ЭИЗ иштирокчилари учун экспортни қўллаб-қувватлашнинг қандай чоралари бекор қилинмоқда

18.01.2025 йилдаги ВМҚ-18-сон қарори билан Ҳукуматнинг айрим қарорларидан ЖСТ битимларига мувофиқ экспортни қўллаб-қувватлаш чоралари чиқариб ташланмоқда.

Бу нимани англатади?

Хусусан, божхона тўловларидан озод қилиш бўйича қуйидаги нормалар бекор қилинмоқда:

• ЭИЗ иштирокчилари – экспорт учун маҳсулот ишлаб чиқаришга мўлжалланган ускуналар, хомашё, материаллар ва бутловчи қисмларни олиб киришда ЭИЗнинг бутун фаолияти даврига;
• «Ангрен» ЭИЗ ва «Жиззах» ЭИЗ иштирокчилари – экспортга йўналтириладиган маҳсулот қисмида хомашё, материаллар ва бутловчи қисмларни олиб киришда ЭИЗнинг бутун фаолияти даврига.

Шунингдек, автомобиль, ҳаво ва темир йўл транспортида экспорт ташишлари бўйича харажатларни қоплаш тўхтатилади.

«Ўзбекнефтгаз» АЖ бирлашмалари - Кўкдумалоқ, Мингбулоқ конларини қидириш ва ўзлаштириш ҳамда нефтни қайта ишлаш заводи қурилишини тугаллаш даврида маҳсулот экспортига солиқлар тўлашдан озод қилиш бўйича норма чиқариб ташланмоқда.

Ҳужжат 2025 йил 21 январдан кучга кирди.

Манбага қаранг.

Шунингдек, илгари Иқтисодиёт ва молия вазирлиги мутахассислари айланмадан олинадиган солиқ бўйича экспортга оид имтиёзларнинг бекор қилиниши ҳақида маълумот берган эдилар.