Қалбаки (кўзбўямачилик учун тузилган) битимлар бўйича ҚҚСни ҳисобга олиш тўғрисида солиқ органига қандай жавоб берилади

Вазият:  солиқ органи текширувдан олдин таҳлил натижалари бўйича ташкилотга ҚҚС ҳисоб-китобига белгиланган муддатда тегишли ўзгартиришлар киритиш ҳақидаги хабарномани унга юборди.

Хабарномада қуйидагилар қайд этилган, яъни:

• ташкилот, солиқ тўламаслик хавфининг юқорилиги аниқланган ва ҚҚС тўловчиси гувоҳномаси бекор қилинган корхона билан унинг товарларини харид қилиш бўйича қалбаки (кўзбўямачилик учун тузилган) битимни тузган. Бунда товарлар 2021 йил март ойида қабул қилиб олинган, етказиб берувчининг гувоҳномаси эса 2021 йил август ойида бекор қилинган. Битим қалбаки ёки кўзбўямачилик учун тузилган битим бўлмаган, товарнинг ҳақиқатда етказиб берилиши амалга оширилган ва барча зарур ҳужжатлар расмийлаштирилган;
• ташкилот ушбу битим бўйича ҳисобга олинган ҚҚСни бекор қилиши ва бюджетга тўланадиган солиқ суммасини кўпайтириш томонига тузатиш киритиши лозим бўлади (ҚҚС ҳисоб-китобига 4-илова).