Давлат активларини бошқариш агентлиги директорининг 14.03.2019 й. 01/10-10/54-сон "Ўзбекистон Республикаси Риэлторлик хизматларининг миллий стандарти (3-сон РХМС) "Кўчмас мулк объектлари ва уларга бўлган ҳуқуқлар билан савдоларни ташкил қилиш"га ўзгартиришлар киритиш тўғрисида"ги Буйруғи (АВ томонидан 15.04.2019 й. 2652-2-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

15.04.2019 й.

N 2652-2

ЎЗБЕКИСТОН РЕСПУБЛИКАСИ

ДАВЛАТ АКТИВЛАРИНИ БОШҚАРИШ

АГЕНТЛИГИ ДИРЕКТОРИНИНГ

14.03.2019 й.

N 01/10-10/54

БУЙРУҒИ

Ўзбекистон Республикаси Риэлторлик

хизматларининг миллий стандарти (3-сон РХМС)

"Кўчмас мулк объектлари ва уларга бўлган ҳуқуқлар

билан савдоларни ташкил қилиш"га ўзгартиришлар

киритиш тўғрисида

Ўзбекистон Республикаси Президентининг 2019 йил 5 февралдаги ПҚ-4160-сон "Жаҳон банки ва Халқаро молия корпорациясининг "Бизнес юритиш" йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида"ги қарорига мувофиқ БУЮРАМАН:

1. Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитасининг 2014 йил 31 декабрдаги 01/27-26/30-сон қарори (рўйхат рақами 2652, 2015 йил 3 февраль) (Ўзбекистон Республикаси қонун ҳужжатлари тўплами, 2015 й., 5-сон, 60-модда) билан тасдиқланган Ўзбекистон Республикаси Риэлторлик хизматларининг миллий стандарти (3-сон РХМС) "Кўчмас мулк объектлари ва уларга бўлган ҳуқуқлар билан савдоларни ташкил қилиш"га иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Директор                                                                 Н. Жўраев

Буйруққа

ИЛОВА

Ўзбекистон Республикаси Риэлторлик

хизматларининг миллий стандарти (3-сон РХМС)

"Кўчмас мулк объектлари ва уларга бўлган ҳуқуқлар

билан савдоларни ташкил қилиш"га киритилаётган

ўзгартиришлар

1. 12-банднинг тўртинчи хатбошисидан ва 34-банднинг бешинчи хатбошисидан "(жисмоний шахслар учун) ҳамда талабгорнинг имзоси ва муҳри билан (юридик шахслар учун)" деган сўзлар чиқариб ташлансин.

2. 32-банднинг иккинчи хатбошиси қуйидаги таҳрирда баён этилсин:

"савдолар ташкилотчисининг номи ва почта манзили, телефони, телефакс, электрон почта манзили ва веб-сайти (агар мавжуд бўлса);".

Қонун ҳужжатлари маълумотлари миллий базаси (www.lex.uz),

2019 йил 15 апрель

"Ўзбекистон Республикаси қонун ҳужжатлари тўплами",

2019 йил 22 апрель, 16-сон, 316-модда