Бухгалтерларга июлда керак бўлади:
Корпоратив карта билан тўлашда берилган чекни Didox орқали қандай рўйхатдан ўтказиш керак
Корпоратив карта билан тўлашда берилган чекни Didox тизими орқали рўйхатдан ўтказиш мумкин. Муваффақиятли рўйхатдан ўтказилгандан сўнг чек маълумотлари my3.soliq.uz сайтидаги рўйхатдан ўтказилган чеклар рўйхатида ва ҚҚС ҳисоботида кўрсатилиши керак.
Амаллар кетма-кетлигини buxgalter.uz сайтининг сўровига биноан Didox мижозлар билан ишлаш бўйича менежери Екатерина КУЛДАШЕВА тушунтирди:
Керакли тушунтиришни ўтказиб юбормаслик учун Телеграм каналимизга обуна бўлинг.
Эътибор беринг
Ушбу функционал ишини текширишда биз КБК чекларини кўрсатишдаги хатолар билан дуч келдик. Didox ходимлари бундай барча вазиятларни мониторинг қилишларини ва юзага келган муаммо сервис иши билан боғлиқ бўлса ёрдам беришга тайёр эканларини тушунтиришди.
Шунинг учун хатолар юзага келганда бу ҳақда Didox.uz – Savol-javob гуруҳига хабар бериш керак.
– Корпоратив карта билан тўлашда берилган онлайн-НКМ чекини рўйхатдан ўтказиш учун:
1. Didox.uz сайтидаги шахсий кабинетингизга киринг.
2. «Молия» бўлимини, сўнгра – «Мониторинг»ни, сўнгра – «Чекни рўйхатдан ўтказиш» қуйи бўлимини очинг.
3. Чек маълумотларини киритинг, қуйидаги майдонларни тўлдиринг:
- «Фискал белги»;
- «Фискал модул рақами»;
- «Терминалнинг RRN коди». Қолган майдонлар автоматик тўлдирилади.
4. «Юбориш» тугмасини босинг.
Didox.uz орқали чекни муваффақиятли рўйхатдан ўтказилгандан сўң чек маълумотлари my3.soliq.uz сайтидаги рўйхатдан ўтказилган чеклар рўйхатида ва ҚҚС ҳисоботида кўрсатилади.
Эътибор беринг
Чек маълумотлари my3.soliq.uz сервисига муваффақиятли юкланганига ишонч ҳосил қилинг. Носозликлар юзага келганда Didox.uz – Savol-javob гуруҳига мурожаат қилинг.
