Ўзбекистон Республикаси Вазирлар Маҳкамасининг 13.03.2015 й. 60-сон "2015 йилда қишлоқ жойларда намунавий лойиҳалар бўйича якка тартибдаги уй-жой қурилиши дастури ва 2016 йилги қурилишнинг асосий параметрларини самарали амалга оширишни таъминлаш бўйича қўшимча чора-тадбирлар тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

13.03.2015 й.

N 60

Мазкур Қарор рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

2015 ЙИЛДА ҚИШЛОҚ ЖОЙЛАРДА НАМУНАВИЙ

ЛОЙИҲАЛАР БЎЙИЧА ЯККА ТАРТИБДАГИ УЙ-ЖОЙ

ҚУРИЛИШИ ДАСТУРИ ВА 2016 ЙИЛГИ ҚУРИЛИШНИНГ

АСОСИЙ ПАРАМЕТРЛАРИНИ САМАРАЛИ АМАЛГА

ОШИРИШНИ ТАЪМИНЛАШ БЎЙИЧА ҚЎШИМЧА

ЧОРА-ТАДБИРЛАР ТЎҒРИСИДА

Ўзбекистон Республикаси Президентининг 2015 йил 7 январдаги ПҚ-2282-сон "2015 йилда қишлоқ жойларда намунавий лойиҳалар бўйича якка тартибдаги уй-жой қурилиши дастури ва 2016 йилги қурилишнинг асосий параметрлари тўғрисида"ги қарори (кейинги ўринларда - Дастур) ижроси юзасидан Вазирлар Маҳкамаси ҚАРОР ҚИЛАДИ:

1. 2014 йил 27 октябрда Ўзбекистон Республикаси ва Ислом тараққиёт банки (кейинги ўринларда - ИТБ) ўртасида Истисна`а битими ҳамда "Қишлоқ жойларда уй-жой қурилишини ривожлантириш" лойиҳасини (кейинги ўринларда - ИТБ иштирокидаги лойиҳа) молиялаштириш учун 100,0 млн АҚШ доллари миқдоридаги молиявий маблағлар ажратилиши тўғрисида агентлик битими имзоланганлиги маълумот учун қабул қилинсин.

2. Қуйидагилар тасдиқлансин:

2015 йилда Осиё тараққиёт банки (кейинги ўринларда - ОТБ) маблағлари ҳисобидан молиялаштириш учун қишлоқ жойларда намунавий лойиҳалар бўйича қуриладиган якка тартибдаги уй-жойлар сонининг иштирок этувчи тижорат банклари ўртасида  тақсимланиши 1-иловага мувофиқ;

2015 йилда "Қишлоқ қурилиш банк" АТБ томонидан Ислом тараққиёт банки маблағлари ҳисобидан молиялаштириладиган қишлоқ жойларда намунавий лойиҳалар бўйича қуриладиган якка тартибдаги уй-жойлар сони 2-иловага мувофиқ.

3. Белгилаб қўйилсинки:

ИТБ иштирокидаги лойиҳа рўёбга чиқарилишини умумий мувофиқлаштириш ижро этувчи орган сифатида Ўзбекистон Республикаси Иқтисодиёт вазирлиги томонидан амалга оширилади;

"Қишлоқ қурилиш инвест" ИК МЧЖ ИТБ иштирокидаги лойиҳанинг умумий амалга оширилишига масъул бўлган ижрочи агент ҳисобланади;

"Қишлоқ қурилиш банк" АТБ ИТБ иштирокидаги лойиҳа доирасида ИТБ молиявий маблағларидан фойдаланилиши ва хизмат кўрсатилиши бўйича масъул бўлган молиявий агент ҳисобланади;

"Қишлоқ қурилиш банк" АТБ, Ўзбекистон Республикаси Ташқи иқтисодий фаолият миллий банки, "Ипотека банк" АТИБ (кейинги ўринларда - иштирок этувчи тижорат банклари) ва "Қишлоқ қурилиш инвест" ИК МЧЖ Осиё тараққиёт банки иштирокида "Қишлоқ жойларда уй-жой қурилишини ривожлантириш" лойиҳаси (кейинги ўринларда - ОТБ иштирокидаги лойиҳа) доирасида ОТБ қарзининг учинчи транши ҳисобидан "Ипотека кредитларини бериш учун кредит линиялари" компонентини амалга ошириш бўйича агентлар ҳисобланади.

4. Шундай тартиб белгилансинки, унга мувофиқ:

"Қишлоқ қурилиш инвест" ИК МЧЖ ИТБ номидан "тайёр ҳолда топшириш" шарти билан қишлоқ жойларда намунавий лойиҳалар бўйича якка тартибдаги уй-жойлар қурилиши ишларини ташкил қилади ва буюртмачи функциясини бажаради;

қуриб битказилган уй-жойлар якка тартибдаги уй қурувчилар мулкига ўтказилгунга қадар уларга бўлган мулк ҳуқуқи ИТБда сақланиб қолади;

ИТБ маблағлари ҳисобидан қурилиши тугалланган уй-жойлар "Қишлоқ қурилиш банк" АТБ билан ипотека тўғрисидаги шартномаларни расмийлаштириш орқали аҳолига сотилади;

якка тартибдаги иморат қурувчиларга ер участкасининг ажратилиши Ўзбекистон Республикаси Президентининг 2012 йил 11 январдаги ПҚ-1683-сон "Осиё тараққиёт банки иштирокида "Қ