Ўзбекистон Республикаси Вазирлар Маҳкамасининг 05.07.2019 й. 562-сон "Ўзбекистон Республикаси Қуролли Кучлари ҳарбий хизматчилари ва уларнинг оила аъзоларини ижтимоий қўллаб-қувватлаш тизимини такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

05.07.2019 й.

N 562

ЎЗБЕКИСТОН РЕСПУБЛИКАСИ

ҚУРОЛЛИ КУЧЛАРИ ҲАРБИЙ ХИЗМАТЧИЛАРИ ВА

УЛАРНИНГ ОИЛА АЪЗОЛАРИНИ ИЖТИМОИЙ ҚЎЛЛАБ-

ҚУВВАТЛАШ ТИЗИМИНИ ТАКОМИЛЛАШТИРИЛИШИ

МУНОСАБАТИ БИЛАН ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА

ЎЗГАРТИРИШ ВА ҚЎШИМЧАЛАР

КИРИТИШ ТЎҒРИСИДА

"Умумий ҳарбий мажбурият ва ҳарбий хизмат тўғрисида"ги Ўзбекистон Республикаси Қонуни, Ўзбекистон Республикаси Президентининг "Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида" 2017 йил 16 августдаги ПФ-5156-сон Фармони, "Ёшларни ватанпарварлик руҳида ва жисмоний тарбиялаш ҳамда чақирилувчиларни ҳарбий-техник мутахассисликлар бўйича тайёрлаш тартибини такомиллаштириш бўйича қўшимча чора-тадбирлар тўғрисида" 2018 йил 12 декабрдаги ПҚ-4061-сон қарори ва "Ахборот-коммуникация технологиялари ва алоқа соҳасида офицер кадрлар тайёрлаш тизимини янада такомиллаштириш чора-тадбирлари тўғрисида" 2019 йил 17 январдаги ПҚ-4122-сон қарорига мувофиқ, шунингдек, ҳарбий ҳужжатларни расмийлаштириш ва бериш, Ўзбекистон Республикаси олий ҳарбий таълим муассасаларига танлаш тартиби ва қабул қилиш қоидаларини янада такомиллаштириш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Ўзбекистон Республикаси Мудофаа вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ҳамда Ўзбекистон Республикаси мудофаа вазири Б.Н. Курбанов зиммасига юклансин.

Ўзбекистон Республикасининг Бош вазири                                                   А. Арипов

Вазирлар Маҳкамасининг

2019 йил 5 июлдаги

562-сон қарорига

ИЛОВА

Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Вазирлар Маҳкамасининг "Ўзбекистон Республикаси Қуролли Кучлари ҳарбий хизматчиларининг шахсий гувоҳномасини ва ҳарбий хизматга мажбурларнинг гувоҳномасини амалга киритиш тўғрисида" 2002 йил 15 февралдаги 55-сон қарорида (Ўзбекистон Республикаси ҚТ, 2002 й., 2-сон, 9-модда):

а) 4-бандга "бошқармаларида" сўзидан кейин "ёки туман (шаҳар) мудофаа ишлари бўлинмаларида" сўзлари қўшилсин;

б) Ўзбекистон Республикаси Қуролли Кучлари офицерининг, контракт бўйича ҳарбий хизматчининг шахсий гувоҳномалари ва захирадаги офицернинг гувоҳномаси тўғрисидаги низомда:

5-банддаги "Ўзбекистон Республикаси фуқаросининг паспорти берилади" сўзлари "Ўзбекистон Республикаси фуқаросининг хорижга чиқиш учун биометрик паспорти берилади" сўзлари билан алмаштирилсин;

6-банднинг иккинчи хатбошига "бошқармалари" сўзидан кейин "ёки туман (шаҳар) мудофаа ишлари бўлимлари" сўзлари қўшилсин;

13-банддаги "сержантлар тайёрлаш мактабига" сўзлари "кичик мутахассислар тайёрлаш марказига" сўзлари билан алмаштирилсин;

22-банднинг иккинчи хатбошига "бошқармалари" сўзидан кейин "ёки туман (шаҳар) мудофаа ишлари бўлимлари" сўзлари қўшилсин;

26-бандга "бошқармаларига" сўзидан кейин ", улар орқали эса туман (шаҳар) мудофаа ишлари бўлимларига" сўзлари қўшилсин;

27-банднинг биринчи хатбошига "бошқармаларида" сўзидан кейин "ва туман (шаҳар) мудофаа ишлари бўлимларида" сўзлари қўшилсин;

31-бандга "бошқармаларида" сўзидан кейин "ва туман (шаҳар) мудофаа ишлари бўлимларида" сўзлари қўшилсин;

34-банднинг биринчи хатбошига "бошқармаларида" сўзидан кейин "ва туман (шаҳар) мудофаа ишлари бўлимларида" сўзлари қўшилсин;

в) Ҳарбий гувоҳнома тўғрисидаги низомда:

2-банддаги "ҳарбий ўқув юрти" сўзлари "ҳарбий таълим муассасаси" сўзлари билан алмаштирилсин;

3-банддаги "ҳарбий ўқув юртига" сўзлари "ҳарбий таълим муассасасига" сўзлари билан алмаштирилсин;

4-банддаги "захирада" сўзи "резервида ва захирасида" сўзлари билан алмаштирилсин;

8-бандда:

"б" кичик бандидаги "захирага" сўзи "резервига, захирага" сўзлари билан алмаштирилсин;

"г" кичик бандидаги "ҳарбий ўқув юрти" сўзлари "ҳарбий таълим муассасаси" сўзлари билан алмаштирилсин;

"е" кичик бандидаги "ўқув юртларида, Мудофаага кўмаклашувчи "Ватанпарвар" ташкилотининг ўқув ташкилотларида" сўзлари "таълим муассасасида, мудофаа ишлари бошқармалари ҳузуридаги чақирилувчиларни ҳарбий-техника мутахассисликлари бўйича тайёрлаш марказларида" сўзлари билан алмаштирилсин;

10-бандда:

биринчи ва иккинчи хатбошилар қуйидаги таҳрирда баён қилинсин:

"Ҳарбий гувоҳнома мудофаа ишлари бошқармасида ёки туман (шаҳар) мудофаа ишлари бўлимларида тақдим этилган ҳужжатлар асосида расмийлаштирилади. Ҳарбий гувоҳноманинг биринчи саҳифаси ўзи елимланадиган шаффоф пластик плёнка билан муҳофазаланади.

Ҳарбий гувоҳномани ҳарбий хизматга мажбурга топшириш ва уни ҳарбий ҳисобга олиш қоидалари билан таништириш туман (шаҳар) мудофаа ишлари бўлимлари томонидан амалга оширилади.";

қуйидаги мазмундаги хатбоши қўшилсин:

"Алоҳида ҳолларда, мудофаа вазирининг қарорига асосан ҳарбий гувоҳноманинг биринчи ва иккинчи саҳифаларини қора рангли тушда қўлда ёзиш йўли билан расмийлаштиришга рухсат берилади.";

12-бандга "бошқармалари" сўзидан кейин ", улар орқали эса туман (шаҳар) мудофаа ишлари бўлимлари" сўзлари қўшилсин;

13-банднинг биринчи хатбошидаги "бошқармаларида" сўзидан кейин "ва туман (шаҳар) мудофаа ишлари бўлимларида" сўзлари қўшилсин;

16-бандга "бошқармаларида" сўзидан кейин "ва туман (шаҳар) мудофаа ишлари бўлимларида" сўзлари қўшилсин;

18-бандга "бошқармалари" сўзидан кейин "ва туман (шаҳар) мудофаа ишлари бўлимлари" сўзлари қўшилсин.

3. Вазирлар Маҳкамасининг "Муҳаммад ал-Хоразмий номидаги Тошкент ахборот технологиялари университетида кадрлар тайёрлаш тизимини тубдан такомиллаштириш ва самарадорлигини ошириш чора-тадбирлари тўғрисида" 2018 йил 24 июлдаги 569-сон қарорига (Ўзбекистон Республикаси ҚҲМБ, 2018 йил 24 июль) 1-иловадаги "Махсус факультет" блоки чиқариб ташлансин.

Қонун ҳужжатлари маълумотлари миллий базаси (www.lex.uz),

2019 йил 8 июль