Ўзбекистон Республикаси Вазирлар Маҳкамасининг 26.02.2019 й. 169-сон "Аҳоли пунктлари қисмларининг батафсил режалаштириш лойиҳаларини ишлаб чиқишни молиялаштиришда давлат-хусусий шерикликни амалга ошириш тартиби тўғрисидаги низомни тасдиқлаш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

26.02.2019 й.

N 169

АҲОЛИ ПУНКТЛАРИ ҚИСМЛАРИНИНГ

БАТАФСИЛ РЕЖАЛАШТИРИШ ЛОЙИҲАЛАРИНИ

ИШЛАБ ЧИҚИШНИ МОЛИЯЛАШТИРИШДА ДАВЛАТ-

ХУСУСИЙ ШЕРИКЛИКНИ АМАЛГА ОШИРИШ ТАРТИБИ

ТЎҒРИСИДАГИ НИЗОМНИ ТАСДИҚЛАШ ҲАҚИДА

Ўзбекистон Республикаси Президентининг "Тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга бериш тартибини тубдан такомиллаштириш чора-тадбирлари тўғрисида" 2018 йил 20 апрелдаги ПҚ-3677-сон қарорини бажариш юзасидан ҳамда аҳоли пунктларининг ҳудудларни режалаштириш ва қуришга оид шаҳарсозлик ҳужжатлари, шу жумладан хусусий сектор инвестицияларини жалб қилиш йўли билан батафсил режалаштириш лойиҳалари билан қамраб олинишини таъминлаш, аҳоли пунктларининг архитектуравий қиёфасини янада яхшилаш ва аҳоли турмуш даражаси ва сифатини тубдан ошириш имконини берувчи шаҳарсозлик соҳасидаги давлат-хусусий шериклик учун қулай шароитлар яратиш мақсадида Вазирлар Маҳкамаси ҚАРОР ҚИЛАДИ:

1. Аҳоли пунктлари қисмларининг батафсил режалаштириш лойиҳаларини ишлаб чиқишни молиялаштиришда давлат-хусусий шерикликни амалга ошириш тартиби тўғрисида низом иловага мувофиқ тасдиқлансин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари - Ўзбекистон Республикаси транспорт вазири А.Ж. Раматов зиммасига юклансин.

Ўзбекистон Республикасининг Бош вазири                          А. Арипов

Қонун ҳужжатлари маълумотлари миллий базаси (www.lex.uz),

2019 йил 26 февраль