Саволларингизга жавобларни Buxgalter Pro да топасиз:
Тадбиркорлар my3.soliqда корпоратив чекларни рўйхатдан ўтказишда тизим картани жисмоний шахсга тегишли деб аниқлаб, хатолик чиқараётганидан шикоят қилишди. Солиқ қўмитаси барча ишларни қандай тўғри бажариш керак эканлигини тушунтириб берди.
Buxgalter.uz тафсилотларни аниқлаштирди:
Керакли тушунтиришни ўтказиб юбормаслик учун ҳар эҳтимолга қарши Телеграм каналимизга обуна бўлинг.
Онлайн-НКМ томонидан шакллантирилган фискал чекларда банк картасининг тури – корпоратив ёки индивидуал эканлигини кўрсатиш керак.
ҚҚСни ҳисобга олиш учун фақат «Карта тури» бўлимида «корпоратив» деб кўрсатилган чекларни рўйхатдан ўтказиш мумкин.
Бунинг учун сотувчи-кассир реализация чекини шакллантиришда банк картасининг турини харидордан олдиндан аниқлаб, киритиши керак. Бу ҳақда батафсилроқ шу ерда ёзганмиз:
Расмийлаштирилган чекни тўғри эканлигини текшириш ва уни my3.soliq.uz сайтида шахсий кабинетда рўйхатдан ўтказиш «Юридик шахсларнинг корпоратив карталари орқали тўлов амалга оширишда чекларни рўйхатдан ўтказиш» бўлимида қуйидаги йўллар билан амалга оширилади:
- чекдаги QR-кодни сканерлаш
ёки
- фискал белги, фискал модул ва чек рақамини қўлда киритиш билан.
Бундан ташқари, бундай чекларни харидлар амалга оширилган ойдан кейинги ойнинг 10-санасигача рўйхатдан ўтказиш керак 
.
Корпоратив карта орқали тўлашда ҚҚС суммаси солиқ ҳисоботида акс эттирилиши учун кассадан узоқлашмасдан берилган чекдаги маълумотларни текшириш тавсия этилади.
Манбага қаранг.
