2021 йил IV чоракда штрих-кодлар учун сканерлар харид қилганлар имтиёзни қўллашлари мумкин!

2021 йил октябрь-декабрда онлайн-НКМ ва виртуал кассага штрих-кодлар ва рақамли маркировкани ўқийдиган ва аниқлашни таъминловчи қурилмалар харид қилган тадбиркорлар ПҚ-5252-сон қарорда назарда тутилган имтиёзни қўллашлари мумкин.

Эслатиб ўтамиз, 04.10.2021 йилдаги ПҚ-5252-сон қарорнинг 3-бандига мувофиқ 2023 йил 1 январга қадар онлайн-НКМ ва штрих-кодлар ва рақамли маркировка кодларини тўғри ўқишни ва аниқлашни таъминловчи қурилмаларни харид қилувчи тадбиркорлик субъектларига фойда солиғи, айланмадан олинадиган солиқ ёки қатъий белгиланган миқдорда ЖШДС бўйича имтиёз тақдим этилган. Ҳисобланган ва тўланиши лозим бўлган  солиқ суммасини камайтириш мумкин (битта қурилма учун БҲМнинг 4 бараваридан кўп бўлмаган миқдорда).

Бироқ ушбу қурилмаларни 2021 йил октябрь-декабрда харид қилган тадбиркорлар имтиёзни қўллай олишмади. Ҳисоб-китобни топширишда тизим “Танланган имтиёз кўрсатилган солиқ ва даврга мувофиқ келмайди” деган хабар чиқарди.

ДСҚ муаммонинг техник сабабларини бартараф этди, энди имтиёз 2021 йил октябрь-декабрда харид қилинган қурилмаларга нисбатан ҳам қўлланилмоқда.

Агар сиз имтиёзни қўллай олмаган ва ҳисоботни топширган бўлсангиз, уни кўрсатилган давр учун қайта топширишга тўғри келади.

Ҳисоб-китобни топшириш ёки қайта топширишдан олдин солиқ тўловчи шахсий кабинетининг “Имтиёздан фойдаланиш бўйича мурожаат” интерактив хизмати орқали  тегишли хабарномани жўнатишни унутманг.

Манбага қаранг.

Олег ГАЕВОЙ тайёрлади