2025 йил февраль ойи учун ЖШДС ва ШЖБПҲга бадалларни ҳисоблаш тартиби

Тавсияда:

– 2025 йил февраль ойи учун ЖШДС ҳисоблашда зарур бўлган асосий маълумотлар;
– 2025 йил февраль ойи учун ЖШДС ҳисоблаш:
      одатдаги ҳолатда;
      имтиёзларни ҳисобга олган ҳолда;
      ўриндошга;
      ШЖБПҲга ихтиёрий бадал ўтказилганда;
      нодавлат мактабгача таълим ташкилотлари хизматлари тўланганда;
      уй-жойни юридик шахсга ижарага берувчи жисмоний шахснинг даромадларидан;
      норезидент даромадларидан.

2025 йил февраль ойи учун жисмоний шахслардан олинадиган даромад солиғини қуйидаги асосий маълумотлар бўйича ҳисобланг:

• иш соатлари сони:

5 кунлик (40 соатлик) иш ҳафтаси – 160;
6 кунлик (40 соатлик) иш ҳафтаси – 160;
36 соатлик иш ҳафтаси – 144;

• иш кунлари сони:

5 кунлик иш ҳафтаси – 20;
6 кунлик иш ҳафтаси – 24; 

• Ўзбекистон Республикаси резиденти – жисмоний шахснинг даромадларига 12%лик ставка бўйича солиқ солинади (дивидендлар ва фоизлар кўринишидаги даромадлардан ташқари) ;
• Ўзбекистон Республикаси норезиденти – жисмоний шахснинг меҳнат шартномалари (контрактлари) ва фуқаролик-ҳуқуқий тусдаги шартномалар бўйича Ўзбекистондаги манбалардан олинган даромадларига 12% ставка бўйича ЖШДС солинади   ;
• 2024 йил 1 октябрдан меҳнатга ҳақ тўлашнинг энг кам миқдори (МҲТЭКМ) 1 155 000 сўмни ташкил этади