Чипта-ҳисоб ва йўл варақасини тўлдириш бўйича Йўриқнома (АВ томонидан 09.10.2003 й. 1282-сон билан рўйхатга олинган Ўзбекистон автомобиль ва дарё транспорти агентлигининг 01.08.2003 й. 108-сон буйруғи билан тасдиқланган)

Ўзбекистон Республикаси

Адлия вазирлигида

2003 йил 9 октябрда 1282-сон

билан рўйхатга олинган

Ўзбекистон автомобиль

ва дарё транспорти

агентлигининг

2003 йил 1 августдаги

108-сон буйруғи билан

ТАСДИҚЛАНГАН

Чипта-ҳисоб ва йўл варақасини тўлдириш бўйича

ЙЎРИҚНОМА

Мазкур Йўриқнома Ўзбекистон Республикаси Вазирлар Маҳкамасининг 1998 йил 11 июлдаги 296-сонли "Ўзбекистон автомобиль ва дарё транспорти агентлигини ташкил этиш тўғрисида"ги қарори ҳамда Ўзбекистон Республикасининг 1996 йил 26 апрелдаги "Истеъмолчиларнинг ҳуқуқларини ҳимоя қилиш тўғрисида"ги Қонунига мувофиқ ишлаб чиқилди ва чипта-ҳисоб ва йўл варақасини тўлдириш тартибини белгилайди.

Мазкур Йўриқнома, ташкилий-ҳуқуқий шакли ва мансублигидан қатъи назар, автомобиль транспортида шаҳар, шаҳар атрофи, шаҳарлараро ва халқаро мунтазам йўловчилар ташувларини амалга оширувчи автомобиль ташувчилари учун амал қилади.

Ушбу Йўриқнома шахсий енгил автомобилида йўналишсиз такси сифатида йўловчиларни ташиш билан шуғулланадиган жисмоний шахслар учун амал қилмайди.

§ 1. АСОСИЙ ТУШУНЧАЛАР (АТАМАЛАР)

1. Мазкур Йўриқномада қуйидаги асосий тушунчалар қўлланилади:

автобус - ҳайдовчининг жойини ҳисобламаганда, ўтириш учун ўриндиқлари 8 тадан ортиқ бўлган ва йўловчилар ташишга мўлжалланган автотранспорт воситаси;

шаҳар ташишлари - шаҳар ёки шаҳар типидаги қўрғон чегарасида амалга ошириладиган ташишлар;

йўналишсиз такси - тўлов таксометр (ҳисоблагич) кўрсаткичи бўйича ҳамда йўловчилар буюртмаси асосида амалга ошириладиган хизматларни кўрсатувчи автотранспорт воситаси;

йўналиш - автотранспорт воситасининг белгиланган пунктлар оралиғида амалга оширадиган сафари давомидаги йўл;

йўналишли такси - тўхтовлар йўловчилар талаблари бўйича ташкил этиладиган йўловчиларни мунтазам йўловчи ташиш йўналишларида ташиш учун мўлжалланган автобус ёки енгил автомобиль;

шаҳарлараро ташишлар - шаҳар ёки шаҳар типидаги қўрғон чегарасидан ташқарида эллик километрдан ортиқ бўлган масофага ташишлар, шунингдек, йўналиш масофасидан қатъий назар, Ўзбекистон Республикасининг икки ва ундан ортиқ вилоятлари ўртасида амалга ошириладиган ташишлар;

халқаро ташишлар - Ўзбекистон Республикаси давлат чегараси ташқарисида ёки ташқарисига йўналиш масофасидан қатъи назар, амалга ошириладиган ташишлар;

ноль қатновлари - ҳаракат таркиби томонидан белгиланган йўналиш бўйича корхонадан иш бошлаш манзилига қадар босиб ўтилган йўл ёхуд иш тугаш манзилидан белгиланган йўналиш бўйича автотранспорт воситаси томонидан тўхтаб туриш манзилига қадар босиб ўтилган йўл;

тўлиқ жараёнли қатнов - ҳаракат таркиби томонидан белгиланган йўналиш бўйича бошланғич манзилдан охирги пунктга қадар ва орқага йўналиш бошланган бошланғич пунктга қадар босиб ўтилган йўл;

йўловчи - тузилган ташиш шартномасига мувофиқ, ташувчи хизматидан фойдаланувчи (ташувчи томонидан тўлов асосида ёки текин ташилувчи) жисмоний шахс;

ташувчи - автотранспорт воситасига мулкчилик ҳуқуқи ёки бошқа ашёвий ҳуқуқ сифатида эгалик қилувчи, тижорат асосида йўловчилар, багажларни ташиш бўйича хизматлар кўрсатувчи ва бунинг учун лицензияга эга юридик шахс;

шаҳар атрофи ташишлари - шаҳар ёки шаҳар типидаги қўрғон чегарасидан ташқарида эллик километр масофадаги ташишлар;

ҳаракат жадвали - қатновлар бажарилишининг вақти, жойи ва кетма-кетлиги тўғрисидаги маълумотлар қайд этилган жадвал;

қатнов - автотранспорт воситасининг жўнаш пунктидан белгиланган пунктга қадар амалга оширадиган ҳаракати.

§ 2. УМУМИЙ ҚОИДАЛАР

2. Йўл варақалари ва нарядлар бланкалари йўловчилар ташишларини амалга оширувчи автотранспорт воситаларининг, шу жумладан йўналишсиз таксиларнинг ишини таърифловчи асосий ҳужжат ҳисобланади. Шунингдек, автобуслар ва йўналишли таксилар учун "Чипта-ҳисоб варақалари".

3. Автотранспорт воситалари, шу жумладан, йўналишсиз таксилар йўл (барча турдаги), чипта-ҳисоб варақа бланкалари ва нарядлар бланкалари бошқа қатъий ҳисобдаги бланкалар билан бир қаторда бухгалтерияда сақланади ва у томонидан эҳтиёжга кўра, талабларга қараб автотранспортдан фойдаланиш учун жавобгар шахсга (фойдаланиш бўлими бошлиғи, катта диспетчер ва фойдаланиш бўлими ходимларига) тартиб рақами қайд этилган ҳолда берилади.

Масъул ҳисобдор шахслар йўл, чипта-ҳисоб варақалари ва нарядлар ҳисоботларини тузадилар ва бухгалтерияга топширадилар.

4. Ҳайдовчиларга йўл варақаларини (шу жумладан, йўналишсиз такси ҳайдовчиларига) бериш навбатчи диспетчер томонидан амалга оширилади, соатбай автобусларга чипта-ҳисоб варақалари ва нарядларни бериш эса навбатчи ғазначи томонидан, йўлга чиқишга рухсат берувчи йўл варақаларини тақдим этган тақдирда берилади.

5. Ҳайдовчиларга берилаётган йўл ва чипта-ҳисоб варақалари ушбу автокорхона бўйича тартиб рақамига эга бўлиши лозим (ҳар йилнинг 1 январидан берилган сана, автотранспорт тегишли бўлган автокорхона штампи).

6. Йўл ҳужжатларининг тўлдирилиши учун фойдаланиш бўлимлари бошлиқлари, катта ва навбатчи диспетчерлар ва автотранспорт воситаларини йўналишга чиқиши ва уларнинг гаражга қайтишини расмийлаштирувчи шахслар жавобгардирлар.

7. Йўл ва чипта-ҳисоб варақаларини тўғрилаш ва бўяшга йўл қўйилмайди.

8. Йўл ва чипта-ҳисоб варақаларида йўлдаги оралиқ автовокзалларида (автостанциялари) ва охирги тўхташ пунктларида амалга ошириладиган барча ёзувларнинг тўғрилигини ҳайдовчи шахсан кузатиб бориши шарт.

9. Чипта-ҳисоб варақалари икки қисмдан иборат: чипта-ҳисоб варақаси (йиртиш чизиғигача) ва назорат варақаси (йиртиш чизиғидан сўнг). Икки қисмини ҳам тўлдириш мажбурийдир.

10. Чипта-ҳисоб варақаларини тўлдиришда навбатчи диспетчерлар, чипта ғазначилари, ҳайдовчилар (кондукторлар), йўналиш диспетчерлари, автовокзаллар (автостанция) ва оралиқ ғазначилари ҳамда тушумни қабул қилувчи ғазначилар иштирок этадилар.

11. Чипта-ҳисоб варақаси бўйича қуйидагилар: чипталарнинг сериялари ва рақамлари бўйича аниқ сарфланганлиги, сотилган чипталар учун тушум ҳажми, бажарилган қатновлар сони, шу жумладан, режа бўйича, аслида, жадвални бузган ҳолда (мунтазамлик кўрсаткичи) ҳамда ташилган йўловчилар сони ва бажарилган йўловчи-километр бўйича умумий натижалари аниқланади.

12. Чипталарни сотиш бўйича ҳисобдор шахслар (ҳайдовчи, кондуктор) иш бошланишидан олдин чипталарни сотиш учун автовокзал ёки автостанциянинг навбатчи диспетчерига чипта-ҳисоб варақаларини, улардаги сериялари ва рақамларининг тўғри тўлдирилганлигини текшириш учун тақдим этишлари лозим.

13. Автокорхонанинг фойдаланиш бўлими бошлиғи чипта-ҳисоб варақалари тўғри олиб борилиши ва тўлдирилиши учун масъулдир, шунингдек, ҳар куни уларнинг ушбу Йўриқномага мувофиқлигини текшириб боради.

14. Йўловчилар транспортида, шу жумладан, йўналишсиз таксиларда ҳам барча турдаги йўл ва чипта-ҳисоб варақалари реквизитларининг тўлдирилишини мазкур Йўриқномага мувофиқ амалга ошириш зарур.

15. Саотбай шартнома тарифлари бўйича ишлайдиган автобуслар наряд бланкаларининг тўлдирилиши автокорхона навбатчи диспетчери ва буюртмачининг масъул ходими томонидан амалга оширилади.

§ 3. АВТОТРАНСПОРТ ВОСИТАСИ - ЙЎНАЛИШСИЗ

ТАКСИ ЙЎЛ ВАРАҚАЛАРИНИ ТЎЛДИРИШ

16. Йўл варақалари реквизитлари (1-илова): автотранспорт воситаси эгасининг номи(штамп), ой, йил, автомобильнинг давлат ва гараж рақами, ҳайдовчининг фамилияси, исми, шарифи, ҳайдовчилик гувоҳномаси рақами, табель рақами, тоифаси - ойнинг бошланишига қадар фойдаланиш бўлимида тўлдирилади.

17. Диспетчер томонидан йўл варақасининг олд томонидаги "Режали топшириқ" бўлимида жадвал (чиқиш ва қайтиш вақти), йўналишдаги бир кунги ва бир ойдаги иш вақти, бир кунги ва бир ойлик тушим, босиб ўтилган йўлнинг пуллик фойдаланиш коэффициенти ёзиб қўйилади.

18. Ишга келган заҳоти ҳайдовчи ишга келган вақтини диспетчерда белгилаши (йўл варақасининг ички томони 2-бет), автомобильни бошқаришга ҳуқуқли гувоҳномасини тақдим этиши, ундан йўл варақасини олиши лозим, шундан сўнг, ҳайдовчи соғлиги бўйича йўлга чиқишга шифокор рухсатини олиш учун тиббий кўрикдан ўтиши лозим, бу эса, йўл варақасининг ички томонидаги "Шифокор белгиси" бўлимида шифокор имзоси билан тасдиқланади.

19. Йўл варақасининг олд томонидаги "Автотранспорт воситасининг пунктлардаги навбатчилиги" бўлимида диспетчер томонидан сананинг рўпарасида автотранспорт воситасини белгиланган масканга юборилганлиги тўғрисидаги белгилар кўрсатилади ва "келганлик ҳақида"ги катакларда навбатчилик ўтказилган пункт диспетчери томонидан белгилар қайд этилади.

20. Колонна бошлиғи ёки механиги йўл варақасининг олд томонидаги "Автотранспорт воситаси, таксометр ва пломбалар соз ҳолатда" бўлимида ўз имзоларини "Чиқишга рухсат" катагида, қайтиб келганда эса, "Автотранспорт воситасини қабул қилиб олдим, спидометр кўрсаткичларини текширдим" катагида қўйишади.

21. Колонна бошлиғи ёки механиги визасини олгандан сўнг, ҳайдовчи "Автотранспорт воситаси, таксометр ва пломбалар соз ҳолатда" бўлимида ўз имзосини "Автотранспорт воситасини қабул қилиб олдим" катагида, қайтиб келганда эса, ушбу бўлимидаги "Автотранспорт воситасини колоннага топширдим" катагида қўяди.

22. Автотранспорт воситасини сафарга чиқишга тайёрлагандан сўнг ҳайдовчи ёқилғи олиши лозим. Йўл варақасининг ички томонидаги (2-илова) "Диспетчер имзоси" бўлимида Диспетчер ўз имзосини қўяди. Шундан сўнг ёқилғи қуювчи ёқилғи беради ва "Ёқилғи" бўлимида жўнатилган ёқилғи миқдорини ёзади ва ўз имзосини қўяди.

23. Йўл варақасининг шу ери ички томонида "Ҳақиқий вақт" бўлимида Диспетчер штамп-вақтлар билан ҳақиқий чиқиш вақтини, спидометр кўрсаткичи ва таксометр кўрсаткичини (умумий, пуллик босиб ўтилган йўл, чиқариш ғазнаси) белгилаб қўяди. Худди шу кўрсаткичларни навбатчи механик автотранспорт воситасининг сафардан қайтганида ёзиб қўяди.

24. "Ёқилғи" бўлимида навбатчи механик томонидан автотранспорт воситасида чиқиш вақтидаги ёқилғи миқдорини ёзади ва имзосини қўяди, қайтган вақтида эса, автотранспорт воситасидаги ёқилғининг қолдиғини ёзади ва имзосини қўяди.

Йўл варақасининг ички томонида (3-бет) ойнинг охиригача саналар бўйича йўл варақасининг иккинчи бетидаги каби ёзувлар тўлдирилади.

25. Ушбу бетдаги "Шаҳар ташқарисига сафарлар" бўлимида:

Навбатчи диспетчер томонидан - ёзув вақти, ким томонидан рухсат берилганлиги, қаердан, қаерга, бир томонга ёки икки томонга, спидометр кўрсаткичлари, таксометр кўрсаткичлари, умумий босиб ўтилган йўл, пуллик босиб ўтилган йўл, ғазна, чиқаришлар ҳақида;

навбатчи механик томонидан - автотранспорт воситасининг техник ҳолати ҳақида ёзувлар қайд этилади.

26. "Йўналишдаги ҳар хил қайдномалар" бўлимида автотранспорт воситасининг йўналишдаги иши бўйича зарур ёзувлар қайд этилади (назорат қилувчи органлар танбеҳлари, йўловчиларнинг норозиликлари).

27. Йўл варақасининг тўртинчи бетида автотранспорт воситасининг гаражга кириши, таъмирланиши ва муддатдан олдин қайтиши, кеч чиқиши сабаблари ҳақида қайдномалар ёзилади.

28. "Режали техник хизмат кўрсатишлар" бўлимида техник хизмат томонидан режали ТХ-1, ТХ-2 қайдномалари ёзилади ва ТХП бошлиғи имзоси билан тасдиқланади, "Таксометрни алмаштириш" бўлимида эса, унинг алмаштирилганлиги ҳақида қайднома ёзилади.

§ 4. АВТОТРАНСПОРТ ВОСИТАСИ - ЙЎНАЛИШСИЗ

ТАКСИ ЙЎЛ ВАРАҚАЛАРИНИ КЎРИБ

ЧИҚИШ, ТАЙЁРЛАШ

29. Йўл варақаларини кўриб чиқиш, тайёрлаш парк диспетчери ва фойдаланиш хизмати ходимлари томонидан амалга оширилади.

30. Йўл варақасининг ички томонида диспетчер ҳар куни автотранспорт воситаси - йўналишсиз такси ишининг натижалари якунини қайд этади. "Натижа" сатрида ҳар куни спидометр ва таксометр кўрсаткичлари бўйича натижалар (умумий босиб ўтилган йўл, пуллик босиб ўтилган йўл, ғазна, чиқарилишлар) қайд этилади, ушбу натижалар автотранспорт воситаси таксининг йўналишдан қайтиб келганидаги ва гараждан чиқиб кетаётганидаги фарқли кўрсаткичлар сифатида белгиланади. Таксометр мавжуд бўлмаган тақдирда, пуллик босиб ўтилган йўл, автотранспорт воситаси таксининг умумий босиб ўтилган йўлини пуллик босиб ўтилган йўлнинг режали коэффициентига кўпайтириш йўли билан аниқланади; чиқаришлар сони ўтган ойлар ҳисоботлар маълумотлари бўйича аниқланади.

31. "Тушум" графаси диспетчер томонидан пуллик босиб ўтилган йўлга, чиқаришлар сонининг қўшилгани пуллик бир километрга ўрнатилган тарифга кўпайтирилганлиги бўйича маълумотлар асосида тўлдирилади.

32. "Иш вақтлари" бўлими "Наряддаги вақтлар" катагида соатлар, автотранспорт воситаси таксининг гаражга қайтиш вақти ва гараждан чиқиш вақти ўртасидаги тушлик вақтининг айирилгани, фарқ сифатида белгиланади.

"Ички навбатчиликдаги бекор туришлар вақтлари" "определяются по данным раздела "Автотранспорт воситаси таксининг гаражга кириши, таъмирланиши ва муддатдан олдин қайтиши тўғрисидаги қайдномалар" бўлими маълумотлари бўйича аниқланади.

"Тунги соатлар" - соат 22-00 дан 6-00 гача.

Байрам кунлари учун соатлар "Байрам кунлари" катагида қайд этилади.

Ойнинг охирида диспетчер томонидан ой якуни сарҳисоб қилинади ва натижаси йўл варақасининг учинчи бетидаги "Жами бир ойда" сатрида қайд этилади.

33. Ишланган, тайёрланган йўл варақалари ой якуни бўйича бухгалтерияга корхона бўйича қабул қилинган буйруқ билан белгиланган муддатларда, тилхат асосида топширилади.

§ 5. АВТОБУС ВА ЙЎНАЛИШЛИ ТАКСИЛАРНИНГ

ЙЎЛ ВАРАҚАЛАРИНИ ТЎЛДИРИШ

34. Йўл варақалари реквизитлари (2-илова): автотранспорт воситаси эгасининг номи (штамп), йўл варақасининг рақами, ой, йил, ҳайдовчининг фамилияси, исми, шарифи, табель рақами, бошқариш ҳуқуқига эга гувоҳнома рақами, тоифаси, автобуснинг русуми, давлат рақами ва серияси, гараж рақами, - ойнинг бошланишига қадар фойдаланиш бўлимида тўлдирилади.

35. Ҳайдовчининг йўналишга чиқишидан олдин ёки бир кун олдин навбатчи диспетчер йўл варақасининг олд томонидаги "Автотранспорт воситасининг русуми" 2-графа, "Автотранспорт воситасининг давлат рақами" 3-графа, "Жадвал бўйича чиқиш вақти" 4-графа, "Йўналиш рақами" 6-графа, "Йўналиш ёки буюртмачи номи" 7-графа, "Жадвал рақами" 8-графа, "Жадвал бўйича қайтган вақт" 14-графаларини чиқишнинг тегишли санасини киритган ҳолда тўлдириши лозим.

36. Йўналиш ҳужжатлари, автобус ҳаракатларини ташкил этиш режаси ҳамда автотранспорт воситаларидан фойдаланиш шартлари асосида навбатчи диспетчер йўл варақасининг ички томонидаги "Режа асосида қатновлар" (18-графа), "Чипта-ҳисоб варақа рақами" (23-гр.), "Режа бўйича тушум" (24-графа)ларни тўлдириши лозим.

37. Автотранспорт воситасининг ҳақиқатда чиқиш вақти (5-гр.) ва ҳақиқатда қайтиш вақти (15-гр.) навбатчи механик томонидан штамп-соат ёрдамида автотранспорт воситасини йўналишга чиқариш ва қабул қилиш вақтида қўйилади.

38. Йўл варақасининг олд томонида техник соз ҳолатдаги автотранспорт воситасини гараждан чиқаришга рухсат бериш, уни ҳайдовчига топшириш ва ундан қабул қилинган ҳақиқий вақтни кўрсатган ҳолда, қабул қилиб олиш (10 ва 16-графалар) ҳамда гараждан чиқиш ва қайтишдан олдин автотранспорт воситаси спидометридаги кўрсаткичлари (12 ва 13-графалар) навбатчи механик ёки унинг ўрнини босувчи шахснинг имзоси билан тасдиқланади.

38-1. Ҳайдовчи йўналишга чиқиши олдидан йўл варақасининг олд томонида 9-гр. ҳайдовчи соғлигининг ҳолати ва унинг автотранспорт воситасини бошқаришга рухсат этилиши имконияти тиббиёт ходими имзоси билан тасдиқланади.

39. Ҳайдовчи томонидан автотранспорт воситасини гаражда қабул қилиш вақтида у йўл варақасининг олд томони 11-графани имзолайди.

40. Автотранспорт воситасининг иш бошлаш пунктига етиб келиш вақти чипта-ҳисоб варақасининг назорат варақасида штамп-соат ёрдамида:

а) шаҳар йўловчи автобуслари йўналишларида ва йўналишли такси йўналишларида бош ва охирги бекатлар диспетчерлари томонидан;

б) шаҳар атрофи ва шаҳарлараро йўналишларда - автовокзал (автостанция), автоғазна диспетчерлари томонидан тўлдирилади.

41. Автотранспорт воситасининг бакида кун якуни ва ўсиб борувчи якуни (36 ва 37 гр.) билан қолган ёқилғи, ҳақиқатда (38-гр.), шу жумладан, йўналишда, наряд ва навбатчилик (39 ва 40 гр.) бўйича сарфланган ёқилғи миқдори ҳақидаги ёзув ёқилғи-мойлаш материаллари учун масъул шахс томонидан аниқланади.

Оралиқ қатновлардаги бекор туриб қолиш, таъмирга қўйиш ва бошқа ҳолларда ёқилғи қуйиш шахобчасига қайтарилган ёқилғи миқдори (41-гр.) ёқилғи қуйиш шахобчаси оператори томонидан имзоланади (42-гр.).

42. Берилган ёқилғи миқдори ушбу вазифани бажарувчи шахсларнинг шахсий имзоси ва штампи билан тасдиқланади (34 ва 35-гр.).

43. Гараждан чиқишнинг кечикканлик сабаблари тўғрисида қайднома навбатчи механик ёки бунинг учун ваколатга эга шахс томонидан йўл варақасининг 1 бўлимидаги "Автотранспорт воситасининг гараждан чиқиши бўйича кечикканлиги тўғрисидаги қайдномалар"да (4-бет), йўл варақасининг 2 бўлимидаги "Автотранспорт воситасининг гаражга кирганлиги ва йўналишда бекор турганлиги"да (4-бет) эса, иш куни давомида гаражга кирганликлари қайд этилади.

44. Автотранспорт воситасининг техник сабабларга кўра гаражда бекор туриб қолиши давомийлиги тўғрисида қайднома навбатчи механик томонидан йўл варақасининг 2 бўлимидаги "Автотранспорт воситасининг гаражга киришлари ва йўналишда бекор туриб қолишлари"да (4-бет), йўналишда эса, диспетчерхона ёки бош автобус бекати йўналиш диспетчери томонидан, смена, бекор туриб қолиш сабаби ва давомийлиги кўрсатилган ҳолда, шу бўлимда қайд этилади.

Автотранспорт воситасининг носозлиги - шина алмаштирилиши, йўл бузилиши ва бошқа сабаблар туфайли юзага келган барча бекор туриб қолишлар кўрсатилади.

45. Автотранспорт воситасини бошқа йўналишга ўтказилган тақдирда, йўналиш диспетчери томонидан йўл варақасининг тўртинчи варақаси "Автотранспорт воситасини бошқа йўналишга ўтказилганлиги ҳақида маълумотлар" 3-бўлимида қайдномалар қайд этилади. Бунда, диспетчер ҳаракат трассаси хусусиятлари ва ҳаракат хавфсизлигини таъминлаш тўғрисида огоҳлантиради.

46. Йўналишларда йўловчилар чипталарининг мавжудлиги, ҳайдовчи томонидан ҳаракат хавфсизлиги бузилганлигининг ваколатли органлар томонидан текширилганлиги ҳақида маълумотлар йўл варақасининг тўртинчи варақасида ёзиб борилади.

47. Автотранспорт воситасини буюртма асосида тақдим этилишининг барча ҳолларида ҳайдовчига белгиланган шаклдаги (3-илова) наряд берилади. Буюртмачининг номи йўл варақасининг олд томонидаги 7 графасига киритилади ва навбатчи диспетчер "Чипта-ҳисоб варақаси рақами" 23-гр.да наряд рақамини ёзиб қўяди (3-бет).

Хизмат кўрсатилиши якунланганидан сўнг, "Наряд" буюртмачи штампи билан автотранспорт воситасини фойдаланганлик учун масъул шахс томонидан тўлдирилиши ва имзоланиши, жисмоний шахс эса, "Нарядни" имзолаши лозим.

§ 6. АВТОБУС ВА ЙЎНАЛИШЛИ ТАКСИЛАРНИНГ

ЙЎЛ ВАРАҚАЛАРИНИ ИШЛАШ, ТАЙЁРЛАШ

48. Йўл варақасини ишлаш, тайёрлаш диспетчер ва автотранспорт воситаси ишига жавобгар бўлган фойдаланиш бўлими ходимлари томонидан амалга оширилади. Йўл варақасини ишлаш, тайёрлашни бошлашдан олдин йўналиш диспетчери, ғазначи ёки автовокзал (автостанция) диспетчери ва ҳайдовчилар томонидан чипта-ҳисоб варақасида қайд этилган барча ёзувлар пухта текшириб чиқилиши лозим.

Чипта-ҳисоб варақасида қайд этилган ёзувлар асосида автотранспорт воситаси, ҳайдовчининг бир кунда ёки бир сменадаги иш якунлари белгиланади ва улар йўл варақасининг тегишли графаларига киритилади.

Олд томонидаги 1, 2, 3, 6, 7, 8 гр.даги маълумотлар йўл варақасининг иккинчи бетидаги 1, 2, 3, 4, 5, 6 гр.га ўтказилади.

49. Йўл варақасининг ички томонидаги "Бошқа йўналишга ўтказилганлиги тўғрисида белги" 7 графасига йўл варақасининг 4 бетидаги 3 бўлимидаги "Автотранспорт воситасини бошқа йўналишга ўтказилганлиги ҳақида маълумотлар" киритилади.

50. Иш якуни бўйича асосий маълумотларни аниқлаш қуйидаги тарзда амалга оширилади (йўл варақасининг ички томони):

а) наряддаги соатлар (йўл варақасининг иккинчи бети) (8-гр.) автотранспорт воситасининг гаражга қайтиб келган вақт ва гараждан чиқиб кетган вақтдан, жадвал бўйича ҳайдовчи учун ажратилган тушлик ва дам олиш вақтларининг айирмасидан қолганлари ҳисобидан белгиланади;

б) йўналишдаги иш вақти (9-гр.) автотранспорт воситасининг йўналишдаги иш вақти ҳажмини (10-гр.) ташкил этиши лозим, буюртма бўйича (12-гр.): захиравий, навбатчи (13-гр);

в) йўналишдаги (10-гр.), шу жумладан, жадвал бўйича (11-гр.) иш соатлари, автотранспорт воситасининг иш бошланиши пунктига етиб келган палладан фақат йўналишда ишлаганидан ва унинг охирги пунктдан гаражга кириб келганигача бўлган соатлар сони бўйича аниқланади. Бу соатларга қуйидагилар: буюртма бўйича ишлаган соатлар, йўналишда самарасиз бекор туриб қолган соатлар, иш вақтида гаражга кирилган ва тушлик танаффуслари, бекорчи вақтлар кирмайди.

51. Автотранспорт воситасининг буюртма бўйича ишлаган соати (12-гр.) ташкилот томонидан расмийлаштирилган наряд бўйича аниқланади ва:

а) ҳайдовчининг буюртма бўйича тўлиқ иш куни - гараждан чиқиб кетган палладан, тушлик вақтини айирган ҳолда, гаражга қайтиб келган паллагача ишлаган тақдирда;

б) автотранспорт воситаси йўналишдан, уни йўналишга қайтармаган ҳолда, чиқариб олинганда - автотранспорт воситаси йўналишдан чиқариб олинган палладан унинг гаражга қайтиб келганигача;

в) автотранспорт воситаси йўналишдан вақтинча, уни йўналишга қайтарилиши шарти билан чиқариб олинганда - автотранспорт воситаси йўналишдан чиқариб олинган палладан унинг жадвалга қайтиб тушган паллагача ҳисобланади; Йўналишдан вақтинча чиқариб олингани ва уни қайта жадвалга туширилгани тўғрисида йўналиш диспетчери чипта-ҳисоб варақасида тегишли ёзувни қайд этади.

52. "Захира", "Навбатчи" 13 гр.да навбатчиликга сарфланган вақт ёки захирада бекор туриб қолган соатлар қайд этилади.

53. 14-графада бекорчи соатлар қайд этилади.

54. Йўналишда бекор туриб қолишлар (15-гр.) йўналишда техник ва фойдаланиш сабаблари бўйича бекор туриб қолиш соатларининг йиғиндисини йўналиш диспетчерлари, автовокзал (автостанция) бошлиқлари томонидан ёзган қайдномалар асосида аниқланади.

55. Ҳайдовчининг йўналишда ишлаган тунги соатлари (шу жумладан, буюртма бўйича) соат 22-00 дан 6-00 гача ҳисобланади (16-гр.);

Байрам соатлари байрам кириб келган кун соат 00 дан соат 24 гача (16-гр.

56. 17-графада "Якуний тайёргарлик вақти" Подготовительно-заключительное время" ҳисоблаш қулай бўлиши учун фойдаланиш бўлимида чиқиш ва қайтиш учун 0,3 соатдан қўйилади.

57. 2 бет 19, 20 графалари "Қатновларнинг ҳақиқий сони" ва "Жадвал бўйича бажарилган қатновлар сони" чипта-ҳисоб бўйича йўналиш диспетчери маълумотлари асосида тўлдирилади.

Таъмирлашдаги соатлар (21-гр.) техник хизмат ва таъмирлаш учун масъул шахсларнинг (22-гр.) имзоси асосида диспетчер томонидан қайд этилади.

58. 25, 26, 27, 28, 29, 30-гр. "Ҳақиқий тушум" навбатчи диспетчер ва ғазначи ишловидан ўтган чипта-ҳисоб маълумотлари асосида тўлдирилади.

59. Ташилган йўловчилар ва йўловчи-километрлар сони ҳисоб-китоби Ўзбекистон Республикаси Вазирлар Маҳкамасининг 2012 йил 17 сентябрдаги 273-сон қарори билан тасдиқланган Ўзбекистон Республикасида йўловчилар айланмасини ва  умумий  фойдаланиладиган автомобиль  ва  электр транспортида шаҳарда, шаҳар атрофида, шаҳарлараро, халқаро йўналишларда ҳамда соатлар бўйича ташилган йўловчилар сонини аниқлаш тартиби тўғрисида низомга (Ўзбекистон Республикаси қонун ҳужжатлари тўплами, 2012 йил, 38-сон, 437-модда) мувофиқ амалга оширилади.

60. Автотранспорт воситасининг босиб ўтган йўли (31-гр.) навбатчи диспетчер томонидан спидометр кўрсаткичлари бўйича аниқланади ва қатновлар сонини бир қатнов масофасига кўпайтириб, мазкур йўналишдаги нольга тенг босиб ўтилган йўлни қўшиш йўли билан назорат қилади (қатновлар сонига боғлиқ тарзда нольга тенг босиб ўтган йўлни ҳисобга олган ҳолдаги босиб ўтилган йўл ҳар бир йўналиш бўйича фойдаланиш бўлими томонидан ишлаб чиқилиши ва йўл варақаларини ишлаш, тайёрлашни қулайлаштириш ва тезлаштириш учун зарур бўлган ёрдамчи жадвалларга туширилиши лозим).

Ёқилғини ҳисобдан чиқариш спидометрдаги босиб ўтилган йўлга қараб, агар у нольга тенг босиб ўтилган йўлни ҳисобга олган ҳолда бажарилган қатновлар билан тасдиқланган тақдирда, амалга оширилади. Нольга тенг босиб ўтилган йўлни ҳисобга олган ҳолда бажарилган қатновлар бўйича ҳисобланадиган босиб ўтилган йўл, спидометр бўйича ҳақиқий босиб ўтилган йўлдан кам бўлган тақдирда, ёқилғини ҳисобдан чиқариш нольга тенг босиб ўтилган йўлни ҳисобга олган ҳолда бажарилган қатновлар бўйича босиб ўтилган йўлга қараб амалга оширилади.

61. Йўловчилар билан босиб ўтилган йўл (32, 33-гр.) умумий босиб ўтилган йўлни босиб ўтилган йўлни фойдаланиш режали коэффициентига кўпайтириш йўли билан аниқланади.

62. Норма бўйича ёқилғи сарфланиши автотранспорт воситасининг умумий босиб ўтган йўли бўйича спидометр кўрсатмасига (бир кунда ёки сменада) ва ёқилғининг тасдиқланган нормаларига мувофиқ аниқланади.

Ёқилғининг ҳақиқий сарфланганлиги миқдори (38, 39, 40-гр.) автотранспорт воситаси паркдан чиқиш палласидаги ёқилғи миқдоридан автотранспорт воситаси паркка қайтиб келганидаги қолдиқ айирмасига тенг бўлади.

63. Ой якуни бўйича йўл варақалари катта диспетчер, иқтисодчи ва фойдаланиш бўлими бошлиғи томонидан, ташишлар режаси бажарилиши, тушумлар, ҳайдовчининг интизомлилиги, уларга таклифларнинг таҳлили ёрдамида текширилиши ва ишлов берилиши лозим.

64. Йўл варақаларини ишлаш, тайёрлашда фойдаланиш бўлими ўсиб борувчи тартибда 15, 25, 30 (ёки 31) кун сарҳисобини қилиши лозим.

Ой якуни бўйича ишланган, тайёрланган йўл варақалари жилдга тикилади ва автокорхона бўйича қабул қилинган буйруқ билан белгиланган муддатларда тилхат асосида рақам тартибида бухгалтерияга топширилади.

65. Автотранспорт воситасининг ҳақиқий ишини бузиб кўрсатувчи йўл варақаларининг нотўғри берилиши, уларнинг нотўғри тўлдирилиши ва қўшиб ёзилишига йўл қўйган шахслар, белгиланган тартибда жавобгарликка тортиладилар.

66. Йўл варақаси графалари қуйидагилар томонидан тўлдирилади:

а) навбатчи диспетчер томонидан:

йўл варақасининг олд томони - 2, 3, 4, 6, 7, 8 ва 14 гр.;

йўл варақасининг ички томони - 2 - 24, 31, 32 ва 33 гр.;

б) навбатчи механик 5, 10, 12, 13, 15 ва 16 гр. йўл варақасининг олд томони;

в) тиббиёт ходим - 9 гр. йўлварақасининг олд томони;

г) ҳайдовчи - 11 йўл варақасининг олд томони;

д) ғазначи - 2530 йўл варақасининг ички томони;

е) ёқилғи қуйиш шохобчаси оператор - 34, 35, 41 ва 42 йўл варақасининг ички томони;

ж) ёқилғи-мойлаш материаллари учун масъул шахс - 36 - 40 йўл варақасининг ички томони.

§ 7. АВТОБУС ВА ЙЎНАЛИШЛИ ТАКСИЛАР

ЧИПТА-ҲИСОБ ВАРАҚАЛАРИНИ ТЎЛДИРИШ

67. Чипта-ҳисоб варақаларини тўлдириш ишлаш, тайёрлашда навбатчи диспетчерлар ва чипта ғазначилари, ҳайдовчилар (кондукторлар), тушимни қабул қилувчи ғазначилар иштирок этадилар (4, 5-сонли иловалар).

68. Қайд этилган ходимларга қуйидаги вазифалар юкланади:

а) чипта-ғазначиси ҳайдовчиларга ёки кондукторларга берилган билетлар ҳақидаги юқори билетларнинг тури, қиймати, серияси ва рақамлари қайд этилган катакларни тўлдиради. Ушбу маълумотлар чипта-ҳисоб варақасида қайд этилгани каби, назорат варақасининг тегишли графаларида ҳам қайд этилади (4, 5-сонли иловалар). Бундан ташқари, чипта ғазначиси чипта-ҳисоб варақаси берилган сана, автотранспорт воситаси рақами, ҳайдовчининг (кондукторнинг) фамилияси ва ҳақиқий тушим ҳисоб-китобининг тўғрилигини текшириш натижаларини ёзиб қўяди.

Шаҳар атрофи ва шаҳарлараро йўналишларда ишловчи ҳайдовчиларга бериладиган чипталарнинг умумий миқдори (уларнинг автовокзаллар (автостанциялар) ва автоғазналар орқали ишлаганида), автовокзаллар (автостанциялар) ва автоғазналар ведомостларини ҳисобга олганда ушбу йўналишдаги тушган умумий тушимнинг 70 фоизидан кам бўлмаслиги лозим (6, 7-иловалар);

б) ҳайдовчига (кондукторга) чипта-ҳисоб варақасини чипталар билан бирга берганда, чипта ғазначиси унга шу вақтнинг ўзида йўналиш бўйича белгиланган миқдорда айирбошлаш учун майда пулларни беради ва берилган чипталарни санаганидан сўнг унга чипта-ҳисоб варақасига миқдорини ёзиб қўяди.

Келгусида чипта-ҳисоб варақаларини бериш сотилган чипталар учун тушимни йиғиш вақтида ғазначи томонидан амалга оширилади, бунда, топширилаётганининг ўрнига битта чипта-ҳисоб бланкаси берилади;

в) Навбатчи диспетчер автотранспорт воситасининг йўналиш варақасида иш бошланиши ва тугаши вақтини тўлдиради ҳамда автотранспорт воситасини фойдаланганлиги натижаларини, яъни ташилган йўловчилар сони ва бажарилган йўловчи/километрни тўлдиради;

г) ҳайдовчилар ва контролерлар назорат варақасида юқорги чипталарнинг сериялари, рақамлари ва нархларини қайд этган ҳолда, сотилган чипталарнинг ҳар бир қатнов бўйича ёзувларни киритади. Иш вақти тугаганидан сўнг улар томонидан сотилган чипталар сони ва тушим миқдори ёзиб қўйилади.

Сотилган чипталар ҳақидаги сафарга чиқиш олди ёзувлари назорат пунктлари ходимлари томонидан штамп ва имзо билан тасдиқланиши лозим;

д) йўналиш назоратчилари назоратни амалга ошириш чоғида ҳайдовчидан чипта-ҳисоб варақасини талаб қилишлари, чипта-ҳисоб варақасида қайд этилган чипталарнинг серияси ва рақамлари тўғри келишини, кондукторда (ҳайдовчида) чипталарнинг мавжудлигини текширишлари, чипта-ҳисоб варақасини текширганлиги тўғрисида, текширган вақтни қайд этиб, имзо билан тасдиқлаб қўйиши лозим;

е) автовокзаллар (автостанциялар) ва оралиқ автоғазналари ғазначилари назорат варақасининг орқа томонида ҳар бир қатнов бўйича ҳар бир автотранспорт воситасига сотилган чипталар сонини, чипталар серияси, рақами ва уларнинг қийматини ёзиб боради.

Барча қайд этилганлар автовокзаллар (автостанциялар) ва оралиқ автоғазналари ғазначилари имзоси билан штамп қўйилган ҳолда, тасдиқланган бўлиши зарур;

ж) топширилаётганининг ўрнига янги чипта-ҳисоб варақалари берилаётганда тушимни қабул қилиш ғазначиси иш якунланганидан сўнг "Иш бошланишидан аввал" графасига ҳайдовчида ёки кондукторда, юқорги чипталар серияси, рақамларини қайд этган ҳолда, сменадан кейин қолган чипталар ҳақида маълумотларни киритади.

Ушбу маълумотлар ҳайдовчи, кондуктор ёхуд бошқа шахс томонидан киритилиши тақиқланади.

Тушим миқдори ва минтақа билетлари корешогини қабул қилишда чипта-ҳисоб варақасининг орқа томонидаги "Ғазнага қабул қилинди" бўлимида қабул қилинган тушим ҳақида ёзув қайд этилади.

69. Чипта-ҳисоб варақасининг алоҳида бўлимларини тўлдиришда қуйидаги кўратмаларга амал қилиш зарур:

а) 1-бўлим. Ҳайдовчилар, кондукторлар маълумотлари, автовокзаллар (автостанцилар) қайдномалари.

Автотранспорт воситасининг сафари чоғида ҳайдовчи (кондуктор) томонидан сотилган чипталарнин тўғрилигини назорат қилиш учун, кондуктор ёки ҳайдовчи "Назорат варақаси"да ҳар бир қатнов бўйича йўналишлардаги белгиланган пунктларда сўнгги чипталарнинг сериялари ва рақамларини ёзиб боришлари шарт.

Қайдномалар назорат пунктлари ҳар бир йўналиш учун алоҳида белгиланади.

Йўналишда бир неча автоташувчиларнинг автотранспорт воситалари ишлаган тақдирда, пунктлар юқори ташкилот томонидан белгиланади.

Вақтни тежаш мақсадида, ҳайдовчи ёки кондуктор чипта-ҳисоб варақасида чипталарнинг турли шакллари тўғрисига олти хонали рақамларнинг сўнгги учтасини ёзишлари мумкин.

Чипталар сериялари ва рақамлари тўғрилигини солиштириш: йўлда - ваколатли органлар томонидан, оҳирги ва оралиқ пунктларда - автовокзал (автостанция) бўйича навбатчи томонидан амалга оширилади.

Иш якунланганидан сўнг ҳайдовчи ёки кондуктор 1-бўлим бўйича "Ҳайдовчилар, кондукторлар маълумотлари, автовокзаллар (автостанциялар) қайдномалари" якунларни санайдилар, сотилган чипталар сонини ва ҳар бир қиймат бўйича тушим миқдорини ёзадилар ва ушбу якунларни ўз имзолари билан тасдиқлайдилар.

Минтақа чипталарини сотишда ҳайдовчи иш якунланганидан сўнг чипталар корешокларини йиртилган жойлари бўйича таҳлайди, йиртилган жойлари бўйича бир ҳил чипталар сонини аниқлайди, ушбу маълумотларни 1-бўлимнинг "Минтақавий чипталар" тегишли графаларига киритади ва уларни ўзининг имзоси билан тасдиқлайди.

б) 2-бўлим. автоғазналар маълумоти (шаҳарлараро йўналишларнинг кунлик).

Чипта-ҳисоб варақасининг мазкур бўлими (4-илова) фақат оралиқ автовокзаллар (автостанциялар) ва автоғазналар навбатчи ғазначилари томонидан тўлдирилади. Маълумотлар жуфт ва тоқ қатновлар бўйича алоҳида тўлдирилади.

Бунда, оралиқ автовокзал (автостанция) ва автоғазна навбатчи ғазначи бўлимнинг барча графаларини, яъни: қатнов рақами, бошланғич ва сўнгги чипталар сериялари ва рақамлари, сотилган чипталар сони ва нарҳини тўлдириши шарт.

Олдиндан сотилган чипталар бўйича ғазначи назорат варақасида ведомость бўйича сотилган чипталар сонини қайд этиши лозим.

70. Чипта-ҳисоб врақаларини ишлаш, тайёрлаш ва бажарилган ташишлар ҳажмини йўловчи/километрда аниқлаш, навбатчи диспетчер томонидан назорат варақасининг 1-бўлимидаги маълумотлар асосида амалга оширилади.

Ташилган йўловчилар сони ва бажарилган йўловчи/километр, Ўзбекистон Республикаси Вазирлар Маҳкамасининг 2012 йил 17 сентябрдаги 273-сонли қарори билан тасдиқланган шаҳар, шаҳар атрофи, шаҳарлараро, халқаро йўналишларда умумий фойдаланишдаги автомобиль ва электр транспортида йўловчи-айланмаси ва ташилган йўловчилар сонини белгилаш тартиби тўғрисидаги Низом асосида аниқланади.

71. Чипта-ҳисоб варақаси ишлов берилганидан сўнг бухгалтерияга топширилади ва ғазна ҳужжатлари билан бирга сақланади, назорат ости варақаси эса йўл варақаси билан бирга сақланади.

72. Чипта-ҳисоб ва назорат варақалари ўртасида ғазнага топширилган тушим миқдори бўйича қандайдир тафовут аниқланган тақдирда, диспетчер ёзма равишда бўлим бошлиғига етказиши ва нусҳасини зудлик билан чора кўриш учун бош бухгалтерга топшириши лозим.

73. Диспетчер ўз вақтида ишлаб бўлган навбатчилик учун назорат варақаларини топширмаган ҳайдовчилар ва кондукторлар ҳақида бўлим бошлиғини хабардор этиши лозим.

74. Фойдаланиш бўлими бошлиғи бош бухгалтер билан ҳамкорликда ғазнага тушаётган пул тушимининг тўлақонлигини ҳар куни солиштириб боришлари ва аниқланган тафовутларни зудлик билан бартараф этишлари лозим.

75. Чипта-ҳисоб варақасида қоида бўйича ёзувлар сиёҳда қайд этилади.

76. Тўғирлаш ва бўяшларга йўл қўйилмайди.

77. Беправолик билан пала-партиш тўлдирилган чипта-ҳисоб варақалари қабул қилиб олинганлиги учун жавобгарлик, тушимни қабул қилиш бўйича ғазначи ва навбатчи диспетчерлар зиммасига юклатилади.

§ 7-1. GPS-ТРЕКЕРЛАР БИЛАН ЖИҲОЗЛАНГАН

ҲАРАКАТ ТАРКИБИНИ МАСОФАДАН НАЗОРАТ

ҚИЛИШ ТИЗИМИ ЖОРИЙ ЭТИЛГАНДА ЙЎЛ

ВА ЧИПТА-ҲИСОБ ВАРАҚАЛАРИНИНГ

ТЎЛДИРИЛИШИ

77-1. GPS-трекерлари навигация ускуналари билан жиҳозланган ҳаракат таркибини масофадан назорат қилиш тизимидан фойдаланиб, йўналишсиз таксиларда йўловчи ташишларини амалга оширишда, йўл варақасининг "Автотранспорт воситасининг пунктларда навбатчилиги" бўлими олд томони 5, 15 графалари, "Ҳақиқий вақт" ва "Часы работы с 1 десятичной" ички томони тўлдирилмайди.

77-2. GPS-трекерлари навигация ускуналари билан жиҳозланган ҳаракат таркибини масофадан назорат қилиш тизимидан фойдаланиб, автобусларда ва йўналишли таксиларда йўловчи ташишларини амалга оширишда, йўл варақасининг олд томони 5, 15 графалари, ички томони 7-20 графалари ва орқа томонининг 3 пункти тўлдирилмайди.

77-3. GPS-трекерлари навигация ускуналари билан жиҳозланган ҳаракат таркибини масофадан назорат қилиш тизимидан фойдаланиб, автобусларда ва йўналишли таксиларда йўловчи ташишларини амалга оширишда, чипта-ҳисоб варақасининг 1-бўлимидаги "Ҳайдовчилар, кондукторлар маълумотлари, автовокзаллар (автостанциялар) қайдномалари" тўлдирилмайди.

§ 8. СОАТБАЙ АВТОБУСЛАР ИШИНИ

ТАРИФЛОВЧИ ЙЎЛ, ЧИПТА-ҲИСОБ

ВАРАҚАЛАРИ ВА НАРЯДЛАРНИ

РЎЙҲАТГА ОЛИШ ТАРТИБИ

78. Соатбай автобуслар ишини тарифловчи йўл, чипта-ҳисоб варақалари ва наряд бланкалари бухгалиерияда сақланади ва эҳтиёжга қараб автотранспорт воситасидан фойдаланиш учун масъул бўлган ходимга (фойдаланиш бўлими бошлиғи, катта диспетчер ва бошқа) штамп ва тартиб рақами кўрсатилган ҳолда берилади (8, 9, 10-иловалар).

79. Ҳайдовчиларнинг бир ой якуни бўйича фойдаланилган йўл варақалари келгусида ишлаш, тайёрлаш ва келгуси ойнинг 3 санасига қадар уларнинг рақамларини солиштириш учун бухгалтерияга топширилади.

80. Чипта-ҳисоб варақалари ҳар куни чипта ғазначиси томонидан расмийлаштирилганидан сўнг бухгалтерияга топширилади, бунда ҳам берилган ва топширилган чипта-ҳисоб варақалари рақамлари солиштирилади.

81. Буюртма бўйича бажарилган нарядлар фойдаланиш бўлими томонидан 11-иловага мувофиқ ҳар 10 кун муддатда солиштириш учун бухгалтерияга топширилади.

§ 9. ЯКУНИЙ ҚОИДАЛАР

82. Мазкур Йўриқнома Ўзбекистон Республикаси давлат тассаруфидан чиқариш ва рақобатни ривожлантириш Давлат қўмитаси, Молия вазирлиги, Давлат статистика қўмитаси билан келишилган.

Йўриқномага

1-ИЛОВА

             

Ҳайдовчининг фамилияси__________________________

         

            

            

Йўл варақасида тузатишлар қатъиян таъқиқланади

Йўриқномага

2-ИЛОВА

     

________________________ 20 __ й. 1 дан 31____________________га қадар

(ташувчи)

____ -сонли ЙЎЛ ВАРАҚАСИ

Бириктирилган автотранспорт воситаси: русуми ________ давл. рақами_________ гараж. рақами_________

         

Орт томони

      

Ҳайдовчининг фамилияси, исми ва шарифи_____________________

Катта диспетчер_______________________

           

3-бет

Автотранспорт воситаси бириктирилди: русуми ________ давл. рақами _______

Иқтисодчи ______________________

Фойдаланиш бўлими бошлиғи_______________

          

Орт томони

4-бет

1. Автотранспорт воситасининг гараждан чиқиш

бўйича кечикканлиги тўғрисида қайднома

          

2. Автотранспорт воситасининг гаражга

киргани ва йўналишда туриб қолгани

          

3. Автотранспорт воситасини бошқа йўналишга

ўтказилганлиги тўғрисида маълумотлар

          

4. Эътирозлар

         

Ташувлар ва тўлдиришлар хусусиятларидан келиб чиқиб, ташувчи мустақил равишда йўл варақаси графалари ва шаклига мазкур шалкга зид бўлмаган қўшимчалар киритишга ҳақлидир.

Йўриқномага

3-ИЛОВА

______-сонли НАРЯД

Ишга ___________ русумли ____________ -давлат рақамли автотранспорт воситаси

         

Йўриқномага

4-ИЛОВА

Ташувчининг штампи

______-сонли чипта-ҳисоб варақаси

(шаҳар, шаҳар атрофи автотранспорт воситаси)

20__ й. "___"_____________ учун

Автотранспорт воситаси давлат рақами ___________

ҳайдовчи (кондуктор) __________________

Майдалаш учун миқдорда танга берилди:

Ғазначи__________________________

_____ -сонли назорат варақаси автотранспорт воситаси рақами_____ йўналиш _______________

          

           

Ғазнага қабул қилинди

1. Нақд пулда ____________ сўм. _____________ тийин.

2. шу жумладан, багаж учун ______________ сўм.____________ тийин

20__ й. "___"________________.

қабул қилди ғазначи ______________________________

топширди ҳайдовчи (кондуктор) ______________________________

            

     

Йўриқномага

5-ИЛОВА

Ташувчи штампи

Чипта-ҳисоб варақаси рақами ______

(халқаро автотранспорт воситасининг)

200__й. "___"_____________ учун

Автотранс. Вос. давлат рақами ___________ ҳайдовчи ___________________________

ғазначи__________________________

назорат варақаси рақами _____ Автотранспорт воситаси рақами _____ йўналиш _______________

            

              

ҒАЗНАГА ҚАБУЛ ҚИЛИНДИ

1. Нақд пулда ____________________ сўм. ___________________ тийин.

_____________________________________________________________

                                                                   (ёзма)

2. Ҳарбий талаб бўйича ____ ______сўм. _______________ тийин.

3. Ведомостлар бўйича ________________________________________

4. минтақавий чипталар корешоклари

Ғазначи қабул қилди______________________________

ҳайдовчи топширди ______________________________

            

                

       

Йўриқномага

6-ИЛОВА

_________________________________ (ведомостни берган автовокзал

_________________________________ (автостанция) номи)

ВЕДОМОСТЬ

Автотранспорт чипталар сотиш рақами ________________________

(автотранспорт воситасининг дав. рақами ва русуми)

_____________________________________________________________________

(автотранспорт воситаси эгаси номи)

_____________________________________________________________________

(сафар йўналиши номи)

Жўнаб кетиш станцияси _________________________________________ жўнаш "___" __________ 200 __ й. соат ____________ ____________ дақиқа.

             

             

     

Йўриқномага

7-ИЛОВА

_________________________________(ведомостни берган ташувчи ёки

_________________________________ автовокзал номи)

ВЕДОМОСТЬ

Шаҳар атрофи йўналишига чипта сотиш _____________ код

Паспорт бўйича сиғимлилиги

Жўнаш пункти ___________________ Жўнаш

_____ 20__ й.

             

               

       

Йўриқномага

8-ИЛОВА

Ҳисобхона томонидан фойдаланиш бўлимига

берилган йўл варақалари ҳисоби

ВЕДОМОСТИ

    

Йўриқномага

9-ИЛОВА

Чипта-ҳисоб варақалари ҳисоби

ВЕДОМОСТИ

        

Йўриқномага

10-ИЛОВА

Ҳисобхона томонидан фойдаланиш

бўлимига берилган нарядлар ҳисоби

ВЕДОМОСТИ

  

     

Йўриқномага

11-ИЛОВА

Автотранспорт воситаларининг наряд бўйича

ишлари учун фойдаланиш бўлимининг ҳисобот

ВЕДОМОСТИ

       

Қонун ҳужжатлари маълумотлари миллий базаси (www.lex.uz)