2024 йил июль ойи учун ЖШДС ва ШЖБПҲга бадалларни қандай ҳисоблаш керак

Тавсияда:

– 2024 йил июль ойи учун ЖШДС ҳисоб-китобида зарур бўладиган базавий маълумотлар;

– 2024 йил июль ойи учун ЖШДС қандай ҳисобланади:
        оддий вазиятда;
        имтиёзларни ҳисобга олган ҳолда;
        ўриндошнинг даромадидан;
        ШЖБПҲга ихтиёрий бадаллар ўтказилганда;
        нодавлат мактабгача таълим ташкилотларида ўқиш учун ҳақ тўланганда;
        юридик шахсга турар жойни ижарага берадиган жисмоний шахснинг даромадларидан;
        норезидентнинг даромадидан.

2024 йил июль ойи учун жисмоний шахслардан олинадиган даромад солиғини қуйидаги базавий маълумотлар асосида ҳисобланг:

• иш соатлари сони: 

5 кунлик (40 соатлик) иш ҳафтасида – 184;
6 кунлик (40 соатлик) иш ҳафтасида – 181;

• 36 соатлик иш ҳафтасида – 162;
• иш кунлари сони: 

5 кунлик иш ҳафтасида – 23;
6 кунлик иш ҳафтасида – 27;

• Ўзбекистон Республикаси резиденти бўлган жисмоний шахсларнинг даромадларига (дивидендлар ва фоизлар кўринишидаги даромадлардан ташқари) 12 % ставка бўйича солиқ солинади ;
• Ўзбекистон норезиденти бўлган жисмоний шахснинг меҳнат шартномалари (контрактлари) ва фуқаролик-ҳуқуқий тусдаги шартномалар бўйича Ўзбекистондаги манбалардан олинган даромадларига 12 % ставка бўйича ЖШДС солинади   ;
• меҳнатга ҳақ тўлашнинг энг кам миқдори (МҲЭКМ) январь-июль ойларида – 1 050 000 сўм ; 
• фуқароларнинг шахсий жамғариб бориладиган пенсия ҳисобварақларига (ШЖБПҲ) мажбурий ойлик бадаллари ставкаси ходимга ҳисобланган иш ҳақи (даромад) солиқ солинадиган суммасининг 0,1 %ини ташкил этади ;
•  ҳисоблаб чиқарилган ЖШДС суммаси ШЖБПҲга ўтказиладиган мажбурий ойлик бадаллар суммасига камайтирилади .

Оддий вазиятда ЖШДС қандай ҳисобланади

Белгиланган солиқ базаси ҳамда солиқ ставкаларидан келиб чиққан ҳолда олинадиган даромад бўйича ЖШДСни йил бошидан ҳар ойда ортиб борувчи якун билан ҳисобланг . Ўзбекистон резиденти бўлган жисмоний шахснинг барча даромадларига (дивидендлар ва фоизлар бундан мустасно) ягона 12 % ставка бўйича солиқ солинади .

Эътибор беринг

Бюджетга ўтказиладиган ЖШДСни ШЖБПҲга ҳар ойлик мажбурий бадаллар суммасига камайтиринг. Улар ЖШДС солинадиган даромаднинг 0,1 %ини ташкил этади .