Солиқ органининг маълумотлар базасида нотўғри маълумотлар акс эттирилган бўлса, нима қилиш керак

Тавсияда:

– солиқ органлари маълумотлар базасида хатонинг юзага келиш сабаби;
– ягона тизимдаги нотўғри маълумотлардан келиб чиқадиган оқибатлар;
– ишончли бўлмаган маълумотлар учун жавобгар бўлган давлат органига мурожаат қилиш;
– солиқ органининг талабига эътирознома тайёрлаш ва унинг мазмуни;
– юқори турувчи солиқ органига ёки Маъмурий судга мурожаат қилиш;
– шикоятнинг мазмуни, уни кўриб чиқиш муддати.

Навбатдаги солиқ ҳисоботини топширишдан олдин, корхонанинг бош бухгалтери сифатида сиз солиқ органининг маълумотлар базасида корхонангизнинг кўчмас мулки тўғрисида нотўғри маълумотлар мавжудлигини пайқаб қолдингиз. Сиз хатони мустақил равишда ўзингиз тузата олмайсиз, чунки бундай тоифадаги маълумотлар маълум бир хизмат томонидан киритилган маълумотлар асосида автоматик равишда шаклланади. Нотўғри маълумотларга асосланган ҳолда солиқ ҳисоботини топшириш етарли даражада муаммоли ҳисобланади. Сизда солиқлар суммаси кўпаяди ёки камаяди – бу ҳолатларнинг иккаласи ҳам исталмаган оқибатларга олиб келади. Келинг, бундай вазиятда нима қилиш кераклигини ва кераксиз қўшимча тўловлар ёки солиқларни кам тўлашдан қандай қочиш кераклигини аниқ бир мисол ёрдамида кўриб чиқайлик.

Солиқ органлари маълумотлар базасида хатонинг юзага келиш сабаби

Корхона 2024 йил сентябрь ойида бино сотиб олди. Сотиб олинган мулкни рўйхатдан ўтказиш белгиланган тартибда амалга оширилди ва кутилганидек, кўчмас мулкка бўлган ҳуқуқларни давлат рўйхатидан ўтказиш учун барча зарур бўлган ҳужжатлар зудлик билан кадастр органларига тақдим этилди. Бироқ, кейинроқ маълум бўлишича, ягона маълумотлар базасига маълумотларни киритишда кадастр идоралари хатога йўл қўйган, аввалги мулкдор ушбу мулкни қачон сотиб олганлигини рўйхатга олган – яъни 2024 йил январни. Маълум бўлишича, улар маълумотни киритишда фақат мулкдорни ўзгартирган, аммо санасини сентябрь ойига ўзгартирмаган. Барча кадастр маълумотлари автоматик равишда солиқ органларига юборилганлиги сабабли, нотўғри бўлган маълумотлар ҳам дарҳол уларнинг маълумотлар базасида ўз аксини топган. Корхонанинг солиқ тўловчиси шахсий кабинетида кўчмас мулкни сотиб олиш санаси 2024 йил январь деб кўрсатилган. Бундай ҳолатда тизим, корхонага 2024 йил январь ойидан бошлаб автоматик равишда мол-мулк солиғини ҳисоблашига сабаб бўлди. Шундай ҳолат юзага келдики, корхонанинг мол-мулк солиғи бўйича йил бошидан қарзи мавжудлиги аён бўлди ва натижада солиқни ўз вақтида тўламаганлиги учун пеня ҳисобланди.

Бундай вазиятда корхона ва бош бухгалтернинг айби йўқ, бу тушунарли. Аммо бухгалтер сентябрь ойи учун солиқ ҳисоботини тақдим эта олмайди, чунки унда мол-мулк солиғи бўйича маълумотлар нотўғри акс...