Солиқ назорати пайтида гувоҳни сўроқ қилиш ҳақида нималарни билиш керак

Тавсияда:

– гувоҳни сўроқлаш ёки суриштирув қилиш;
– гувоҳнинг ҳуқуқ ва мажбуриятлари;
– текширувларда гувоҳнинг иштироки тўғрисида нималарни билиш керак;
– сўроқ қилишдан олдин ва сўроқ қилиш пайтида юзага келиши мумкин бўлган вазиятлар.

Солиқ назоратининг қўшимча тадбирлари сифатида гувоҳни сўроқлаш (сўроқ қилиш) Солиқ кодексида фақатгина 2020 йилдан бошлаб пайдо бўлган. Шунинг учун корхонанинг ҳар қандай раҳбари ва айниқса бухгалтерия хизматининг раҳбари учун сўроқ қилишни ўтказиш тартибини ва қоидаларини билиш муҳимдир. Шуни эсда тутиш лозимки, яъни ҳар қандай инсон сўроқ қилиниши мумкин ва у корхона ходими бўлиб ҳисобланадими ёки ҳисобланмайдими, бунинг аҳамияти йўқ. Қонун солиқ органи томонидан сўроқ қилиниши мумкин бўлган шахслар доирасини чекламайди. Фақатгина бу шахс, текширилаётган ташкилотнинг фаолияти тўғрисида бирор-бир ҳолатлар ўзига маълум бўлган ҳар қандай жисмоний шахс бўлиши мумкинлиги келтирилган . Шу сабабли, бошидан сизнинг фаолиятингиз ҳақида маълумотларга эга бўлган шахслар доирасини минимал даражагача қисқартириш корхонанинг манфаатларига мос келади. Қанчалик кам одамлар хабардор бўлса, текширув пайтида потенциал гувоҳлар шунчалик кам бўлади.

Гувоҳни сўроқлаш ёки суриштирув қилиш

Қонунчиликда солиқ назоратининг қўшимча тадбирлари сифатида гувоҳни сўроқ қилишнинг аниқ таърифи келтирилмаган. Фақатгина бир жойда бу тадбир қуйидагича сўроқ қилиш деб аталган: «солиқ назоратининг қўшимча тадбирлари сифатида ҳужжатларни талаб қилиб олиш, гувоҳни сўроқ қилиш, экспертиза амалга оширилиши мумкин» . Бошқа барча меъёрий ҳужжатларда бунга аниқлик киритилмаган, фақат қуйидагича айланиб ўтиб таърифланган «... шахс...