Бухгалтерлар учун батафсил тушунтиришлар:
1 сентябрдан қайси суғурта шартномалари фақат Ягона полислар тизими орқали расмийлаштирилади
2024 йил 1 сентябрдан Ўзбекистонда суғурта (қайта суғурта) шартномалари фақат электрон шаклда расмийлаштирилади ва Ягона автоматлаштирилган ахборот тизими орқали рўйхатдан ўтказилади 
. Жумладан - иш берувчининг фуқаролик жавобгарлигини суғурталаш, ОСАГО ва бошқалар.
Тафсилотлар - buxgalter.uz шарҳида:
Муҳим янгиликларни ўтказиб юбормаслик учун бизнинг Телеграм-каналимизга обуна бўлинг.
1 августдан юридик ва жисмоний шахслар аллақачон Суғурта полисларини расмийлаштиришнинг ягона тизимидан фойдаланишлари мумкин. Бугунги кунда у мажбурий суғурта шартномаларининг тўрт турини тузиш ва рўйхатдан ўтказишни таъминлайди:
- иш берувчининг фуқаролик жавобгарлиги;
- ташувчининг фуқаролик жавобгарлиги;
- хавфли ишлаб чиқариш объектида авария юз берганда бошқа шахсларнинг ҳаёти, соғлиғи ва (ёки) мол-мулкига ҳамда атроф-муҳитга зарар етказганлик учун фуқаролик жавобгарлиги;
- давлат маблағлари ва давлат кафолати остидаги кредитлар ҳисобидан объектлар қурилишида қурилиш хавфларини суғурталаш, суғурта полисларини рўйхатдан ўтказиш ва расмийлаштириш.
1 сентябрдан платформа барча суғурта турлари учун, нафақат мажбурий суғурта учун мажбурий бўлади. У аллақачон давлат органлари ва 25 та суғурта ташкилотларининг ахборот тизимлари билан интеграция қилинган.
Тизимда авторизациядан ўтиш учун OneID даги ҳисоб қайдномангиз ёки ЭРИ калитидан фойдаланинг.
"Полисни расмийлаштириш" ойнасида суғурта маҳсулоти ва суғурта компаниясини танлаш мумкин.
"Менинг полисларим" ойнасида сизда мавжуд бўлган суғурта шартномалари (шу жумладан 097 бўйича) ҳақида маълумот олишингиз мумкин. Зарур бўлганда уларни юклаб олиш мумкин.
"Менинг суғурта даъволарим" ойнасида янги даъво яратиш, шунингдек илгари яратилган даъволар ҳолатини кузатиб бориш мумкин.
Манбани кўринг.
Саида ЖАНИЗАКОВА тайёрлади
