Давлат активларини бошқариш агентлигининг 14/02-сон, Марказий банк Бошқарувининг 276-В-4-сон "Санация қилинаётган корхона махсус санация ҳисобварағининг ишлаш тартиби тўғрисидаги низомга ўзгартиришлар ва қўшимча киритиш тўғрисида"ги 09.03.2020 й. Қарори (АВ томонидан 13.04.2020 й. 1636-4-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

13.04.2020 й.

N 1636-4

ҚАРОРИ

Санация қилинаётган корхона махсус санация

ҳисобварағининг ишлаш тартиби тўғрисидаги низомга

ўзгартиришлар ва қўшимча киритиш тўғрисида

Ўзбекистон Республикаси Президентининг 2019 йил 14 январдаги ПФ-5630-сон "Давлат активларини бошқариш, монополияга қарши курашишни тартибга солиш тизимини ва капитал бозорини тубдан такомиллаштириш чора-тадбирлари тўғрисида"ги Фармони ва 2019 йил 5 февралдаги ПҚ-4160-сон "Жаҳон банки ва Халқаро молия корпорациясининг "Бизнес юритиш" йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида"ги қарорига мувофиқ Ўзбекистон Республикаси Давлат активларини бошқариш агентлиги ва Марказий банки Бошқаруви ҚАРОР ҚИЛАДИ:

1. Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси ҳамда Марказий банки бошқарувининг 2006 йил 7 июлдаги 2, 276-В-сон қарори (рўйхат рақами 1636, 2006 йил 3 ноябрь) (Ўзбекистон Республикаси қонун ҳужжатлари тўплами, 2006 й., 43-44-сон, 437-модда) билан тасдиқланган Санация қилинаётган корхона махсус санация ҳисобварағининг ишлаш тартиби тўғрисидаги низомга иловага мувофиқ ўзгартиришлар ва қўшимча киритилсин.

2. Мазкур қарор расмий эълон қилинган кундан эътиборан кучга киради.

Қарорга

ИЛОВА

Санация қилинаётган корхона махсус санация

ҳисобварағининг ишлаш тартиби тўғрисидаги низомга

киритилаётган ўзгартиришлар ва қўшимча

1. 1-банддаги "Хусусийлаштирилган корхоналарга кўмаклашиш ва рақобатни ривожлантириш давлат қўмитаси Ҳайъати (бундан кейин - Қўмита Ҳайъати)нинг" деган сўзлар "Давлат активларини бошқариш агентлиги Ҳайъатининг (бундан буён матнда Агентлик Ҳайъати деб юритилади)" деган сўзлар билан алмаштирилсин.

2. 2-банд қуйидаги таҳрирда баён этилсин:

"2. Махсус санация ҳисобварағини очиш учун санация қилинаётган корхона унинг талаб қилиб олингунча асосий депозит ҳисобварағига хизмат кўрсатаётган банкка махсус санация ҳисобварағи очишга ариза тақдим этади. Аризага Агентлик Ҳайъатининг корхонага нисбатан судгача санацияни жорий этиш тўғрисидаги қарорининг Агентлик томонидан тасдиқланган нусхаси, молиявий соғломлаштириш бизнес-режаси ва барча кредиторлар қарзларини сўндиришнинг Агентлик Ҳайъати маъқуллаган жадвали илова қилинади.".

3. 3-бандда:

иккинчи хатбошидаги "хорижий валютадаги" деган сўзлар "чет эл валютасидаги" деган сўзлар билан алмаштирилсин;

учинчи хатбошидаги "Вазирлар Маҳкамаси ҳузуридаги Қишлоқ хўжалиги маҳсулотларининг давлат хариди ва қишлоқ хўжалигини техника билан жиҳозлашни мақсадли молиялаштириш" деган сўзлар "Молия вазирлиги ҳузуридаги Қишлоқ хўжалигини давлат томонидан қўллаб-қувватлаш" деган сўзлар билан алмаштирилсин;

тўртинчи хатбоши қуйидаги таҳрирда баён этилсин:

"Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси маблағлари ҳаракати билан боғлиқ махсус ҳисобварақларнинг ишлаш тартиби Ўзбекистон Республикаси Марказий банки билан келишилган ҳолда Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасини бошқариш департаменти томонидан белгиланади.".

4. 4-банднинг биринчи ва иккинчи хатбошиларидаги, 5 ва 8-банддаги "Қўмита" деган сўз "Агентлик" деган сўз билан алмаштирилсин.

5. 9-банддаги "Қўмита Ҳайъатининг" деган сўзлар "Агентлик Ҳайъатининг" деган сўзлар билан алмаштирилсин.

6. 11-бандда:

учинчи хатбошидаги "бошқа мажбурий тўловлар" деган сўзлар "йиғимлар" деган сўз билан алмаштирилсин;

еттинчи хатбоши "банк" деган сўздан кейин "ва Ўзбекистон Тикланиш ва тараққиёт жамғармаси" деган сўзлар билан тўлдирилсин.

7. 12-банддаги "хорижий валютадаги" деган сўзлар "чет эл валютасидаги" деган сўзлар билан алмаштирилсин.

8. 13-бандда:

биринчи хатбошидаги "Қўмита" деган сўз "Агентлик" деган сўз билан алмаштирилсин;

иккинчи хатбошидаги "Қўмита Ҳайъатининг" ва "Қўмита" деган сўзлар тегишли равишда "Агентлик Ҳайъатининг" ва "Агентлик" деган сўзлар билан алмаштирилсин.

Қонун ҳужжатлари маълумотлари миллий базаси (www.lex.uz),

2020 йил 13 апрель

"Ўзбекистон Республикаси қонун ҳужжатлари тўплами",

2020 йил 20 апрель, 15-сон, 168-модда