Ҳисобот ўз вақтида топширилса ҳам, топширилмагани учун жарима олсангиз, нима қилиш керак?

2025 йил 9 май куни баъзи солиқ тўловчилар 2024 йил учун мулк солиғи бўйича ҳисоботни ўз вақтида топширмаганлик учун маъмурий иш қўзғатиш ва МЖТК 175-моддасининг 2-қисми бўйича жарима солиш тўғрисидаги билдиришномани кутилмаганда олдилар, гарчи ҳаммаси ўз вақтида топширилган бўлса ҳам.

Вuxgalter.uz илтимосига биноан бу борада бухгалтерларга солиқ маслаҳатчиси Гулнора ЭРГАШЕВА қисқача маслаҳат берди:

– Менга бир неча бухгалтерлар бирданига шундай муаммо билан мурожаат қилишди:

Агар сиз ҳисоботингиз билан ҳаммаси жойида эканлигига ишонсангиз, лекин шу билан бирга солиқ тўловчининг кабинетига мана бундай ҳужжат олган бўлсангиз, зудлик билан ўз инспекторингиз билан боғланинг. Ушбу носозликнинг сабаби – Интернет тармоғидаги соф техник носозликлар.

10 май куни мен ўз инспекторим билан гаплашдим ва аллақачон душанба куни маъмурий ишни тўхтатиш тўғрисида билдиришнома келди.