Ходимларга ҳар кунги ва ҳар ҳафталик дам олиш қандай берилади. Байрам кунларида дам олиш

Тавсияда:

– ҳар кунги (сменалар оралиғидаги) дам олиш;
 – ҳар ҳафталик дам олиш;
– байрам кунларида дам олиш;
– дам олиш ва байрам кунларида ишлашни тақиқлаш.

Ҳар кунги (сменалар оралиғидаги) дам олишни қандай белгилаш керак

Ҳар бир ходим дам олиш, бўш вақт ва иш вақтини оқилона чеклаш ҳуқуқига эга. Ҳар кунги дам олиш ходимларнинг соғлиғини сақлаш ва мустаҳкамлаш, меҳнат муҳофазасини таъминлаш, ишлаб чиқариш жароҳатланишлари ва касб касалликларининг олдини олиш, ходимларнинг иш қобилиятини сақлаш, уларга дам олиш, оилавий вазифаларни бажариш ва ҳоказо учун бўш вақт берилиши учун зарур. 

Ҳар кунги (сменалар оралиғидаги) дам олиш – бу ишнинг (сменанинг) тугаши ва кейинги куни (сменада) бошланиши ўртасидаги вақт. Бундай дам олишнинг энг кам давомийлиги, шу жумладан дам олиш ва овқатланиш учун танаффус 12 соатдан кам бўлиши мумкин эмас. Бу Меҳнат кодексининг 206-моддасида белгиланган.

12 соат – бу қонун билан кафолатланган ҳар кунги (сменалар оралиғидаги) дам олишнинг энг кам давомийлиги. Ушбу минимумга барча иш берувчилар, улар қандай иш вақти режимини (бир сменали, кўп сменали, мослашувчан, иш кунини қисмларга бўлиш, вахта ва ҳ. к.) ва иш вақтини ҳисобга олишнинг қандай турини (кунлик, ҳафталик ёки жамлаб ҳисобга олиш) қўллашидан қатъи назар, риоя этиши керак. Иш вақтини ҳисобга олишнинг ушбу барча турлари ҳақида биз тавсияда ёзганмиз.

Ҳар кунги (сменалар оралиғидаги) дам олиш 12 соатдан ортиқ ҳам бўлиши мумкин, асосийси – кам бўлмаслиги керак.

Сменали иш режимида ҳам ҳар кунги дам олиш 12 соатдан кам бўлмаслиги керак. Бунда ходимнинг кетма-кет 2 смена ишлаши мумкин эмас. Буни сменаларга...