Таътилни оптимал равишда режалаштириш

Тавсияда:

– таътил пулларини иш ҳақини ошириш ҳисобига кўпайтириш;
– таътил пулларини ишлаб чиқарилган маҳсулотни ошириш ҳисобига кўпайтириш;
– таътил пулларини қўшимча тўловлар ҳисобига кўпайтириш;
– даромадни таътил учун компенсация ҳисобига кўпайтириш;
– таътилни иш кунининг ва таътил кунининг қийматини ҳисобга олган ҳолда режалаштириш;
– байрам кунлари ва дам олиш кунлари ҳисобига узлуксиз таътилни кўпайтириш;
– таътилнинг шанба кунлари ҳисобига узайтирилиши.

Меҳнат таътили тўланадиган дам олиш вақтидир. Таътил пайтида ҳам дам олиб, ҳам кўпроқ пул ишлай дейсиз. Тавсияларимизга риоя қилган ҳолда бунга эришишингиз мумкин.

Таътилда кўпроқ пул олиш учун нима қилиш керак

Таътил пуллари ҳисоб-китоб қилинадиган қоидаларни билсангиз, таътил ойида кўпроқ суммага эга бўлишингиз мумкин.

1. Таътил учун иш ҳақи оширилган ойни ёхуд ундан кейин келувчи ойларни танланг

Таътил даврида маошлар ва тариф ставкалари оширилса, таътил пуллари янги қийматлардан келиб чиқиб қайта ҳисоб-китоб қилинади .