиги маҳсулотларини қайта ишлашни ташкил этиш	дона	1	1000	700	400	300	"Агробанк" АТБ	01.10.2018	8
54.	"Агроном" ФХ	Қишлоқ хўжалиги маҳсулотларини қайта ишлашни ташкил этиш	дона	1	750	550	300	250	"Агробанк" АТБ	01.10.2018	7
55.	"Қўрғонча Машина Агро Сервис" МЧЖ	Қишлоқ хўжалиги маҳсулотларини қайта ишлашни ташкил этиш	дона	3	650	850	250	600	"Агробанк" АТБ	01.11.2019	5
56.	"Сармазор насл чорва" ДХ	Чорвачиликни ташкил этиш	тонна	200	200	1 500	500	1 000	"Халқ банки" АТБ	01.12.2018	10
57.	"Қўштепа кимё савдо саноат сервис" МЧЖ	Музлаткич ва қишлоқ хўжалиги маҳсулотларини сақлаш омборини ташкил этиш	тонна	220	250	2 000	500	1 500	"Халқ банки" АТБ	01.09.2019	14
58.	"Qo'rg'oncha nasl chorva" ДХ	Чорвачиликни ташкил этиш	бош	60	150	420	250	170	"Агробанк" АТБ	01.10.2018	10
59.	"Zzatullo fayz chorva" ДХ	Чорвачиликни ташкил этиш	бош	125	312,5	800	300	500	"Агробанк" АТБ	01.10.2019	16
60.	"Фахриддин Хожи" ФХ	Музлаткич ва қишлоқ хўжалиги маҳсулотларини сақлаш омборини ташкил этиш	тонна	200	350	800	500	300	"Агробанк" АТБ	01.10.2018	6
61.	"Канизахон нони барака" ҚК МЧЖ	Чорвачиликни ташкил этиш	млн.сўм	150	240,6	360	60	300	"Алоқабанк" АТБ	01.10.2018	3
62.	"Хalq farovon chorvasi" ДХ	Чорвачиликни ташкил этиш	бош	80	200	500	300	200	"Қишлоқ қурилиш банк" АТБ	01.10.2018	7
63.	"Қорақушчи Отабоев" ХК	Интенсив боғ ташкил этиш				200	200		"Халқ банки" АТБ	01.03.2019	10
64.	"Абдусаттор Рахимов Саховати" ДХ	Чорвачиликни ташкил этиш	тонна	200	500	1 000	600	400	"Қишлоқ қурилиш банк" АТБ	01.09.2018	8
65.	"Даври Tурсун" ФХ	Чорвачиликни ташкил этиш	тонна	450	1125	2 813	1 260	1 553	"Халқ банки" АТБ	01.12.2018	15
66.	"Акрамова Халимахон" ДХ	Чорвачиликни ташкил этиш	тонна	12	100	350	350		"Халқ банки" АТБ	01.03.2019	10
67.	"Олимбой хожи" ФХ	Чорвачиликни ташкил этиш	бош	99	1400	3 400	1 100	2 300	"Халқ банки" АТБ	01.10.2018	15
68.	"Мусаффо файз Оқшом" ФХ	Чорвачиликни ривожлантириш	бош	50	500	500	500		Хизмат кўрсатувчи Банк	01.12.2018	3
69.	"Саид Содикхон" ДХ	Чорвачиликни ташкил этиш	тонна	10	400	350	350		Хизмат кўрсатувчи Банк	01.12.2018	10
Қишлоқ хўжалиги соҳаси - 24 та лойиҳа						45 493	14 370	28 123			274

Қонун ҳужжатлари маълумотлари миллий базаси (www.lex.uz),

2018 йил 29 август