2022 йил декабрь ойи учун ЖШДС ва ШЖБПҲга бадаллар қандай ҳисобланади

Тавсияда:

– 2022 йил декабрь ойи учун ЖШДС ҳисоб-китобида зарур бўлган базавий маълумотлар;
– 2022 йил декабрь ойи учун ЖШДС қандай ҳисобланади:
        оддий вазиятда;
        имтиёзларни ҳисобга олган ҳолда;
        ўриндошнинг даромадидан;
        ходим ихтиёрий равишда тиббий суғурталанганда;
        ШЖПБҲга ихтиёрий бадаллар ўтказилганда;
        нодавлат мактабгача таълим ташкилотларида ўқиш учун ҳақ тўланганда;
        юридик шахсга турар жойни ижарага берувчи ходимнинг даромадларидан;
        норезидентнинг даромадидан.

2022 йил декабрь ойи учун ЖШДСни қуйидаги базавий маълумотлар асосида ҳисобланг:

• декабрь ойида иш соатлари сони:

   5 кунлик (40 соатлик) иш ҳафтасида – 167;
   6 кунлик (40 соатлик) иш ҳафтасида – 166;
   36 соатлик иш ҳафтасида – 149; 

• иш кунлари сони:

5 кунлик иш ҳафтасида – 21;
6 кунлик иш ҳафтасида – 25; 

• Ўзбекистон резиденти бўлган жисмоний шахсларнинг барча даромадларига (дивидендлар ва фоизлар кўринишидаги даромадлардан ташқари) 12 % ставкада солиқ солинади ;
• Ўзбекистон норезиденти бўлган жисмоний шахснинг меҳнат шартномалари (контрактлари) ва фуқаролик-ҳуқуқий тусдаги шартномалар бўйича Ўзбекистондаги манбалардан олинган даромадларига 2022 йил 1 майдан бошлаб 12 % ставка бўйича солиқ солиниши лозим   ;
• январь–май ойларида МҲЭКМ 822 000 сўмни ташкил қилди , июнь–декабрь ойларида 920 000 сўмга тенг ;
• фуқароларнинг ШЖБПҲга мажбурий ойлик бадаллари ставкаси ходимга ҳисобланган иш ҳақи (даромадларидан) солиқ солинадиган суммасининг 0,1 %ини ташкил этади 26.12.2018 й. ;
• ҳисоблаб чиқарилган ЖШДС суммаси ШЖБПҲга ўтказиладиган мажбурий ойлик бадаллар суммасига камайтирилади