ЎзР Қонунлари

Ўзбекистон Республикаси Президентининг 06.11.2018 й. ПҚ-4005-сон "Балиқчилик соҳасини янада ривожлантиришга доир қўшимча чора-тадбирлар тўғрисида"ги Қарори

Ҳужжатнинг тўлиқ матни nrm.uz сайтида пуллик тариф фойдаланувчилари учун мавжуд. Саволлар бўйича 1172 қисқа рақамига қўнғироқ қилинг.

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

06.11.2018 й.

N ПҚ-4005

БАЛИҚЧИЛИК СОҲАСИНИ ЯНАДА

РИВОЖЛАНТИРИШГА ДОИР ҚЎШИМЧА

ЧОРА-ТАДБИРЛАР ТЎҒРИСИДА

Республикада балиқчилик тармоғини жадал ривожлантириш, балиқ маҳсулотлари ишлаб чиқаришнинг замонавий ва инновацион услубларини жорий этган ҳолда ҳажмларини ошириш, соҳани тартибга солиш бўйича бир қатор қонун ҳужжатлари қабул қилиниб, уларнинг ижросини сифатли ва пухта таъминлаш чоралари кўрилмоқда.

Шу билан бирга, интенсив усулда балиқ етиштириш бўйича ишларга етарли даражада эътибор қаратилмаяпти, ҳудудларда балиқчилик тармоғини ривожлантиришда юзага келаётган муаммоларни ҳал этиш, балиқчилик хўжаликларини қўллаб-қувватлаш борасида олиб борилаётган ишлар етарли даражада эмас.

Балиқчилик хўжаликларига бириктирилган сув ҳавза майдонларидан илмий ёндашув асосида самарали фойдаланиш, уларнинг мелиоратив ҳолатини яхшилаш, шунингдек, ресурс тежамкор технологиялар ва инновацияларни кенг кўламда жорий қилиш ишларига етарлича эътибор берилмаяпти.

Сунъий сув ҳавзалари ҳосилдорлигини ошириш учун балиқчилик хўжаликларининг минерал ўғитларга бўлган талаби тўлиқ қондирилмаяпти. Шунингдек, минерал ўғитни бошқа муқобил ўғитлар билан алмаштириш бўйича илмий-тадқиқот ишларини олиб бориш йўлга қўйилмаган.

Балиқни интенсив усулда етиштириш, овлаш ва қайта ишлаш учун зарур асбоб-ускуна, анжом ва механизмларни маҳаллий ишлаб чиқариш йўлга қўйилмаган. Бунинг оқибатида кўплаб тадбиркорлар вақт ва маблағини ортиқча сарфлаб, уларни чет элдан харид қилмоқда.

Балиқчилик соҳасига тўғридан-тўғри хорижий инвестицияларни киритиш ишлари лозим даражада ташкил этилмаган, бу борада хорижий давлатлар ва ташкилотлар билан самарали, ўзаро манфаатли ҳамкорлик йўлга қўйилмаган.

Республикада интенсив усулда балиқ етиштиришни босқичма-босқич йўлга қўйиш ва рағбатлантириш, мавжуд сув ресурсларидан самарали фойдаланиш, соҳага инновацион ғоялар, илмий ишланмалар, замонавий технологиялар ва илм-фан ютуқларини кенг кўламда жорий қилиш, балиқчилик тармоғини янада қўллаб-қувватлаш мақсадида:

1. Ўзбекистон Республикаси Қишлоқ хўжалиги вазирлиги, Сув хўжалиги вазирлиги, "Ўзбекбалиқсаноат" уюшмаси ҳамда Қорақалпоғистон Республикаси Вазирлар Кенгаши ва вилоятлар ҳокимликларининг узлуксиз сув таъминлаш имконияти бўлган сунъий сув ҳавза майдонлари мавжуд бўлган балиқчилик хўжаликларини босқичма-босқич интенсив усулда балиқ етиштиришга ихтисослаштириш тўғрисидаги таклифи қабул қилинсин.

2. Ўзбекистон Республикаси Қишлоқ хўжалиги вазирлиги, Иқтисодиёт вазирлиги, Давлат солиқ қўмитаси, "Ўзбекбалиқсаноат" уюшмаси, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда ишлаб чиқилган 2019 йилда республикада:

балиқ етиштириш ва овлаш прогноз параметрлари 1 ва 1а-иловаларга мувофиқ;

балиқ етиштириш иншоотлари ва қурилмаларини барпо этишнинг прогноз параметрлари 2-иловага мувофиқ;

балиқчилик хўжаликларига омихта ем ва минерал ўғит (аммофос) етказиб беришнинг прогноз параметрлари 3-иловага мувофиқ;

репродуктор ҳовузларни ташкил этиш, балиқ чавоқлари етиштириш, балиқ маҳсулотларини қайта ишлаш ва сақлаш қувватларини ишга туширишнинг прогноз параметрлари 4-иловага мувофиқ тасдиқлансин.

Қорақалпоғистон Республикаси Вазирлар Кенгаши ва вилоятлар ҳокимликлари бир ой муддатда Ўзбекистон Республикаси Қишлоқ хўжалиги вазирлиги, "Ўзбекбалиқсаноат" уюшмаси ва "Ипотека банк" АТИБ билан биргаликда ушбу қарорга асосан ўрнатилган прогноз параметрларининг ижросини таъминлаш юзасидан туманлар ва балиқчилик хўжаликлари кесимида манзилли чора-тадбирлар дастурларини ишлаб чиқиб тасдиқласин, уларнинг самарали ва тўлиқ ижроси юзасидан тизимли мониторинг ўрнатсин.

3. Ўзбекистон Республикаси Тикланиш ва тараққиёт жамғармасининг (кейинги ўринларда - Жамғарма) маблағлари ҳисобидан эквиваленти 50 миллион АҚШ доллари миқдорида "Ипотека банк" АТИБнинг устав капиталидаги давлат улуши оширилсин.

Белгилансинки, "Ипотека банк" АТИБ устав капиталига йўналтириладиган Жамғарма маблағлари Ўзбекистон Республикаси Президентининг 2017 йил 6 январдаги ПҚ-2718-сон "Озиқ-овқат, чарм-пойабзал ва фармацевтика саноатида инвестиция лойиҳаларини молиялаштириш манбаларини кенгайтириш чора-тадбирлари тўғрисида"ги қ арорига мувофиқ "Ўзсаноатқурилишбанк" АТБ томонидан очилган кредит линияси маблағлари ҳисобидан ажратилади.

Жамғарма уч ой муддатда ушбу бандда кўрсатилган маблағларни "Ипотека банк" АТИБ устав капиталига ўтказиб берилишини таъминласин.

Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ўрнатилган тартибда "Ипотека банк" АТИБ томонидан чиқариладиган акцияларни рўйхатдан ўтказилишини таъминласин.

4. Белгилаб қўйилсинки:

"Ипотека банк" АТИБ устав капиталига киритилаётган эквиваленти 50 миллион АҚШ доллари миқдоридаги Жамғарманинг валюта маблағларидан зарурат бўлганда балиқчиликни ривожлантириш соҳасидаги лойиҳаларни молиялаштириш учун фойдаланилади;

"Ипотека банк" АТИБ балиқчилик соҳасини ривожлантиришни молиялаштириш учун тақдим этилган лойиҳаларни чуқур таҳлиллар асосида рентабеллик, самарадорлик ва пул оқимларининг кредит ҳамда улар бўйича фоизларни ўз вақтида қайтаришни таъминлайдиган лойиҳаларнинг кредитланишини амалга оширади.

6. Ўзбекистон Республикаси Молия вазирлиги ҳар йили 15 миллион АҚШ доллари эквиваленти миқдоридаги маблағларни 2019-2020 йиллар давомида тегишли йилнинг 1 февралига қадар балиқчилик лойиҳаларини молиялаштириш мақсадида Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармасига ўтказиб берсин.

7. Қишлоқ хўжалиги вазирлиги, Иқтисодиёт вазирлиги, "Ўзбекбалиқсаноат" уюшмаси, "Ипотека банк" АТИБ, Қорақалпоғистон Республикаси Вазирлар Кенгаши ва вилоятлар ҳокимликларининг балиқчилик соҳасида тўлиқ тизимли (инкубация цехи, чавоқ ва товар балиқ етиштириш, юқори оқсилга бой балиқ еми, қайта ишлаш ва сақлаш) ишлаб чиқаришга ихтисослаштирилган балиқчилик кластерларини ташкил этиш тўғрисидаги таклифи маъқуллансин.

Қишлоқ хўжалиги вазирлиги Сув хўжалиги вазирлиги, Иқтисодиёт вазирлиги, "Ўзбекбалиқсаноат" уюшмаси, "Ипотека банк" АТИБ, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда 2019 йил 1 февралга қадар муддатда салоҳиятли тадбиркорлик субъектларини, молиялаштириш манбалари ҳамда ер майдонларини аниқлаб, 2019-2021 йилларда балиқчилик кластерларини ташкил этишнинг манзилли дастури лойиҳасини тасдиқлаш учун Ўзбекистон Республикаси Вазирлар Маҳкамасига киритсин.

8. "Ўзэлтехсаноат" АК Ўзбекистон Республикаси Иқтисодиёт вазирлиги ва Қишлоқ хўжалиги вазирлиги билан биргаликда икки ой муддатда балиқни интенсив усулда етиштириш, овлаш ва қайта ишлаш учун зарур бўладиган асбоб-ускуна, жиҳоз ва механизмлар ишлаб чиқаришни 2019 йил якунига қадар маҳаллийлаштириш чораларини кўрсин.

Ўзбекистон Республикаси Инвестициялар ва ташқи савдо вазирлиги республикада балиқни интенсив усулда етиштириш, овлаш ва қайта ишлаш учун зарур бўладиган асбоб-ускуна, жиҳоз ва механизмларни ишлаб чиқиш мақсадида "Ўзэлтехсаноат" АК томонидан тақдим этилган лойиҳа ҳужжатларига асосан хорижий инвесторларни жалб этсин.

9. 2021 йил 1 ноябрга қадар муддатда:

наслли она балиқ, балиқ увилдириғи, шунингдек, республикада ишлаб чиқарилмайдиган инкубация, лаборатория, интенсив усулда балиқ етиштириш, балиқ овлаш, балиқ маҳсулотларини қайта ишлаш, музлатиш ва сақлаш учун зарур бўладиган асбоб-ускуна, анжом, механизмларни ва уларнинг эҳтиёт қисмлари, муқобил энергия таъминоти ускуналари, мелиорация ишлари учун махсус техникалар ва тирик балиқ ташувчи транспорт воситалари;

чет эл ташкилотлари ва унинг шўъба корхоналари, фирма дўконлари, дилерлик тармоқлари ва тадбиркорлик субъектлари томонидан балиқчилик хўжаликлари эҳтиёжи учун четдан келтирадиган омухта ем ва минерал ўғит (аммофос) ўрнатилган тартибда шакллантириладиган рўйхат бўйича божхона тўловларидан (қўшилган қиймат солиғи ва божхона расмийлаштируви йиғимларидан ташқари) озод этилади.

10. "Ўзкимёсаноат" АЖ балиқчилиқ хўжаликларига талаб қилинадиган 30,7 минг тонна минерал ўғит (аммофос)нинг 2019 йил давомида ишлаб чиқарилиши ва биржа савдоларига қўйиб борилишини таъминласин.

11. Ўзбекистон Республикаси Сув хўжалиги вазирлиги 2019 йил 1 апрелга қадар муддатда прогнозлаштирилган сув миқдоридан келиб чиқиб, ўрнатилган тартибда фаолият юритаётган балиқчилик хўжаликлари билан сувдан фойдаланиш бўйича шартнома тузилишини ва балиқчилик хўжаликлари учун белгиланган сув миқдорининг кафолатли етказиб берилишини таъминласин.

Сув танқислиги шароитида балиқчилик хўжаликлари томонидан сунъий сув ҳавзаларига бошқа манбалардан қўшимча сув олиб келиш чоралари кўрилади ҳамда мазкур ишлар балиқчилик хўжаликларининг ўз маблағлари ҳисобидан амалга оширилади.

12. Белгилаб қўйилсинки, янгидан ташкил этиладиган сунъий сув ҳавзаларида балиқ етиштириш лойиҳаларига ер участкалари:

фақатгина интенсив усул ва ресурс тежамкор технологиялар қўлланганда;

сув билан кафолатли таъминлаш ва ерларнинг мелиоратив ҳолатига салбий таъсири йўқлиги бўйича Ўзбекистон Республикаси Сув хўжалиги вазирлигининг хулосаси асосида ажратилади.

13. Балиқчилик хўжаликларининг сунъий сув ҳавза майдонлари ва ички канал, коллектор ва дренажлардаги мелиорация ва чуқурлаштириш ишлари Ўзбекистон Республикаси Сув хўжалиги вазирлиги тизимидаги ихтисослаштирилган ташкилотлар томонидан амалга оширилади.

Белгилансинки:

балиқчилик хўжаликлари сунъий сув ҳавза майдонларида ички канал, мелиорация ва чуқурлаштириш бўйича бажариладиган ишлар балиқчилик хўжаликларининг ўз маблағлари;

барча коллектор ва дренажларда мелиорация бўйича бажариладиган ишлар Вазирлар Маҳкамаси ҳузуридаги Суғориладиган ерларнинг мелиоратив ҳолатини яхшилаш жамғармаси маблағлари ҳисобидан амалга оширилади.

14. Ўзбекистон Республикаси Фанлар академияси:

"Ўзбекбалиқсаноат" уюшмаси билан биргаликда бир ой муддатда балиқчилик соҳасида илм-фан ва ишлаб чиқариш интеграциясини янада кучайтириш мақсадида узвий ҳамкорликни йўлга қўйсин, балиқчилик соҳасида мавжуд муаммоларни бартараф этиш бўйича "йўл харитаси" ишлаб чиқилишини;

Ўзбекистон Республикаси Қишлоқ хўжалиги вазирлиги ва "Ўзбекбалиқсаноат" уюшмаси билан биргаликда икки ой муддатда балиқчилик соҳаси ривожланган хорижий давлатларнинг илғор ва замонавий технологиялари асосида сунъий сув ҳавза майдонларида интенсив усулда балиқ етиштиришни ташкил этиш бўйича услубий тавсиялар ва намунавий лойиҳалар ишлаб чиқилиб жойларга етказилишини;

"Ўзкимёсаноат" АЖ билан биргаликда сунъий сув ҳавзаларида балиқ етиштириш ҳосилдорлигини ошириш учун сарфланадиган минерал ўғитни (аммофос) бошқа муқобил ўғит билан алмаштириш бўйича илмий асосланган тавсиялар ишлаб чиқиш, улар ҳақида балиқчилик хўжаликларига тушунтириш ишларини ташкиллаштирсин.

15. "Ўзбекбалиқсаноат" уюшмаси Балиқчилик илмий-тадқиқот институтининг илм-фан соҳасини ривожлантириш, инновацион ғоялар, илмий ишланмалар, замонавий технологияларни ишлаб чиқиш ва амалиётга жорий этиш мақсадида 2019 йилда уюшманинг Балиқчиликни ривожлантириш жамғармаси ҳисобидан 1 миллиард сўм йўналтирсин.

16. "Ўзбекбалиқсаноат" уюшмасининг илм-фан ва инновацион технологияларни жорий этиш ҳамда янги турдаги балиқларни маҳаллийлаштириш масалалари бўйича раис ўринбосари лавозимини жорий этиш тўғрисидаги таклифи маъқуллансин.

"Ўзбекбалиқсаноат" уюшмаси Қишлоқ хўжалиги вазирлиги билан биргаликда инновацион ғоялар, илмий ишланмалар, замонавий технологиялар ва илм-фан ютуқларини балиқ етиштириш ва уни қайта ишлаш тармоғига йўналтириш самарадорлигини ошириш мақсадида янгидан жорий этилган лавозимга чет эллик мутахассисни жалб қилиш чораларини кўрсин.

17. Ўзбекистон Республикаси Инновацион ривожланиш вазирлиги фундаментал, амалий ҳамда инновацион тадқиқотлар давлат илмий-техник дастурларини шакллантиришда балиқчилик ташкилотлари сув ҳавза ер участкаларидан самарали фойдаланиш бўйича инновацион ишланмалар ва замонавий технологиялар ишлаб чиқилишини назарда тутувчи илмий лойиҳалар киритилишини таъминласин.

18. Белгилансинки, Ўзбекистон Республикаси Президентининг 2018 йил 26 апрелдаги "Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида"ги ПҚ-3680-сон қарори 3-бандининг иккинчи хатбошиси "Ўзбекбалиқсаноат" уюшмасининг аъзолари бўлган балиқчилик фермер хўжаликларига нисбатан татбиқ этилмайди.

19. Ўзбекистон Республикаси Вазирлар Маҳкамаси Қишлоқ хўжалиги вазирлиги, Молия вазирлиги, Давлат солиқ қўмитаси, "Ўзбекбалиқсаноат" уюшмаси билан биргаликда икки ой муддатда балиқчилиқ хўжаликларига сунъий сув ҳавза майдонларида етиштирилган балиқ ҳосилдорлигидан келиб чиқиб, шунингдек, бу соҳадаги илғор хорижий тажрибани инобатга олган ҳолда табақалаштирилган ягона ер солиғи ставкаларини қўллаш бўйича таклиф киритсин.

20. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ой муддатда:

деҳқон бозорлари ва аҳоли гавжум бўлган ҳудудларда балиқ сотишни ташкил этиш учун аквариумлар ўрнатилиши ва ихтисослашган савдо нуқталари ташкил этилиши бўйича манзилли дастурларни тасдиқласин;

балиқчилик соҳасига тўғридан-тўғри хорижий инвестицияларни жалб этиш мақсадида инвестиция лойиҳаларининг рўйхатини пухта ишлаб чиқиб, хорижий ҳамкорларни жалб этиш учун Ўзбекистон Республикаси Ташқи ишлар вазирлиги, Инвестициялар бўйича давлат қўмитаси ва "Ипотека банк" АТИБга тақдим этсин.

21. Ўзбекистон Республикаси Қишлоқ хўжалиги вазирлиги, Ички ишлар вазирлиги, Сув хўжалиги вазирлиги, Иқтисодий тараққиёт ва камбағалликни қисқартириш вазирлиги, Давлат статистика қўмитаси, Давлат солиқ қўмитаси, Давлат божхона қўмитаси, Экология ва атроф-муҳитни муҳофаза қилиш давлат қўмитаси, "Ўзбекчорванасл" агентлиги, бошқа вазирлик ва идоралар "Ўзбекбалиқсаноат" уюшмасига мазкур қарор ва бошқа қонун ҳужжатлари билан юклатилган вазифаларнинг сифатли ва ўз вақтида бажарилиши учун ҳар томонлама амалий ёрдам кўрсатсин.

23. Мамлакатда аккредитациядан ўтган дипломатик ваколатхоналар, хорижий туристлар, турли мамлакатларнинг балиқчилик соҳаси вакиллари, эксперт ва мутахассисларни кенг жалб қилган ҳолда 2019 йилдан бошлаб ҳар йили ноябрь ойида балиқчиликка оид кўргазма ўтказиш амалиёти жорий қилинсин.

24. Ўзбекистон Республикаси Бош вазирининг ўринбосари - инвестициялар ва ташқи савдо вазири - С.Ў. Умурзаковга - ҳудудларнинг балиқчиликни ривожлантириш бўйича инвестиция лойиҳаларини молиялаштириш учун салоҳиятли инвесторларни излаш, балиқчилик соҳасига инвестицияларни жалб қилиш, жалб қилинаётган маблағларнинг ўз вақтида ўзлаштирилишини таъминлаш, шунингдек, Комиссиянинг самарали фаолиятини ташкил этиш;

Қорақалпоғистон Республикаси Вазирлар Кенгаши Раиси ва вилоятлар ҳокимларига - қарор билан тасдиқланган прогноз параметрларининг ижросини таъминлаш юзасидан туманлар ва балиқчилик хўжаликлари кесимида манзилли чора-тадбирлар дастурларини ўз вақтида ишлаб чиқиб, тасдиқлаш ва уларнинг ижроси устидан доимий назорат олиб бориш;

Ўзбекистон Республикаси Бош вазирининг ўринбосари - молия вазири Ж.А. Қўчқоровга - мазкур қарорда белгиланган бюджетдан молиялаштириш тадбирлари учун маблағларнинг ўз вақтида ва тўлиқ ажратилиши;

Ўзбекистон Республикаси Ветеринария ва чорвачиликни ривожлантириш давлат қўмитаси раиси Б.Т.Норқобиловга - мазкур қарор билан тасдиқланган прогноз кўрсаткичлар ижроси устидан хўжаликлар кесимида мониторинг тизими ўрнатилиши ва уларнинг ҳисоботи юритилиши, балиқчилик кластерларининг фаолияти ташкил этилиши ҳамда уларга ҳар томонлама ёрдам кўрсатилиши;

Ўзбекистон Республикаси сув хўжалиги вазири Ш.Р. Хамраевга - балиқчилик хўжаликлари билан сувдан фойдаланиш бўйича шартнома тузилиши ва уларга белгиланган сув миқдори кафолатли етказиб берилиши;

Ўзбекистон Республикаси Экология ва атроф-муҳитни муҳофаза қилиш давлат қўмитаси раиси Б.Т. Кучкаровга - табиий сув ҳавзаларини балиқлантириш ишлари, балиқ ресурслари муҳофаза қилиниши ва улардан оқилона фойдаланилиши ҳамда балиқ овлаш қоидаларига риоя этилиши устидан тизимли назорат ўрнатиш;

"Ўзкимёсаноат" АЖ раиси А.А. Абдуллаевга - минерал ўғит (аммофос)нинг вегетатив мавсумда белгиланган миқдорда биржа савдоларига чиқарилиши;

"Ўзэлтехсаноат" АК раиси А.А. Абдуллаевга - балиқни интенсив усулда етиштириш, овлаш ва қайта ишлаш учун анжом, асбоб-ускуна ва механизмларнинг республикада ишлаб чиқарилишини ташкил этиш юзасидан шахсий жавобгарлик юклансин.

25. Ўзбекистон Миллий ахборот агентлиги ва Ўзбекистон Миллий телерадиокомпаниясига Ўзбекистон Республикаси Қишлоқ хўжалиги вазирлиги ва "Ўзбекбалиқсаноат" уюшмаси билан биргаликда балиқчилик соҳасида амалга оширилаётган ислоҳотларни оммавий ахборот воситаларида мунтазам ёритиб бориш тавсия этилсин.

26. Ўзбекистон Республикаси Президентининг 2017 йил 1 майдаги "Балиқчилик тармоғини бошқариш тизимини такомиллаштириш чора-тадбирлари тўғрисида"ги ПҚ-2939-сон қ арорига 6-иловага мувофиқ ўзгартишлар киритилсин.

27. Ўзбекистон Республикаси Қишлоқ хўжалиги вазирлиги Бош прокуратура, Ички ишлар вазирлиги ва бошқа манфаатдор идоралар билан биргаликда икки ой муддатда Вазирлар Маҳкамасига қуйидагилар бўйича таклифлар киритсин:

тегишли рухсати бўлмай туриб ёки тақиқланган жойларда ёхуд тақиқланган муддатларда, тақиқланган қуроллар ёки усуллар билан балиқ тутганлик, шунингдек, балиқ тутишнинг бошқа қоидаларини бузганлик учун жавобгарликни янада кучайтириш тўғрисида;

қонун ҳужжатларига мазкур қарордан келиб чиқадиган ўзгартиш ва қўшимчалар киритиш тўғрисида.

28. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Бош прокурори О.Б. Муродов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.

Ўзбекистон Республикаси Президенти Ш. Мирзиёев

Ўзбекистон Республикаси

Президентининг

2018 йил 6 ноябрдаги

ПҚ-4005-сон қарорига

1-ИЛОВА

2019 йилда балиқ етиштириш ва овлаш

ПРОГНОЗ ПАРАМЕТРЛАРИ

Ҳудудлар	Жами балиқ етиштириш ва овлаш ҳажми (тонна)	Шундан
		Сунъий сув ҳавзаларда			Табиий ҳавза ва сув омборларида	Қафас (садок) мосламасида	Интенсив усулда кичик сув ҳавзаларида	Ёпиқ сув айланма тизими (УЗВ)да
		жами	шундан
		жами	экстенсив	ярим интенсив
Қорақалпоғистон Республикаси	15 000	5 250	4 200	1 050	8 000	300	850	600
Андижон вилояти	12 000	8 952	7 446	1 506	-	-	2 548	500
Бухоро вилояти	9 100	4 085	3 695	390	3 365	450	600	600
Жиззах вилояти	9 910	8 040	7 200	840	250	750	570	300
Қашқадарё вилояти	12 000	6 885	5 785	1 100	1 700	900	2 115	400
Навоий вилояти	13 000	4 030	2 830	1 200	3 000	4 500	1 170	300
Наманган вилояти	15 000	8 955	6 195	2 760	300	1 500	3 645	600
Самарқанд вилояти	12 000	3 905	2 639	1 266	1 100	1 245	5 410	340
Сирдарё вилояти	19 500	18 490	16 810	1 680	600	-	110	300
Сурхондарё вилояти	7 000	3 497	3 005	492	753	900	1 000	850
Тошкент вилояти	21 500	16 860	15 072	1 788	300	1 200	1 540	1 600
Фарғона вилояти	20 000	12 065	10 223	1 842	500	3 000	3 495	940
Хоразм вилояти	16 000	13 305	11 842	1 463	1 000	-	1 025	670
Айдар-Арнасой кўллари	19 490	-	-	-	17 330	2 160	-	-
Жами	201 500	114 319	96 942	17 377	38 198	16 905	24 078	8 000

Ўзбекистон Республикаси

Президентининг

2018 йил 6 ноябрдаги

ПҚ-4005-сон қарорига

1а-ИЛОВА

2019 йилда балиқ етиштириш ва овлаш

ПРОГНОЗ ПАРАМЕТРЛАРИ

Ҳудудлар	Жами балиқ етиштириш ва овлаш ҳажми(тонна)	Шундан
		Сунъий сув ҳавзаларда			Табиий ҳавза ва сув омборларида	Қафас (садок) мосламасида	Интенсив усулда кичик сув ҳавзаларда	Ёпиқ сув айланма тизими (УЗВ)да
		жами	шундан
		жами	экстенсив	ярим интенсив
Республика бўйича	201 500	114 319	96 942	17 377	38 198	16 905	24 078	8 000
Қорақалпоғистон Республикаси	15 000	5 250	4 200	1 050	8 000	300	850	600
шундан
Амударё тумани	567	499	499		18		50
Беруний тумани	422	314	290	24	8		100
Кегейли тумани	607	237	237		20		50	300
Қонликўл тумани	267	217	211	6			50
Қораўзак тумани	128	37	37		41		50
Қўнғирот тумани	987	412	388	24	525		50
Мўйноқ тумани	6 990	355	355		6 585		50
Нукус тумани	1 153	750	696	54	3		100	300
Тахиатош тумани	58	5	5		3		50
Тахтакўпир тумани	1 339	499	199	300	490	300	50
Тўрткўл тумани	1 133	1 028	416	612	55		50
Хўжайли тумани	220	166	166		4		50
Чимбой тумани	282	232	208	24			50
Шўманай тумани	158	105	105		3		50
Элликқалъа тумани	689	394	388	6	245		50
Андижон вилояти	12 000	8 952	7 446	1 506			2548	500
шундан
Андижон тумани	122	72	72				50
Асака тумани	220	70	70				150
Балиқчи тумани	350	250	238	12			100
Бўз тумани	124	116	92	24			8
Булоқбоши тумани	86	36	36				50
Жалолқудуқ тумани	206	56	56				150
Избоскан тумани	659	59	53	6			600
Қўрғонтепа тумани	446	96	90	6			50	300
Марҳамат тумани	600	50	50				400	150
Олтинкўл тумани	493	143	143				350
Пахтаобод тумани	72	22	22				50
Улуғнор тумани	8 120	7 620	6 174	1 446			500
Хўжаобод тумани	230	180	168	12			50
Шаҳрихон тумани	272	182	182				40	50
Бухоро вилояти	9 100	4 085	3 695	390	3 365	450	600	600
шундан
Бухоро шаҳри	8	8	8
Бухоро тумани	1 184	834	684	150			200	150
Вобкент тумани	312	312	312
Ғиждувон тумани	1 504	128	116	12	926	150		300
Жондор тумани	89	89	89
Когон тумани	1078	628	598	30			300	150
Қоракўл тумани	1 090	474	432	42	476	90	50
Қоровулбозор тумани	684	190	160	30	404	90
Олот тумани	1 024	672	630	42	242	60	50
Пешку тумани	1 399	22	22		1 317	60
Ромитон тумани	99	99	87	12
Шофиркон тумани	629	629	557	72
Жиззах вилояти	9 910	8 040	7 200	840	250	750	570	300
шундан
Жиззах шаҳри	300							300
Арнасой тумани	292	192	42	150			100
Бахмал тумани	19	19	19
Ғаллаорол тумани	416	39	39		77	300
Дўстлик тумани	30	30	30
Зарбдор тумани	651	631	571	60			20
Зафаробод тумани	1 162	1 062	930	132			100
Зомин тумани	400	400	400
Мирзачўл тумани	142	142	130	12
Пахтакор тумани	61	61	49	12
Фориш тумани	4 696	4 446	4 050	396			250
Шароф Рашидов тумани	1 741	1 018	940	78	173	450	100
Қашқадарё вилояти	12 000	6 885	5 785	1 100	1 700	900	2 115	400
шундан
Ғузор тумани	202	152	140	12			50
Дехқонобод тумани	54	4	4				50
Касби тумани	344	294	282	12			50
Китоб тумани	373	321	321		2		50
Косон тумани	533	483	471	12			50
Қамаши тумани	1 340	510	510		540	90	200
Қарши тумани	2 240	1 775	1 125	650			65	400
Миришкор тумани	1 939	179	167	12	710	300	750
Муборак тумани	560	510	510				50
Нишон тумани	2 128	1 050	690	360	428	450	200
Чироқчи тумани	350	300	300				50
Шаҳрисабз тумани	572	522	480	42			50
Яккабоғ тумани	1 365	785	785		20	60	500
Навоий вилояти	13 000	4 030	2 830	1 200	3 000	4 500	1 170	300
шундан
Навоий шаҳри	93	93	93
Зарафшон шаҳри	6	6	6
Кармана тумани	426	276	264	12			150
Конимех тумани	600	450	270	180			150
Қизилтепа тумани	9 392	1 292	920	372	3 000	4 500	300	300
Навбаҳор тумани	1 672	1 322	842	480			350
Нурота тумани	474	354	210	144			120
Томди тумани	3	3	3
Хатирчи тумани	334	234	222	12			100
Наманган вилояти	15 000	8 955	6 195	2 760	300	1 500	3 645	600
шундан
Косонсой тумани	201	156	156				45
Мингбулоқ тумани	3 582	2 682	2 088	594			900
Наманган тумани	616	391	265	126			225
Норин тумани	319	229	229				90
Поп тумани	6 710	4 275	2 265	2 010	50	75	1 710	600
Тўрақўрғон тумани	147	102	90	12			45
Уйчи тумани	379	334	334				45
Учқўрғон тумани	625	400	400				225
Чортоқ тумани	170	22	22		28	75	45
Чуст тумани	1 927	347	329	18	215	1 275	90
Янгиқўрғон тумани	324	17	17		7	75	225
Самарқанд вилояти	12 000	3 905	2 639	1 266	1 100	1 245	5 410	340
шундан
Булунғур тумани	250	50	50				200
Жомбой тумани	638	138	132	6			500
Иштихон тумани	1 481	316	310	6	70	495	600
Каттақўрғон тумани	2 640	558	516	42	992	390	600	100
Қўшробот тумани	243	43	43				200
Нарпай тумани	406	106	100	6			300
Нуробод тумани	226	26	26				200
Оқдарё тумани	567	227	179	48			300	40
Пайариқ тумани	1 835	1 208	440	768	27		600
Пастдарғом тумани	1 377	677	437	240			600	100
Пахтачи тумани	469	269	239	30			200
Самарқанд тумани	990	180	60	120			710	100
Тайлоқ тумани	250	50	50				200
Ургут тумани	628	57	57		11	360	200
Сирдарё вилояти	19 500	18 490	16 810	1 680	600		110	300
шундан
Гулистон шаҳри	18	18	18
Ширин шаҳри	8	8	8
Янгиер шаҳри	470	470	470
Боёвут тумани	1 484	1 476	1 380	96	8
Гулистон тумани	294	264	240	24	0		30
Мирзаобод тумани	12 593	11 800	10 390	1 410	563		30	200
Оқолтин тумани	482	482	446	36
Сайхунобод тумани	1 298	1 131	1 095	36	17		50	100
Сардоба тумани	390	390	390
Сирдарё тумани	1 668	1 656	1 620	36	12
Ховос тумани	795	795	753	42
Сурхондарё вилояти	7 000	3 497	3 005	492	753	900	1 000	850
шундан
Ангор тумани	396	396	396
Бойсун тумани	85	82	82		3
Денов тумани	610	360	360				250
Жарқўрғон тумани	705	363	351	12	52	240	50
Қизириқ тумани	136	86	74	12			50
Қумқўрғон тумани	1 690	355	235	120	525	360	50	400
Музработ тумани	85	85	85
Олтинсой тумани	71	60	60		11
Сариосиё тумани	345	145	145				200
Термиз тумани	1 688	676	436	240	162	300	250	300
Узун тумани	828	528	420	108			150	150
Шерабод тумани	170	170	170
Шўрчи тумани	191	191	191
Тошкент вилояти	21 500	16 860	15 072	1 788	300	1 200	1 540	1 600
шундан
Бекобод тумани	906	831	807	24	45		30
Бўка тумани	646	646	610	36
Бўстонлиқ тумани	759	173	161	12	36	450	100
Зангиота тумани	1 024	1 024	784	240
Қибрай тумани	233	232	208	24	1
Қуйичирчиқ тумани	10 369	8 169	7 071	1 098			1 000	1 200
Оққўрғон тумани	1 189	1 189	1 105	84
Оҳангарон тумани	578	533	533	0	45
Паркент тумани	4	3	3	0	1
Пскент тумани	901	836	764	72			65
Тошкент тумани	143	93	93					50
Ўртачирчиқ тумани	2 051	730	688	42	171	750	150	250
Чиноз тумани	1 602	1 306	1 222	84	1		195	100
Юқоричирчиқ тумани	335	335	287	48
Янгийўл тумани	760	760	736	24
Фарғона вилояти	20 000	12 065	10 223	1 842	500	3 000	3 495	940
шундан
Фарғона шаҳри	181	106	94	12			75
Қувасой шаҳри	85	35	23	12			50
Марғилон шаҳри	600							600
Бешариқ тумани	3 316	3 036	2 214	822			280
Боғдод тумани	1 156	1 126	1 072	54			30
Бувайда тумани	832	802	718	84			30
Данғара тумани	1 789	1 274	938	336			515
Ёзёвон тумани	5 549	3 396	3 000	396	428	1 500	225
Қува тумани	896	143	125	18	48	450	215	40
Қўштепа тумани	209	94	88	6			115
Олтиариқ тумани	2 389	200	200		24	1 050	815	300
Риштон тумани	257	102	90	12			155
Сўх тумани	102	2	2				100
Тошлоқ тумани	711	496	490	6			215
Ўзбекистон тумани	283	68	68				215
Учкўприк тумани	803	588	576	12			215
Фарғона тумани	333	118	46	72			215
Фурқат тумани	509	479	479				30
Хоразм вилояти	16 000	13 305	11 842	1 463	1 000		1 025	670
шундан
Боғот тумани	908	824	791	33	34		50
Гурлан тумани	621	351	351					270
Қўшқўпир тумани	2 304	1 998	1 855	143	71		75	160
Урганч тумани	419	299	293	6				120
Хазорасп тумани	1 709	1 069	1 069		590		50
Хонқа тумани	298	298	298
Хива тумани	3 104	2 112	1 832	280	72		800	120
Шовот тумани	919	904	904		15
Янгиариқ тумани	5 589	5 321	4 320	1 001	218		50
Янгибозор тумани	129	129	129
Айдар-Арнасой кўллари	19 490				17 330	2 160

Ўзбекистон Республикаси

Президентининг

2018 йил 6 ноябрдаги

ПҚ-4005-сон қарорига

2-ИЛОВА

2019 йилда балиқ етиштириш иншоотлари ва

қурилмаларини барпо этишнинг

ПРОГНОЗ ПАРАМЕТРЛАРИ

Ҳудудлар	Инкубация цехларини қуриш		Қафас (садок) ўрнатиш		Интенсив сув ҳавзалар барпо этиш				Ёпиқ сув айланма тизимини (УЗВ) қуриш
	Инкубация цехларини қуриш		Қафас (садок) ўрнатиш		Интенсив усулда кичик сув ҳавзаларида		Ярим интенсив		Ёпиқ сув айланма тизимини (УЗВ) қуриш
	сони	қуввати (млн дона)	сони	балиқ етиштириш (тонна)	майдони (га)	балиқ етиштириш (тонна)	майдони (га)	балиқ етиштириш (тонна)	сони	балиқ етиштириш (тонна)
Қорақалпоғистон Республикаси	1	50	100	300	12	795	175	1 050	1	300
Андижон вилояти	1	50	-	-	10	500	251	1 506	1	300
Бухоро вилояти	1	30	-	-	8	400	65	390	1	300
Жиззах вилояти	1	50	50	150	2	100	140	840	-	-
Қашқадарё вилояти	1	50	100	300	36	1 800	183	1 100	-	-
Навоий вилояти	1	50	1 000	3 000	7	350	200	1 200	1	300
Наманган вилояти	1	50	130	390	71	3 195	460	2 760	2	600
Самарқанд вилояти	1	50	100	300	41	4100	211	1 266	3	300
Сирдарё вилояти	-	-	-	-	4	200	280	1 680	1	100
Сурхондарё вилояти	1	50	-	-	12	600	82	492	2	550
Тошкент вилояти	-	-	50	150	20	1 000	298	1 788	4	1 200
Фарғона вилояти	-	-	400	1 200	38	1 900	307	1 842	-	-
Хоразм вилояти	-	-	-	-	2	100	225	1 463	3	300
Айдар-Арнасой кўллари	1	100	1 000	2160	-	-	-	-	-	-
Жами	10	530	2 930	7 950	263	15 040	2877	17 377	19	3 700

Ўзбекистон Республикаси

Президентининг

2018 йил 6 ноябрдаги

ПҚ-4005-сон қарорига

3-ИЛОВА

2019 йилда балиқчилик хўжаликларига омухта ем ва

минерал ўғит (аммофос) етказиб беришнинг

ПРОГНОЗ ПАРАМЕТРЛАРИ

Ҳудудлар	2019 йилда фойдаланиладиган сунъий сув ҳавзалари		Сарф этиладиган омухта ем (тонна)	Шундан
				Сунъий сув ҳавзаларида	интенсив технологияларда
					Қафас (садок) мосламасида	Интенсив усулда кичик сув ҳавзаларда	Ёпиқ сув айланма тизими (УЗВ)
	жами майдон (га)	сарф этиладиган минерал ўғит (тонна)			Қафас (садок) мосламасида	Интенсив усулда кичик сув ҳавзаларда	Ёпиқ сув айланма тизими (УЗВ)
Қорақалпоғистон Республикаси	1 336	1 069	9 748	3 948	275	4 565	960
Андижон вилояти	3 036	2 429	16 921	6 848	0	9 273	800
Бухоро вилояти	1 621	1 297	5 967	3 837	990	660	480
Жиззах вилояти	3 283	2 626	10 932	7 520	1 540	1 232	640
Қашқадарё вилояти	1 237	990	16 750	4 230	1 980	9 900	640
Навоий вилояти	1 273	1 018	17 410	3 290	9 900	3 740	480
Наманган вилояти	2 301	1 841	23 450	6 580	2 970	13 420	480
Самарқанд вилояти	1 647	1 318	18 070	4 230	1 980	11 220	640
Сирдарё вилояти	7 004	5 603	20 106	15 886	0	3 740	480
Сурхондарё вилояти	1 220	976	8 240	2 820	1 980	2 640	800
Тошкент вилояти	6 341	5 072	25 310	15 510	2 640	5 720	1 440
Фарғона вилояти	4 439	3 551	27 216	11 280	6 600	7 832	1 504
Хоразм вилояти	3 225	2 580	18 250	10 890	0	6 336	1 024
Айдар-Арнасой кўллари	350	280	4 752	-	4 752	-	-
Жами	38 313	30 650	223 122	96 869	35 607	80 278	10 368

Ўзбекистон Республикаси

Президентининг

2018 йил 6 ноябрдаги

ПҚ-4005-сон қарорига

4-ИЛОВА

2019 йилда репродуктор ҳовузларни ташкил этиш,

балиқ чавоқлари етиштириш, балиқ маҳсулотларини

қайта ишлаш ва сақлаш қувватларини ишга туширишнинг

ПРОГНОЗ ПАРАМЕТРЛАРИ

Худудлар	Репродуктор ҳовузлар				Чавоқ етиштириш (млн дона)			Балиқни сақлаш ва қайта ишлаш цехлари (музлаткич, полуфабрикат, тушка) барпо этиш
	Мавжуд		2019 йилда ташкил этилади		Жами	шундан		мавжуд		2019 йилда ташкил этиладиган
	майдон (га)	қуввати (млн дона)	майдон (га)	қуввати (млн дона)	Жами	ўсимлик- хўр	карп	сони	қуввати (тонна)	сони	қуввати (тонна)
Қорақалпоғистон Республикаси	400	30	50,0	2,5	32,5	26	6,5	2	1 400	4	1 150
Андижон вилояти	527	26	50,0	2,5	28,5	22,8	5,7	2	350	3	2 500
Бухоро вилояти	149	7	50,0	2,5	9,5	7,6	1,9	4	790	1	500
Жиззах вилояти	278	17	50,0	2,5	19,5	15,6	3,9	2	750	2	600
Қашқадарё вилояти	124	11	70,0	3,5	14,5	11,6	2,9	3	525	2	800
Навоий вилояти	376	19	50,0	2,5	21,5	17,2	4,3	2	40	2	3 300
Наманган вилояти	257	24	60,0	3,0	27,0	21,6	5,4	1	20	1	400
Самарқанд вилояти	173	21	55,0	2,7	23,7	18,96	4,7	1	30	1	520
Сирдарё вилояти	365	21	40,0	2,0	23,0	18,4	4,6	4	2 500	2	1 000
Сурхондарё вилояти	83	17	100,0	5,0	22,0	17,6	4,4	-	-	1	400
Тошкент вилояти	845	42			42,0	33,6	8,4	7	2 330	1	400
Фарғона вилояти	176	9	80,0	4,0	13,0	10,4	2,6	1	300	1	300
Хоразм вилояти	417	30	30,0	1,5	31,5	25,2	6,3	2	1 100	6	1 575
Айдар-Арнасой кўллари	50	2,5	300,0	15,0	17,5	14	3,5	-	-	1	500
Жами	4 220	276,5	985	49,2	325,7	260,6	65,1	31	10 135	28	13 945

Ўзбекистон Республикаси

Президентининг

2018 йил 6 ноябрдаги

ПҚ-4005-сон қарорига

6-ИЛОВА

Ўзбекистон Республикаси Президентининг 2017 йил 1 майдаги

"Балиқчилик тармоғини бошқариш тизимини такомиллаштириш

чора-тадбирлари тўғрисида"ги ПҚ-2939-сон қ арорига

киритилаётган ўзгартиришлар

1. 3-банднинг биринчи хатбошисидаги "20 нафар" сўзлари "28 нафар" сўзлари билан алмаштирилсин.

2. 2-илованинг матни қуйидаги таҳрирда баён этилсин:

"Ўзбекбалиқсаноат" уюшмасининг ижро этувчи аппарати

ТАШКИЛИЙ ТУЗИЛМАСИ

Таъсисчиларнинг умумий йиғилиши

Раис

Ёрдамчи

Ишлаб чиқариш бўйича раиснинг биринчи ўринбосари

Иқтисодий ва истиқболли ривожлантириш, хорижий инвестицияларни жалб этиш масалалари бўйича раис ўринбосари

Илм-фан ва инновацион технологияларни жорий этиш ҳамда янги турдаги балиқларни маҳаллийлаштириш масалалари бўйича раис ўринбосари

Юрисконсульт

Яйлов аквакультураси ва интенсив усулда балиқ етиштириш

Молия, бухгалтерия ҳисоби, ҳисоботи ва Жамғарма маблағларини бошқариш бўлими

Балиқчилик соҳасига илмий тадқиқотларни жорий этиш бўлими

Кадрлар бўйича инспектор

Балиқлар учун озуқа базани мустаҳкамлаш ва балиқ маҳсулотларини қайта ишлашни ривожлантириш бўлими

Хорижий инвестицияларни жалб этиш, йиғма ахборот-таҳлил ва прогнозлаштириш бўлими

Балиқчилик соҳасига инновацияларни жорий этиш бўлими

АКТ бўйича бош мутахассис

Балиқ чавоқлари етиштириш, инкубация цехларини ривожлантириш ва янги балиқ зотларини яратиш бўлими

Маркетинг, экспортни йўлга қўйиш ва логистика бўлими

Ихтиопаталогия хизмати

Бошқарув ходимларининг умумий чекланган сони - 28 киши".

Қонун ҳужжатлари маълумотлари миллий базаси (www.lex.uz),

2018 йил 7 ноябрь

"Халқ сўзи", 2018 йил 7 ноябрь

"Ўзбекистон Республикаси қонун ҳужжатлари тўплами",

2018 йил 12 ноябрь, 45-сон, 874-модда

Сайт «NORMA» МЧЖ томонидан ишлаб чиқилган.

Контентни яратишда "Солиқ ва божхона хабарлари" , "Норма маслаҳатчи" газеталари, "Амалий бухгалтерия" ЭМТ ва "Амалий солиқ солиш" ЭМТ материалларидан фойдаланилди.

Сайт материалларини ресурс маъмурияти розилигисиз кўчириб олиш тақиқланади.

Бизнинг Facebook
даги саҳифамиз

Бориш харитаси

Манзил: Ўзбекистон, 100105,
Тошкент ш., Миробод тум., Толлимаржон кўч., 1/1.

E-mail: admin@buxgalter.uz

Call-марказ телефони: +998 78 150-11-72